Category Archives: ඉස්ලාම්

රමලානයේ සැබෑ අරුත-Why Ramadan brings us together

රමලාන් පිළිබඳව විවිධ මතිමතාන්තර මුස්ලිම් නොවන ජන සමාජයේ පැතිර ඇති බැව් නොරහසකි. ඒවායින් බොහෝ කරුණු රමලානය පිළිබඳව ගැඹුරින් අධ්‍යයනය නොකළ මුස්ලිම් වුවද ඉස්ලාමය පිළිබඳව අනවබෝධයෙන් කටයුතු කරන්නෝ විසින් පවසනු ලැබූ ඒවාය. ඉතිරිය එවැනි මුස්ලිම්වරුන්ගෙන් අසා දැනගත් කරුණු අනුව ස්වකීය නිගමනයකට එළැඹීමෙන් සෙසු ජනයා විසින්ම ගොඩනගා ගන්නා ලද ඒවාය.

සෙසු ජාතිකයන් මුස්ලිම් ජාතිකයෙකුගෙන් ඉස්ලාමය පිළිබඳ කරුණු විමසන්නේ ඔහුට ඒ ගැන අවබෝධයක් ඇතැයි පූර්ව නිගමනයකට එළැඹීමෙන් එවැනි මුස්ලිම් ජාතිකයන් ද ඉස්ලාමය පිළිබඳව හෝ එහි ඇතැම් කරුණු පිළිබඳව හෝ පූර්ණ අවබෝධයක්, දැනුමක් නොමැතිවුවත් එය සඟවාගනිමින් ස්වකීය පාණ්ඩිත්වය ප්‍රදර්ශනය කරමින් නිවැරදි මෙන්ම වැරදි කරුණු ද එසේ විමසන්නා ඉදිරියේ ගෙනහැර දක්වයි.

රමලානය පිළිබඳව පමණක් නොව ඉස්ලාමයේ බොහෝ කරුණු පිළිබඳවත් සෙසු ජාතීන් තුළ ගොඩනැගී ඇති බොහෝ මතිමතාන්තර නිවැරදි ඒවා නොවේ. ඉස්ලාම් වූ පමණින් සෑම මුස්ලිම් ජාතිකයෙකුටම ඉස්ලාමයේ කරුණු කාරණා පිළිබඳව පූර්ණ අවබෝධයක් නොමැත. පූර්ණ අවබෝධයක් ඇත්තන්ට ඒ පිළිබඳව සෙසු ජාතිකයන්ට පහදාදීමට තරම් හැකියාවක් නොමැත.

රමලාන් සමය උපවාස කාලයක් ලෙස ප්‍රධාන වශයෙන් හඳුන්වනු ලැබූවත් ඇත්තවශයෙන්ම එය උපවාසයකට වඩා රමලාන් ශීලය රැක්මක් ලෙස හැඳින්වීම වඩා නිවැරදිය.එම මාසයේ සෑම දිනෙකම පෙරදිග අහසේ සුද පෙනෙන්නට පෙර ආහාරපාන ගෙන සවස හිරු බැස යන තෙක් ආහාරපාන නොගත යුතුය. ඇසට පෙනෙන කිසිම දෙයක් සිරුරේ කිසිම තැනකින් සිරුර තුළට ඇතුල්වීම එම උපවාස ශීලය බිඳීමක් ලෙස සැළකේ. ඒ අනුව ලිංගික එක්වීමද දුම් බීම ද නොකළ යුතුවේ.

එම කාල සීමාව තුළ ඇසගැටෙන ලෞකික ආශාවන් උපදවන දසුන් තුළින් ආගමික නොවන සිතුවිලි සිතෙහි ඇතිවීමෙන් උපවාස ශීලය බිඳෙයි.රමලාන් උපවාසය යනු ඇත්තවශයෙන්ම ආහාර වර්ජනයක්ම නොවේ. මෙහි සැබෑ අරමුණ ආධ්‍යාත්මික පුහුණුවයි. රමලාන් මාසයේ දහවල් කාලයේ ආශාවන්, හැඟීම්, මර්දනයට බලකිරීම ඉතිරි මාස 11 තුළ ආධ්‍යාත්මිකව පිරිසුදු වීමට පුහුණුවක් වනු ඇතැයි අපේක්‍ෂා කෙරේ.

ආහාරපාන නොගෙන පමණක් උපවාසය රැකීමත් අල්ලාහ්ගේ කරුණාව හෝ ප්‍රතිලාභ බලාපොරොත්තු විය නොහැකිය. ‘බොරු කීමත්, එසේ හැසිරීමත් අත්හැරියේ නැද්ද ඔහු නිරාහාරව සිටීම අල්ලාහ් බාර නොගනියි. මෙවැනි උපවාසයෙන් අල්ලාහ් ඈත් වන්නේය”යැයි මුහම්මද් නබිතුමාණන් පැවසූ බැව් අබු හුෙරෙරා (රලි) දන්වා ඇත. (සහීහුල් බුහාරි)

උපවාසයේ යෙදෙන පුද්ගලයා සෑමවිටකම කළයුත්තේ උතුම් කාර්යයන් පමණි. නිරතුරුවම ඔහු හෝ ඇය අල්ලාහ් කෙරෙහි භක්තියෙන් ද සෙසු පුද්ගලයන් කෙරෙහි කරුණාවෙන්, මෛත්‍රියෙන් ද පසුවිය යුතුය.

ලෞකික ආශාවන්වලින් ඈත්විය යුතුය.

විනයගරුකව ශීලාචාරව හැසිරිය යුතුය.

අනුන්ගේ සිත් නොරිදෙන ලෙස කතාබහ කළ යුතුය.

රමලාන් ශීලය රැකීමෙන් මිනිසා කුසගින්න ඉවසා ගනියි. පිපාසය ඉවසා ගනියි. ආශාවන් හා හැගීම් ඉවසා ගනියි. සත්‍යයම කතා කිරීමටත්, නිසි මගෙහි ගමන් කිරීමටත් පුහුණුවෙයි.

එමෙන්ම මේ ශීලය රැකීමෙන් ආහාර වර්ජනය වන නිසා වසරක මාස 11ක් එක දිගටම අවිවේකී වූ මිනිස් සිරුරේ ආහාර ජීර්ණ පද්ධතියට විවේකයක් ලැබේ.

ලෙඩදුක් අඩුකර වැඩි කාලයක් ජීවත්වීමට මඟපෑදේ.

තම ශරීරය මනසින් පාලනය කර ගැනීමට නියම පුහුණුවක් ලැබේ.

එමෙන්ම දුගියාගේ කුසගින්නේ උග්‍රතාව අත්දැකීමෙන් අවබෝධ කර ගැනීමට පොහොසතාට නිසි අවස්ථාවක් රමලාන් උපවාස ශීලයෙන් ලැබේ.

දුගී දුප්පත් ජනතාවට හැකි පමණින් උදව් කිරීමට තරම් පරිත්‍යාගශීලී බවක් සිතට ඇතුලු වෙයි.

රමලාන් උපවාස ශීලය වචනයේ පරිසමාප්ත අර්ථයෙන්ම මිනිසාගේ ජීවන රිද්මයට ආලෝකයකි. ජීවිතයේ නිසි මග පෙන්වන්නකි.


ෆවුස් මොහොමඩ්.

” O ye who believe! Fasting is prescribed to you as it was prescribed to those before you, that ye may (learn) self-restraint ”  Qur’an 2:183

Islamic Relief uses, and has always used zakat to help some of the poorest, most needy, and the most destitute people on the planet. Your zakat donations bring joy to these people, who know that their brothers and sisters all over the world haven’t forgotten them.

ආගම යල්පැන ගිය දෙයක්ද?

මේ විශ්වයේ හා ජීවිතයේ රහස් මිනිසාට හඳුන්වාදීම පමණක් විද්‍යාවෙන් කළ හැකි දේයයි ප්‍රමුඛ විද්‍යාඥයෝ ප්‍රකාශ කරති. මිනිසා විද්‍යාව විසින් සොයා ගත් ඒවා පමණක් සත්‍යය. අනෙක් ඒවා හිස්ය. එහෙත්, එබඳු මෙබඳු ප්‍රකාශයක් කිරීමේ දී ඔවුහු, විද්‍යාවේ බුද්ධිමත් හා ආකර්ශනීය වාර්තා ඇතිවත් එය තවම ළදරු අවස්ථාවේය යන කරුණ අමතක කරති. එසේම බොහෝ දේ පිළිබඳ සත්‍යතාව හෝ අසත්‍යතාව ගැන සුළු අනවශ්‍ය සමීක‍ෂණයක් කරනවාට වඩා සත්‍යයේ ගැඹුරට යාමට එයට නුපුළුවන් බව කීමට හැමදාම පසුබට වෙති. එහෙත්, විද්‍යාවේ අනුගාමිකයන් තවමත් කෑගසා බලධාරි ලෙස අපට කියන්නේ මනුෂ්‍ය ආත්මය තරම් වටිනා දෙයක් තවත් නැත කියා ය. සංවේදන ඉන්ද්‍රියයන්ගේ සීමාවන්ට මැදි වූ මිනිසාට අඥානය සමග සම්බන්ධතාවක් ඇති කරගත හැකිය. දුරඥානය මගින් හෝ සිහින මගින් එයට බැල්මක් හෙළිය හැකිය යන්න ඔවුහු ප්‍රතිෙක‍ෂ්ප කරති.

ඔවුන් ඒවා ප්‍රතිෙක‍ෂ්ප කරන්නේ ඒවා හුදු මායාවන් බව ඔප්පු කිරීම නිසා නොවේ. මනුෂ්‍ය සංඥානයේ ක්ෂේත්‍රය ඉක්මවා ගිය යම් කිසි දෙයක් දෙවියන් වහන්සේගේ සන්තෝෂයට හේතු වන හෙයින් හා ප්‍රමාණවත් නොවන උපකරණ සහිත ප්‍රායෝගික විද්‍යාව එහි රහස එළිදරවු කිරීමට අපොහොසත් හෙයින් ය. මිනිසාගේ පරීක‍ෂණයට විෂය නොවන දෙයක් වූ මෙය මෙම මහත්වරුන් එදෙසට හැරවීමට ශක්තිමත් වෙයි. ඔවුන්ගෙන් සමහරු මනුෂ්‍ය ආත්මය හා සමාන දෙයක් තවත් නැතැයි ලෝකයාට කීමට උනන්දු වෙති.

අද මිනිසා පෙළෙන —ප්‍රබුද්ධ අඥානය˜ එබඳුය. මෙම —විද්‍යාත්මක˜ මකුළු දැල් පිස දැමීමටත් ඈත අතීතයෙන් උරුම වූ මානසික දුර්වලතාවන් නැති කර දැමීමටත් ඉස්ලාම් ආගමේ අවශ්‍යතාව ගැන සිතමින් මිනිසා දුකින් දවසරින අයුරු මෙයින් පෙනේ. මිනිසාගේ අඥාන බව පෙන්නුම් කරන පිළිම වන්දනාව පැරණි ක්‍රමයයි. විද්‍යාභිවාදය එහි නවීනතම අර්ථයයි. මිනසත් බවේ සාධකය හා භාරය නිදහස් කරගැනීම පිණිස මේ දෙවැදෑරුම් අවශ්‍යතාවන් නැතිකර දැමිය යුතු වෙයි. මෙම කාර්ය සාධනයේ දී මනුෂ්‍යත්වයට ඇති එකම බලාපොරොත්තුව ඉස්ලාම් ආගමයි. ආගම හා විද්‍යාව අතර සාමය රඳවා ගත හැක්කේත්, (සාමය නැති කර ගත් ආපදාපන්න වර්තමාන ලෝකයට ඒවා නැවත ලබාදිය හැක්කේත්) මිනිස් සාධනය හා අන්තඥානය අතරත්, මිනිසාගේ ඥානයට ඇති ආශාව හා දෙවියන් වහන්සේ කෙරෙහි ආශාව අතරත් සමනය කළ නොහැකි විරුද්ධතාවක් ඇති කරමින්, අපරදිග ජීවිතය කෙරෙහි පවත්නා නොගැළපෙන ආකල්ප මගින් සාමය හා සමාදානය නැති කර ගත් ආපදාපන්න වර්තමාන ලෝකයට ඒවා නැවත ලබා දිය හැක්කේත් ඉස්ලාම් ආගමට පමණකි.

ඓතිහාසික වශයෙන් වර්තමාන යුරෝපීය ශිෂ්ටාචාරය රෝම අධිරාජ්‍යය විසින් වර්තමාන යුරෝපයට උරුම කොට දුන්නා වූ ද එකකි. මෙම ග්‍රීක ශිෂ්ටාචාරයෙන් මිනිසා ඔහුගේ දෙවියන්ගේ සම්බන්ධතාව අන්‍යෝන්‍ය විරුද්ධතාවයක් හැටියටත් ස්ත්‍රිය ද්වේශයක් හැටියටත් දක්නට ලැබේ. මානුෂික ප්‍රයත්නයේ රහස් මෙබඳුය. එසේ නැතහොත්, මිනිසාට මෙලොවදී අත ගැසීමට සිදු වන හොඳ දේවල් තහනම් කරන හා හැකි නම් ආපසු ගන්නා මේ නිෂප්‍රයෝජනවත් හා ඊර්ෂ්‍යාකාරි දෙවිවරුන්ගෙන් ඈතට පැන යාමට කරන උත්සාහයක් සේ පෙනේ. මේ අයුරින් බලන විට, මිනිසාගේ විද්‍යාත්මක සොයාගැනීම් වනාහී තමාට එබඳු දේවල් කිරීමට තරහවෙන් ඉඩ නොදෙන දෙවියන්ගෙන් පළිගැනීම පිණිස ලැබූ ජයග්‍රහණවලට වෙනත් නමකි.

වර්තමාන බටහිර වැසියාගේ යටිහිත ආක්‍රමණ කොටගෙන සිටින්නේ මෙම ග්‍රීක සංස්කෘතියේ විනාශකාරි ප්‍රවේගය මිස අනෙකක් නොවේ. කරුණු පිළිබඳ අර්ථ නිරූපණයේ දී සමහර විට මෙය පැහැදිළි වේ. භෞතික අංශයෙන් මිනිසා ලබා ඇති ජයග්‍රහණ, ස්වභාව ධර්මය තමන් වෙත නම්මා ගත් කිසියම් උසස් ගුණ බලයක් වෙතින් ලබා ගත් අනර්ඝ වේගයක් ලෙසින් වර්තමාන අපරදිග නම් කරන්නේ අත ග්‍රීක ප්‍රවේගය නිසා ය. වර්තමාන අපරදිග දෙවියන් වහන්සේ කෙරෙහි දක්වන ආකල්පය මෙබඳු යයි දැන ගත යුතුය. අපරදිග කියන හැටියට, මිනිසාට දෙවියන් වහන්සේ ඉදිරියේ මුනින් වැටීමට සිදුවන්නේ මිනිසාගේ ම දුර්වලතාව පිළිබඳ හැඟීම නිසාය. එහෙත්, විද්‍යාවේ විවිධ ක්ෂේත්‍රයන්හි මිනිසා ඉදිරියට තබන සෑම පියවරක් ම ඔහු ජීවිතයේ උසස් තැනකට පත් කරයි. ඔහු දේවත්වයේ කිට්ටුවට ගෙන එයි. අවසානයේ දී ඔහු ජීවිතයේ සියලූම රහස් හෙළිදරවු කොට ජීවිතයද මවයි. මෙය නවීන විද්‍යාඥයාගේ පස්සු අදහසකි. මේ අයුරින් දෙවියන් වහන්සේ යයි කියනු ලබන තැනැත්තාගේ තත්තවයට පැමිණෙයි. එවිට ඔහු අදෘෂ්ට දෙවියන් වහන්සේ ඉදිරියෙහි තව දුරටත් මුනින් වැටීමට නොසිතන්නේ ය. කුමක් නිසාද? ඔහු දෙවියන් වහන්සේගේ තත්ත්වයට නැග ඇති බැවිනි.

වර්තමාන අපරදිග අප පෙළෙන ඉතා භයානක ව්‍යාධිය මෙයයි. එය මුළු ජීවිතයටම විෂ පොවා ඇත. මනුෂ්‍යත්වය ඉරා වෙන්කොට, එක් කොටසක් අනෙක් කොටසට විරුද්ධව තබා ඇත. සාමය, සමාදානය හා සැනසීම දුර්ලභ ධර්ම බවට පත්වී ඇත. එහෙත්, අවසාන බලා පොරොත්තුවක් ඇත. ඒ ඉස්ලාම් ආගමයි. මනුෂ්‍යත්වය දෙවියන් වහන්සේ යන වචනය දෙසට හරවමු. අදේවක අපරදිග විසින් ඇතිකරන ලද විනාශයෙන් මනුෂ්‍යත්වය මුදවා ගත හැක්කේ දෙවියන් වහන්සේට පමණක් බැවිනි. ඒ නිසා, ලබා ගන්නා කවර හෝ දැනුමක්, ද්‍රව්‍යයක්, හෝ තමා විඳින ආධ්‍යාත්මික ලාභයක් හෝ ඇත්ත වශයෙන් ම දෙවියන් වහන්සේ විසින් දෙන ලද පරිත්‍යාගයෙකැයි කියා ඉස්ලාම් ආගම මිනිසාට සුන්දර පෙනුමක්ද ලබා දෙයි. එසේ ලත් දැනුම මනුෂ්‍ය වර්ගයාට සේවය පිණිස යොදවන තාක් දෙවියන් වහන්සේ මිනිසා සමග සතුටු වන සේක. ඉස්ලාම් ආගම පවසන දෙවියන් වහන්සේ කිසි විටෙක තම යටත් වැසියන් තුළ පවත්නා දැනුම ලබා ගැනීමේ අභිලාෂයට විරුද්ධ නොවන සේක. ඔවුන් තමන් වහන්සේගේ බලධාරීත්වයට අභියෝග කරනු ඇතැයි කියා හෝ තමන් වහන්සේ අභිභවනවය කරනු ඇතැයි කියා හෝ බියක් උන් වහන්සේ තුළ නැත. මිනිසා තම විද්‍යාත්මක දැනුම අනිසි ලෙස යෙදුවහොත්, අන්‍යයන් පෙළීම පිණිස ආයුධයක් ලෙස යොදා ගත හොත්, එසේ නැත්නම් තම අනුගාමිකයන් ආක්‍රමණය කිරීමට යොදාගත හොත් පමණක් දෙවියන් වහන්සේ කෝපයට පත් වන සේක.

මේ අයුරින් ඉස්ලාම් ආගම සාමය හා සමාදානය ඇති කරන්නේ පමණක් නොව, මනුෂ්‍ය වර්ගයා දුෂ්ට භාවයෙන් හා මර්දනයෙන් මුදා ගන්නේය. මෙයට අවුරුදු එක් දහස් හාරසියකට පෙර ඉස්ලාම් ආගම බොරු දෙවිවරුන්ගෙන් ලෝකය නිදහස් කළ අවස්ථාවේ පැවැති අදහසට වඩා හොඳ අදහසක් සමකාලීන ලෝකය මේ සම්බන්ධයෙන් ඉදිරිපත් නොකරයි. දස ලක‍ෂ ගණන් වැඩ කරන ජනතාවගේ ලේ උරා බොමින්, ඔවුන් මර්දනය කරමින්, ඔවුන්ගේ අහිංසකත්වය හා අවාසනාවන්ත භාවය දඩමීමා කරගෙන මුදල් උපයමින්, දුෂ්ටභාවය, හිතුවක්කාර රජවරුන්ගේ වේශයෙන් ද, දඩබ්බර කැරළි නායකයන්ගේ වේශයෙන් ද හිත්පිත් නැති ධනපතීන්ගේ වේශයෙන් ද, පිටරටවල පැතිරෙමින් පවති. මේ අතර තවත් පන්තියක පිරිසත්, තුවක්කුවෙන් හා කඩුවෙන් පාලනය කරමින් ද, මිනිසාගේ නිදහස නැති කරමින් ද, තමන් කි්‍රයා කරන්නේ මහජනයාගේ, එසේ නැත්නම් නිර්ධන පන්තියේ කැමැත්තට අනූවයයි කියමින් ද කි්‍රයා කරති.

ඉස්ලාම් ආගම මනුෂ්‍ය වර්ගයා මෙම සියලූම යදම්වලින් මුදා ගත්තේ ය යන පිළිගැනීම ගැන සමහර පාඨකයන් මෙසේ ප්‍රශ්න කරනු ඇත. එසේ නම්, ඇතැම් මුස්ලිම් ඉස්ලාම් ආගමේ නාමයෙන් තම අනුගාමිකයන් හා අවමානයට පත්කරමින්, නිදහස නැති කරමින් කි්‍රයා කරද්දී, ඉස්ලාම් ආගම එම මර්දනකාරී දුෂ්ට බල වේගයෙන් තම අනුගාමිකයන් නිදහස් නොකරන්නේ මන්ද? එම ඒකාධිපතීන් ඉස්ලාම් ආගම දඩමීමා කොටගෙන තම විජිතයන්හි පවත්වන බලයට වඩා වැඩි බලයකුත් පාලනයකුත් පරීක‍ෂණයකුත් එම විජිත කෙරෙහි ඉස්ලාම් ආගමට ඇති බව එබඳු පාඨකයනට පෙන්නා දීමට අපි කැමැත්තෙමු. දෙවියන් වහන්සේ විසින් ම ප්‍රකාශ කරන ලද පරිදි ඔවුහු මෙම පන්තියට අයති වෙති.

—දෙවියන් වහන්සේ විසින් එළිදරවු කරන ලද නීති අනූව යම් කිසිවෙක් පාලනය නොකරත් නම් ඔවුහු දෙවියන් වහන්සේ විශ්වාස නොකරන්නාහු ය.˜ (ශු.අල්කුර්ආනය 5 – 44)

තවද,

—නැත, දෙවියන්ගේ නාමයෙන් ඊට දිය යුතු පිළිතුර —නැත˜ යන්නය. ඔවුනතර මත භේදයකට තුඩු දුන් කරුණු විෂයෙහි විසඳුමක් සැපයීමට ඔවුන් ඔබට අවස්ථාවක් සලස්වා නොදෙන්නේ නම් ද, ඔබගේ විනිශ්චයට අදාළ ව ඔවුන් පටු ආකල්පයක් නොගෙන ඊට සාකල්‍යයෙන් ම අනුකූල නොවන්නේ නම් ද යථාර්ථ වශයෙන් ම ඔවුහු බැතිමත්තු නොවන්නාහු ය.˜ (ශු, කුර්ආනය)





කතෘ: මහාචාර්ය මුහම්මද් කුතුබ්.

පරිවර්තනය: බී. එන්. ආර්. ජයසේන.

  • භූගත ජලය -විද්‍යා‍ව තුලින් සියල්ල දකින්න
  • ජීවයේ උපත-(Birth of Universe)
  • හිජාබ් එහි අවශ්‍යතාවය කුමක්ද?
  • හිජාබයේ වැදගත්කම-විෂමාචාර වූ ගැහුණු පිරිමි සම්බන්ධතාවය හා එයින් ඇතිවන භයානක තත්ත්ව
  • සහෝදරයාගේ අඩිපාරේ යමින් මාද ඉස්ලාමය වැළඳ ගතිමි
  • හිජාබ් -ෆර්දාව ඇඳීම ඔවුන්ගේ නිදහස පැහැරගැනීමක්ද?
  • බහුදේව වාදය ඉස්ලාම් ප්‍රතිෙක‍ෂප කරන්නේ ඇයි ?
  • * කාන්තාව සහ අධ්‍යාපනය
    * කාන්තාවට ලබා දී ඇති අයිතීන්
    * හිජාබ් -ෆර්දාව ඇඳීම සහ කාන්තා නිදහස
    * දික්කසාදය හා ඉස්ලාම් නීතිය
    * ගැහැණු පිරිමි දෙපාර්ශවයම ළඟින් ඇසුරු කිරීම
    * කථා කිරීමේ අයිතිය
    * පවුල් කටයුතු මෙන්ම පොදු කටයුතුවලදී
    * සාක්ෂි කීම-සාධාරණත්වය
    * කාන්තාව සහ දේශපාලනය
    * දේපල (වස්තුව) පිළිබඳ අයිතිය


    භූගත ජලය -විද්‍යා‍ව තුලින් සියල්ල දකින්න

    විද්‍යා‍ව තුලින් සියල්ල දකින්න හතිහලමින් දුවන සමාජයේ විද්‍යාඥයන් පවා මවිත කරවන බොහෝ අනාවැකි හා ඉඟි අල්කුර්ආනයේ අන්තර්ගතව ඇත. නමුත් මෙහි අවාසනාවන්ත කම වන්නේ මෙම කුර්ආනය මනුෂ්‍යයාගේ අවධානයට ලක්නොවීමයි. විශේෂයෙන් බහුතර මූස්ලීම්වරැන් හට ද මේ පිලිබදව අවබෝධයකි නොමැතිවීම මෙහි අවාසනාවන්ත තත්වය තවත් හොදින් පිළිඹිබු කරවයි. මෙවන් වූ තත්වය හි ප්‍රථිපලය වන්නේ මෙම සත්‍ය විද්‍යාඥයන් මඟින් සමාජගත වනවිට මවිතයට පත්ව පිලිගැනීමයි. නමුත් මීට සියවස් 14 කට පෙර තමා ශුද්ධත්වයෙන් ගරැකරන කුර්ආනය තුල මෙම කරැණු අන්තර්ගත යන්න බහුතර මුස්ලීම් ප්‍රජාවට අවබෝධයක් නැත. උදාහර්ණයක් ලෙස පවසනවා නම්,

    භූගත ජලය

    භූගත ජලය එසේත් නැත්නම් පොළොව අභ්‍යන්තරයේ තැන්පත්ව පවතින ජලය. ඇතිවන්නේ කෙසේද?

    මෙය තාක්ෂණයේ හා විද්‍යාවේ ඉනිපෙත්තෙ හි සිටින අද සරලව පිලිතුරැ දියහැකි පහසු ප්‍රශ්නයකි. නමුත් මේ පිලිබදව දශක කිහිපයක්ම පරියේෂණ ගවේෂණ ලොව තුල සිදුවුවා යන්න යථාර්ථයයි. ඒ අදට සාපේක්ෂව දියුණු තාක්ෂණික මෙවලම් නොමැති අවධියකය. ඒ අනුව මේ පිලිබදව විවිධ මත සමාජය තුල ප්‍රකාශ වුනි. එනම්,

    • ක්‍රි පූ 7 වන සියවසයේ දී තෙල්ස්, (Thales) නැමැත්තා පැවසුවේ “වේගයෙන් හමනසුළඟ හේතුවෙන් මුහුදෙ තිබෙන ජලය පොලව තුලට ඇදී යන බවයි” එන්නේය
    • ඉහත මතය සමාන මතයක්  ප්ලාටෝ, (Plato) නැමැත්තා ද පවසන ලදී
    • පසෙහි ඇති ජලවාෂ්ප සිසිල් වී පොළොව යට තැන්පත් වී දියඋල්පත් සඳහා ජලයලබා දෙන බව ඇරිස්ටෝටල් නැමැත්තා පවසන ලදී.

    ඉහත මතවාදයන් සියල්ල 18 වන සියවසය දක්වාම පැවත එන ලදී.

    නමුත් භූගත ජලය ඇති වන්නේ වර්ෂාව හේතුවෙන් බව ප්‍රථමයෙන් ලොවට පෙන්වා දෙන ලද්දේ 1580 දීය. එනම් මීට වසර 430 කට පෙරය. ඒ බර්නාඞ් පල්සියි, (Bernard  Palissy) නැමැත්තාවිසිනි. මොහු පැවසුවේ

    “භූගත ජලය වර්ෂාව මගින් පොළොවට  කිදාබසින ජලය”  බවයි, මෙම මතය  පසු කාලීනව එනම් 17  වන සියවසයේ  දී E මාර්රියෝට්, P පෙරාඋල්ට් නැමති විද්‍යාඥයින් දෙපල විසින් පරියේෂණ මගින් ලොවට තහවුරැ කරන ලදී.

    නමුත් ශුද්ධ වූ කුර්ආනය 7 වන සියවසයේ දී එනම් මෙම මතය (ප්‍රථමයෙන් සමාජය තුල ප්‍රකාශ වූයේ මීට වසර 430කට පමණ පෙරය එසේ) සමාජය තුල ප්‍රකාශවීමටත් වසර 1000 කට පමණ පෙර පැහැදිලිවම “භූගත ජලය” යනු වර්ෂාව හේතු කොටගෙන පොළොව අභ්‍යන්තරයේ තැන්පත් වන ජලය බව පහත ආකාරයට ප්‍රකාශ කර සිටී.

    “අපි අහසින් ජලය පහල කළෙමු අපි එය පොළවෙහි තැන්පත් කළෙමු”

    ශුද්ධ වූ කුර්ආනයේ 23-18

    මෙවැනි සත්‍යයක් මීට වසර 1430 කට පෙර කිසිවිටෙකත් මිනිස් බුද්ධියක් පදනම් කරගෙන පැවසිය නොහැකි බව ඉහත කරැණූවලින් මනාව පැහැදිලි වේ. එසේ නම් ශුද්ධ වූ කුර්ආනය මෙය පැවසූවේ කෙසේද? ඒ එය දිව්‍යමය වාක්‍ය නිසා නොවේද?

    යහමග.කොම් වෙබ් අඩවිය ඇසුරෙන්

    හිජාබ් එහි අවශ්‍යතාවය කුමක්ද?

    මිනිසෙකු යහ මග යන්නේ නම් ඔහුගේ ස්වභාවික හැඟීම් හා ක්‍රියාවන් පිවිතුරු වන්නේ ය, ඔහු වැරදි කිරීමෙන් වැළකී සිටින්නේ යග එවැන්නෙක් තම භාර්යාව හෝ දූවරුන් අන්‍ය පිරිමින්ගේ බැල්මට ලකවීම ප්‍රතික්ෂේප කරයි. හිජාබය මෙයට අදාළ එකකිග —ගීරාහ්˜ නම් වූ සිත් කනස්සල්ල මිනිසාට සංවරභාවය ඇතිකර, තම කාන්තාවන් අන්‍යයන්ගෙන් ආරක්ෂා කර ගැනීමට උදව් වෙයි.

    අද ලොවෙහි බහුතර ජනතාව සංවරභාවයෙන් යුතුව කටයුතු කිරීම බොහෝ දුරට නැතිවී ගොස් ඇත. එවැන්නන් අන්‍ය ස්ත්‍රීන් දෙස කාමුක ආශාවෙන් යුතුව බලයි.මොවුන් තම ස්ත්‍රීන් දෙස වෙනත් අය එලෙසම බැලීම ගැන කිසිදු අහිතක් සිතන්නේ නැත. වැඩි දෙනෙක් ඇඳුම් ඇඳ ඇතත් (නොඇඳපු ලෙස පෙනෙන) අඩ නිර්වස්ත්‍රව සිටින ස්තී්‍රන් සමග වාඩිවී විසිතුරු දේ බලා සතුටුවන බව ඔබ දකින්නට ඇත.

    තවද මොවුන්ගේ භාර්යාවන් එවැනි පරිසරයක තම ශරීරයේ රහස් ප්‍රදේශ පෙනෙන ලෙස අඩ නිර්වස්ත්‍රව සිටීම හෝ ඔවුන් දෙස අනෙක් පිරිමින් රාගාධික බැලූම් හෙලීම ගැන හෝ කනස්සල්ලට පත් නොවෙයි. ඇත්ත වශයෙන්ම එලෙස බලා දෙනෙත් පිනවීම හෝ සිතින් කාම සැප භුක්ති විඳීම ඔවුන්ට ප්‍රශ්නයක් බව හැෙඟන්නේ නැත. ඔවුන්ගේ අභ්‍යන්තර හැඟීම් වන්නේ අපට බලන්න හැකිනම් ඔවුන්ට බැලීමේ වරදක් නැත යන්න ය. මෙය මෙවැන්නන්ගේ ස්වාධීන වූ තේරීමකි.

    මොවුන්ගෙන් ටික දෙනෙක් පමණය තම භාර්යාවන්ට වෙනත් පිරිමීන් සමග නොමනා සබඳකම් ඇති බව දැනගතහොත් දුක් වන්නේ, එවිට ඔවුන් කම්පනයට ලක්වෙයි, තම ගෟරවය උසස් තත්වය හා කීර්තිය සහ මුලින්ම නැති වූ බව සිතා වේදනාවට පත්වෙයි.

    සමහර සමාජයන්හි මෙවැනි ප්‍රශ්න නිරාකරනය කරගැනීමට පොලීසිය කැඳවයි. වෙන කිසිවක් ගැන නොතකා —ගීරාහ්˜ නම් වූ සංවරභාවයෙන් යුත් සිත් කනස්සල්ල නැති මෙවැන්නෙක් —දුගඳ වූ මඩ වගුරක ගිලිහී සිටින ඌරෙකුට˜ සමාන බව කිව නොහැකි ද?

    වර්තමාන ලෝකයේ බොහෝ සමාජයන් හි මෙවන් තිරිසන් හැඟීම් වලින් යුත් ගුණ හා ක්‍රියාවන් ලැව් ගින්නක් සේ පැතිරීගෙන එන බව නොරහසකි.

    අලි (රලි) තුමා කාන්තාවන් ටික දෙනෙක් හමුවූ විට මෙසේ පැවසූ හ:

    —වෙළඳ පොළෙ හි සිටින මුස්ලිම් නොවන කුෆ්ෆාර් (විශ්වාසවන්තයින් නොවන පිරිමීන්) වෙත කාන්තාවන් වූ ඔබ සැවෝම එක්රොක් වන බව මට දැන ගැනීමට ලැබී ඇත. ඔබට —ගීරාහ්˜ (සංවරභාවයෙන් යුත් කනස්සල්ලක්) නැත්තේ ද? කවුරුන් වෙත —ගීරාහ්˜ (නම් වූ සංවරභාවය) නැත්තේ ද ඔවුන් වෙත යහපත් දේ කිසිවක් නැත. ඉස්ලාමය —ගීරාහ්˜ ව විශ්වාසය (ඊමානය)ට ඇතුළත් වූ කොටසක් ලෙස සලකයි˜

    ඉස්ලාමයට අනූව, භාර්යාව දියණියන් හෝ අනෙකුත් කිනම් මුස්ලිම් කාන්තාවක් වූවත්, ඔවුන්ගේ ගෞරවය, සදාචාරය තකා ඔවුන්ව ආරක්ෂා කරගැනීමට අවශ්‍ය කටයුතු කිරීම අනිවාර්්‍ය ය. මෙයට අදාළ දේශනයන් හා ප්‍රායෝගික වැඩ පිළිවෙලක් ගෙන දෙන අගනා ජීවන සැලැස්මක් ඇත්තේ නම් එය ඉස්ලාම් පමණ ය.

    තබර්රුජ ය (කාන්තාවන්ගේ වශීකරනය පෙන්වීම) නින්දාවකි.

    1- තබර්රුජ් යනු අල්ලාහ් ට සහ ඔහුගේ වක්තෘවරයාණන් ට අකීකරුවීම වේ.

    (තබර්රුජ්: භාෂාව අනූව මෙහි තේරුම, —කාන්තාවකගේ රූ සපුව විදහා පෙන්වීම, ඇයගේ මුහුණ විදහා පෙන්වීම, ඇයගේ ශරීරයේ හැඩරුව පෙන්වීම, තම ස්වාමි පුරුෂයා හැර අන් පුරුෂයන් තමන් වෙත ලඟා කර ගැනීමට ගන්නා සෑම ප්‍රයත්නයක් ම කිරීම˜ යනාදිය වෙයි.

    ඉස්ලාමය අනූව මෙහි තේරුම නම්, —කාන්තාව තම රූ සපුව විදහා පෙන්වීම˜ යනු වෙයි. තවද, —ඇය තම ශරීරයේ හැඩරුව පෙනෙන ලෙස (අන් අයගේ හැඟීම් ඇවිස්සෙන ලෙස) ඇවිදීම˜ නම් වූ තේරුමක් මෙයට ඇත. (අල්තබාරි 22-4 සමහරුන්ගේ අදහස් අනූව, අන්‍ය පිරිමින්ට කැපී පෙනෙන අයුරින් සිටීමට කාන්තාවක් තමාට හැකි සෑම අන්දමකින් ම තම ශරීරය අලංකාරවත් කරගන්නේද, ඒ සෑමයක්ම —තබර්රුජ්˜ වෙයි. යනු තේරුම වේ.

    —සමහර විට කාන්තාවක් අන් අයගේ සිත් හා බැල්ම ඇදගන්නා අදහසින් දීප්තිමත් පාටවලින් අලංකාර වූ හිස් වැස්මක් දමන්නේ නම් එය ද ජාහිලියියා (අඥාන සමයේ) —තබර්රුජ්˜ නම් වූ වශීකරණ ක්‍රමයකි.˜ (මව්ලානා මව්දූදි (රහ්) තුමාගේ —ද හිජාබ්˜ නම් වූ කෘතිය පි: 132.

    අල්ලාහ් ට සහ ඔහුගේ වක්තෘ (සල්) තුමාණන්ට කීකරු නොවන කෙනෙක් තමාට ම හිංසා පීඩාව ඇති කරගන්නෙකු වෙයි. එසේ නැතිව ඔහුගේ එම අකීකරුභාවයෙන් අල්ලාහ්ට කිසිදු හිංසාවක් පීඩාවක් ඇතිවන්නේ නැත.

    නබි (සල්) තුමා මෙසේ පැවසූ හ:

    —මගේ සමාජයට ඇතුල් වූ සෑම කෙනෙක් ම ස්වර්ගයට ඇතුල් වෙයි. ප්‍රතික්ෂේප කළවුන් හැර, එවිට අල්ලාහ්ගේ දූතවරයානනි, ප්‍රතික්ෂේප කරන්නවුන් කවුරු ද? යනු ඔවුහු (නබිතුමාගේ මිත්‍රයන්) ඇසූ හ. එයට පිළිතුරු දුන් නබි (සල්) තුමා, කවුරුන් මට කීකරු වන්නේ ද ඔවුන් ස්වර්ගයට පිවිසෙියි, කවුරුන් මට අකීකරු වන්නේ ද ඔවුන් ය (එහි පිවිසීමට) ප්‍රතික්ෂේප කරන්නන්,˜ යනු කීහ. (සහීහුල් බුහාරි, අරාබි ඉංග්‍රීසි පොත් පෙළ, වෙළුම: 9ල හදීස් අංක: 384 පි: 284.

    මුආවියා (රලි) තුමා සිරියාවේ හමාස් නම් වූ ස්ථානයේ එක් රැස්වීමක් අමතා කතා කරන විට නබි (සල්) තුමා කරුණු හතක් තහනම් කළ බවත් එයින් එකක් ලෙස තබර්රුජය ගෙන දැක් වූ බවත් සඳහන් කළේ ය. (ඉමාම් අහ්මද් තුමාගේ මෙම සටහන එතුමාගේ —මුස්නද්˜ ග්‍රන්ථයේ (4-101 අරාබි භාෂාව) ඇත).

    —අබ්දුල්ලාහ් ඉබ්නු මස්ඌද් (රලි)තුමා මෙසේ පවසයි: —නබි (සල්) තුමා ගතිගුණ දහයක් ප්‍රිය කළේ නැත. එයින් එකක් ලෙස නොහොබිනා තැනක තම රූ සපුව පෙන්වන තබර්රුජය ද සඳහන් වෙයි.˜ (අන්නසාඊ පවසන මෙම හදීසය එතුමාගේ —සුනන්˜ අරාබි භාෂා 8-141. කෘතියෙහි සඳහන් වී ඇත.

    ඉමාම් සුයූති (රහ්) තුමා මෙසේ කීහ:

    —කාන්තාවක් තමන් අලංකාරවත් කර අන් අයට පෙන්වීම —තබර්රුජ්˜ වෙයි. මෙය නින්දිත ක්‍රියාවකි. මෙයයි —නොහොබිනා තැනක˜ යනුවෙන් ඉහතින් සඳහන් කොට ඇත්තේ. නමුත් තම සැමියා වෙනුවෙන් අලංකාරවී ඔහුට තම සුන්දරත්වය පෙන්වීමෙහි වරදක් නැත.˜

    2- තබර්රුජ් යනු භයානක, විනාශකාරි පාපයක් වේ.

    රුකයියා නැමැත්තියගේ දියණිය වූ උමයිමාහ් ඉස්ලාමය පිළිගැනීමටත්, නබි (සල්) තුමා —අල්ලාහ්ගේ වක්තෘ˜ බව විශ්වාස කිරීමටත් නබි තුමා වෙත ආවා ය. එවිට නබි (සල්) තුමා ඇය අමතා මෙසේ කීහ:

    —මගේ මෙම උපදෙස්වලට සවන් දෙන්න: ඔබ අල්ලාහ්ට අවනත වන කල්හි ඔහුට වෙනත් කොටස් කරුවන් එක් කළ නොයුතුයි, ඔබ සොරකම් නොකළ යුතුයි, ඔබ නොමනා ශාරීරික සම්බන්ධයන් හි හෝ විෂමාචාරයෙහි හෝ නොයෙදිය යුතුයි, ඔබ ඔබගේ ළදරුවන් නොමැරිය යුතුයි, ඔබ ඔබගේ අත් හා පාදයන් අතර ඕපාදූප නොකිව යුතුයි¦ ඔබ විලාප නගා නො ඇඬිය යුතුයි, ඔබ ජාහිලියියා (ඉස්ලාමයට පෙර වූ ආඥන) කාලයෙහි මෙන් —තබර්රුජ්˜ (නම් වූ සිත් වසඟවන අයුරින් පෙන්වීම) නොකළ යුතුයි.˜

    (ඉමාම් අහ්මද් තුමාගේ —මුස්නද්˜ (2-196 හි මෙය සඳහන් කර ඇත. අහ්මද් ජාකිර් (රහ්) තුමා —මෙම හදීසය පවසන්නන්ගේ පෙළ යහපත් ය, යනු කියා ඇත. තවද, එතුමා මෙසේ කියයි: ඉබ්නු කසීර් (රහ්) තුමා තම තෆ්සීරයෙහි (8ථ 327-328 මෙම හදීසය ගෙන දක්වා, —මෙම හදීසය පවසන්නන්ගේ පෙළ යහපත් ය˜ යන්න ද කියා ඇත. තව ද, මෙම හදීසය අත්තිර්මිදී, අන්නසායී, ඉබ්නුමාජාහ් නම් වූ ග්‍රන්ථයන් සමග සම්බන්ධ කරයි. මෙම හදීසයට පහත සඳහන් වාක්‍යය සාක‍ෂි දරයි:

    —ශාස්තෘවරයානනි. විශ්වාසවන්තියන් වූ කාන්තාවන් දිවුරුම් දීම සඳහා ඔබ වෙත ඇවිත්, ඔවුන් අල්ලාහ් සමග වෙනත් යමක් සම නොකරන බවත්, සොරකම් නොකරන බවත්, විෂමාචාරයේ නොහැසිරෙන බවත්, තමන්ගේ ලදරුවන් නොමරණ බවත්, තමන්ගේ අත් හා පාදයන් අතර ඕපා දූප නොකියන බවත්, කිනම් යහපත් කාර්්‍යයකදී වූවත් ඔබට අකීකරු නොවන බවත් පොරොන්දුවන්නේ නම්, එවිට ඔවුන් ගෙන් වූ දිවුරුම් දීම පිළිගන්න.˜ අල්කුර්ආන් 60ථ 12.

    ඉහත සඳහන් කුර්ආන් වාක්‍යයෙහි සහ හදීසයෙහි —අත් හා පාදයන් අතර ඕපාදූප නොතිබිය යුතුයි˜ යනු සඳහන් වෙයි. මේ ගැන විස්තරයක් දෙන —තෆ්හීමුල් කුර්ආන්˜ නම් වූ තෆ්සීරය මෙලෙස සඳහන් කරයි. මෙහි තේරුම දෙවර්ගයකට අයත් ඕපා දූප වේ. එකක් නම්, එක් කාන්තාවක්, අනෙක් කාන්තාවන් අන් පිරිමින් සමග නොමනා සබඳකම් පවත්වාගෙන යන බව අපවාද කීම, එවැනි කතා මිනිසුන් අතර පැතිරවීම. අනෙක: එක් කාන්තාවක් වෙනත් කෙනෙකුට දාව වැදූ ලදරුවෙක්, —මේ ඔබගේ ලදරුවාය.˜ කියා තම සැමියා විශ්වාස කරලීම වේ.˜ (මව්ලානා මව්දූදි (රහ්) තුමා කුර්ආන් වාක්‍ය 60ථ 12 යට දුන් විස්තරය.)

    මෙහි, නබි (සල්) තුමා භයානක පාපකාරි ක්‍රියාවන් සමග තබර්රුජය ද එකතු කර ඇති බව පැහැදිළි ය.

    3- තබර්රුජය අල්ලාහ්ගේ ශාපයට ලකවීම සහ ඔහුගේ කාරුණික භාවයෙන් ඈත්වීමට හේතු වේ.

    නබි (සල්) තුමා පැවසූ හ:

    —මගේ සමාජයේ පසු කලෙක කාන්තාවන් ඇඳුම් ඇඳ ඇතිමුත් (ඇත්ත වශයෙන්) නිර්වස්ත්‍රව සිටියි, ඔවුන්ගේ හිස මත ඔටුවන්ගේ මොල්ලිය වැනි (හිසකෙස් අලංකාරවත් කර) ඇත. ඔවුන්ට ශාප කරන්න. නියත වශයෙන් ඔවුන් ශාපයට ලක්විය යුත්තන් වේ˜ (අල්මුඃජම් අස්සඊර් ග්‍රන්ථයෙහි (පි:232) ඇති මෙම හදීසය අත්තබරානි පවසයි. අල්බානි (රහ්) තම හිජාබ් පි:56. ග්‍රන්ථයෙහි මෙම හදීසය සත්‍ය එකක් බව පවසයි. ඉබ්නු අබ්දුල් බර් වෙනුවෙන් අස්සුයූති මෙසේ පවසයි: —විනිවිද පෙනෙන ඇඳුම් අඳින කාන්තාවන් තම ශරීරයේ සුන්දරත්වය පිටත පෙන්වන්නෝය යනු අල්ලාහ්ගේ වක්තෘවරයානන් වදාරා සිටීයහ. ඇත්ත වශයෙන් ම ඔවුන් ඇඳුම් ඇන්ද නිර්වස්ත්‍රව සිටින්නෝ වෙති.˜)

    4- තබර්රුජය නරකාදියේ සිටිනවුන්ගේ ගතිගුණ හා සමාන ය.

    නබි (සල්) තුමා පැවසූහ:

    —නරකාදියේ සිටින මිනිසුන්ගෙන් මම කිසිවිටෙක නොදුටු කොටස් දෙකක අයත් අය සිටිති. (ඔවුන්ගෙන්) එක් කොටසකට අයත් අය ගවයන්ගේ වලිග වැනි කස තබා සිටියි. ඔවුන් එම කසවළින් (එහි සිටින) මිනිසුන්ට පහර දෙයි. අනෙක් කොටසට අයත් අය නම් ඇඳුම් ඇන්ද ද නිර්වස්ත්‍රව සිටින කාන්තාවන්ය. ඔවුන් නොමග ගිය අතර, ඔවුන්ගේ හිසෙ හි මොල්ලියක් ලෙස උසට (අළංකාරවත් කළ) කෙස්වළින් අනෙක් අයද නොමග යවන්නෝ ය. මෙම කාන්තාවන් ස්වර්ගයට පිවිසෙන්නේ නැත. (එපමණක් නොව) ස්වර්ගයේ සුගන්ධය රස විඳින්නද නොහැක. එය ආඝ්‍රණය කිරීමේ භාග්‍යය ඔවුන්ට හිමිවන්නේ නැත. එහි සුගන්ධය බොහෝ දුරට හමනු ඇත˜ (සහීහ් මුස්ලිම්).

    5 – තබර්රුජය මරණින් පසු ජීවිතයෙ හි අන්ධකාරය ගෙන දෙයි.

    නබි (සල්) තුමා මෙසේ පැවසූහ:

    —ලොවෙහි තම සැමියාට හැර (අන් කෙනෙක් වෙනුවෙන්) අලංකාර වත් වී ඇවිදින කාන්තාවගේ තත්වය මරණින් පසු ජීවිතයෙ හි අන්ධකාරය මෙන් ය. එහි කිසිම ආලෝකයක් නොතිඛෙයි.˜

    (ඉමාම් තිර්මිදි තම සුනන් හි (1167 මෙය සඳහන් කරයි. අල්බානි (රහ්) මෙය දුර්වල හදීසයක් බව කියයි. ඔහුගේ —අල්ලයීෆා˜ (දුර්වල හදීස්˜ නම් වූ ග්‍රන්ථය (1800 බලන්න. අබූබකර් බින් අරබි (රහ්) තුමා මෙසේ කියයි: මෙම හදීසය සඳහන් කරන ඉමාම් තිර්මිදි —මෙය දුර්වල හදීසයක්˜ බව කියයි. නමුත් මෙහි ඇති අදහස් නිවැරදි ය. එනම් අකීකරුභාවය ඇත්තෙන්ම හිංසාවක් හා වේදනාවක් වේ.˜ මෙයින් අදහස් වන්නේ මෙවැනි කාන්තාවන් මරණින් පසු ජීවිතයේදී කළු ශරීරයන් ඇතිව අඳුරේ අඳුරුවූවන් මෙන් එන්නෝ ය යන්නය. නමුත්, අල්ලාහ්ට අනවත වී හැසිරීමෙන් ලැඛෙන ලැඛෙන වේදනාවන් සතුට හා උසස් තත්ත්වය ගෙන එන්නේය. මීට හේතුව නම්, ඔවුන් අල්ලාහ්ගේ සහ ඔහුගේ වක්තෘ (සල්) තුමාගේ ත්‍යාගයන් බලාපොරොත්තුව සිටින හෙයින් ය. උදාහරණයක් වශයෙන් මෙලොවෙහි උපවාසයේ පසුවන්නෙකුගේ මුවින් පිටවන සුවඳ නරක විය හැක. නමුත්, අල්ලාහ් වෙත එය කස්තූරි සුවඳටත් වඩා සුවඳය. මෙයට හේතුව, ඔහු අල්ලාහ්ට අවනතව කි්‍රයා කිරීමය. එමෙන් ම කාන්තාවක් අල්ලාහ්ට අවනතව හිජාබ් අඳින විට, ඇය ප්‍රතිගාමි ය¦ පරණ තාලයේ කෙනෙකි¦ ඇවිදින් කූඩාරමක් වැනියæ˜ යනු සමහරුන් කියන්නට පුළුවනි. නමුත් මරණින් පසු ජීවිතයෙහි ජය ගන්නේ ඇය ය. ඇයට බැනවැදුනු අය විපතට පත්වෙයි, ඔවුන් අල්ලාහ්ගේ ප්‍රකෝපයට ලක්වෙයි).

    6- තබර්රුජය zනිෆාක්z (කපටිකම) වේ.

    නබි(සල්)තුමා මෙසේ පැවසූහ:

    —ඔබගේ කාන්තාවන්ගෙන් උතුම් අය වන්නේ දැඩි ආදරය හා දයාව (ගැබ් ගැනීමේ) සශ්‍රිකත්වය, (උදව් උපකාර කිරීමේ) කාරුණිකත්වය, අල්ලාහ්ට බියව කරුණු දැක්වීම යනාදිය ඇත්තෝ වෙති. ඔබගේ කාන්තාවන්ගෙන් ඉතා නරක අය වන්නේ මුතබර්රිජාත් (තම රූ සපුව ප්‍රදර්ශණය කරන කාන්තාවන්) වූවන් හා මුතහයියිලාත් (උඩගුකම සහ ආඩම්බරය යනාදියෙන් යුතුව ඇවිදින කාන්තාවන්) වූවන් ය. ඔවුන් කපටීන් වෙයි. කිනම් අය ස්වර්ගයට පිවිසෙන්නේ ද ඔවුන් දූවිලි වැදුනු කපුටන් මෙන් ය.˜

    (අල් ෙඛෙහකී සුනන් හි (7 වැනි වෙළුම, පි: 82) මෙය සඳහන් කරයි, අබූ අන්නයීම් තම අල් හිලියාක් (8 වැනි වෙළුම, පි: 376 නම් වූ පොතෙහි ද, අබ්දුල්ලාහ් ඉබ්නු මස්ඌද් (රලි) තුමා මෙම පුවත පැවසූ බව කියයි. අල්බානි ගේ හොඳ හදීසයන්. …… (අරාබි) පොතේ 1849 හා 632 බලන්න.

    දූවිලි වැදුනු කපුටන් ට රතු පාදයන් ඇත. මෙය උපමාවකි. මෙම උපමාවෙන් කාන්තාවන්ගෙන් ටික දෙනෙක් පමණ ය ස්වර්ගයට පිවිසෙන්නේ. යනු පෙන්වා දෙනු ලැබේ. එනම් මෙවැනි කපුටන් ඉතා දුර්ලභය.

    7- තබර්රුජය නීච අවනම්බුකාර ක්‍රියාවකි.

    නබි (සල්) තුමා මෙසේ පැවසූහ:

    —කිසියම් කාන්තාවක් තම ස්වාමි පුරුෂයාගේ නිවසේ හැර තවත් ස්ථානයක (නොමනා ලෙස පෙනී සිටින අදහසින්) තම ඇඳුම් ගලවන්නේ නම් ඇය අල්ලාහ් ගේ ආරක්ෂාව නැති කර ගනියි.˜

    (ඉමාම් අහ්මද් පවසන මෙම හදීසය අල් හාකිම් තම —මුස්තද්රක්˜ නම් වූ (අරාබි) ග්‍රන්ථයෙහි සඳහන් කරයි. (වෙළුම:4ථ පි:288- මෙය බුහාරි, මුස්ලිම් ග්‍රන්ථ අනූව සත්‍ය හදීසයක් බවත්, අද්දහබි, ඉබ්නුමාජාහ් යනාදීන් මෙය කෙරෙහි සිත යොමුකර ඇති බවක් ඔහු කියයි.

    ඉමාම් අල් මන්නාවි (රහ්) තුමා මෙසේ කියයි: —කිසියම් කාන්තාවක් තම ස්වාමිපුරුෂයාගේ නිවසේ හැර තවත් ස්ථානයක තම ඇඳුම් ගැලවීම˜ යනු නබි (සල්) තුමාගේ ප්‍රකාශයෙ හි තේරුම නම්, —තම ඇඳුම්වලින් අපේකෂිත ආරක්ෂාව නැතිකර අන්‍යයන්ට තම රූ සපුව පෙන්වීම˜ යන්න ය. තවද එය අල්ලාහ්ගේ ආරක්ෂාව ද නැතිකර ගන්නීය. “ආදම්ගේ දරුවනී,  නියත වශයෙන්ම අප ඔබට ඔබගේ රහස් ප්‍රදේශ වසා ගැනීමටත් ඔබට අලංකාරවත් වීමටත් සළුපිළි දුන්නෙමු. නමුත් පවිත්‍රතාවය නම් වූ සළුපිළි ඔබට ඉතා උතුම් වන්නේ ය.˜ නම් වූ අල්ලාහ්ගේ වාක්‍යයන්ට විරුද්ධව හැසිරීමෙන් ඇය කෙරෙහි ඇති අල්ලාහ්ගේ ආරක්ෂාව නැතිවෙයි.

    —එපමණක් නොවෙයි, ඇය තම ශරීරයේ වැසිය යුතු ප්‍රදේශ නොවසා, සංවරභාවයෙන් තොරව හැසිරීමෙන් තම සැමියාට ද ද්‍රෝහි වන්නීය. මෙයින් අල්ලාහ්ගේ ආරක්ෂාව නැතිවීම නියත යි. තවද ඇය අවමානයට ද ලක්වෙයි. මෙලෙස ඇයගේ ජීවිතය අඳුරට පත්වී යයි.˜

    8- තබර්රුජය නොයෙක් පාපයන්ට මග පෙන්වන මහා පාපයකි.

    කාන්තාව (ගේ මුහුණ අත් ආදිය සමහරුන්ට පෙනෙනවා හැර ඇය) ආවරණය වී සිටීම අවශ්‍ය ය. ඇයගේ ශරිරය මුළුමනින්ම පිටත පෙන්විය යුත්තක් නොවේ. එහෙයින් ඇය තම රූ සපුව හා හැඩරුව අන්‍ය අයට පෙන්වීමේ චේතනාවෙන් ඇඳුම් ඇඳීම නීච ලැජ්ජාවක් නැති ක්‍රියාවකි.

    අල්ලාහ් මෙවැනි, නිර්ලජ්ජි වූ පාප ක්‍රියාවන්ගෙන් ඈත් වී සිටින ලෙස තමාට අවනතවන්නට උපදෙස් දෙයි.

    —(අවිශ්වාසී වූ) ඔවුහු යම්කිසි විෂමාචාරයක් කර (එයින් වළක්වනු ලැබුව හොත්) —අපගේ මුතුන් මිත්තන්ද මෙලෙස කිරීම අපි දැක්කෙමු¦ අල්ලාහ් මෙලෙස කරන මෙන් අපට අණ කළේය˜ යනු කියති. සැබැවින්ම අල්ලාහ් විෂමාචාරයන් කරන මෙන් අණ නොකරයි. (ශාස්තෘවරයානනි, අල්ලාහ් අණකළ දේ ද යනු) ඔබ නොදන්නා කරුණු සම්බන්ධයෙන් අල්ලාහ් බොරු කියන්නෙ හි දැයි ඔබ අසන්න.˜ (අල් කුර්ආන් 7ථ 28.

    ඇත්ත වශයෙන්ම ෂෙයිතාන් (සාතාන්)ය මෙවැනි පාපකාරී ක්‍රියාවන් කිරීමට දිරි දෙන්නේ.

    අල්ලාහ් පවසයි:

    —ෂෙයිතාන් ඔබ වෙත එල්ල කරන්නේ දිළිඳුකමේ තර්ජනයයි. නිර්ලජ්ජි, ලෝභි ක්‍රියා කලාපයක් අනුගමනය කිරීමට ඔහු ඔබ පොළොඹවයි˜ (අල් කුර්ආන් 2ථ 268.

    —මුතබර්රිජාත්˜ යනු පාප කාර්්‍යයන් පතුරුවන විෂ බීජ වේ. මෙම විෂ බීජ මුස්ලිම් සමාජය තුළ නිර්ලජ්ජිව පාප කි්‍රයාවන් පතුරුවන්නට තරම් බල සම්පන්නය.

    අල්ලාහ් අවවාද කරයි:

    —නියත වශයෙන් ම, දේව විශ්වාසය ඇත්තන් අතර නින්දිත කි්‍රයාවන් (දුෂ්ට අදහසින් කියන ඕපාදූප) පැතිරිය යුතුය යනු කවරෙකු හෝ පි්‍රය කරන්නේ ද, ඔවුන්ට මෙලොවෙහි ද මරණින් මතු ද වේදනාකාරී දරුණු ද~ුවම් ඇත්තේ ය. තවද, අල්ලාහ් සියල්ල දන්නේය¦ ඔබ නොදන්නේ ය.˜ (අල්කුර්ආන් 24ථ 19.

    ඇත්තෙන්ම —තබර්රුජ්˜ යනු ස්ත්‍රී පුරුෂයන් අතර විෂමාචාරය ඇති කරන ප්‍රධාන කරුණක් වේ.

    9- තබර්රුජය ෂෙයිතාන්ගේ මාර්ගය යි.

    ආදම් (මිනිස් ඉතිහාසයේ පළමු මිනිසාය. මොහු අල්ලාහ්ගේ නබිවරයෙකි). සහ හව්වා (එම පළමු මිනිසාගේ බිරිඳ වේ). දෙදෙනාගේ ජීවිතයේ ඇති වූ සෑම ප්‍රශ්ණයක් ම, අල්ලාහ්ගේ හතුරා වූ ෂෙයිතාන්ගේ කූට උපක්‍රමවලට සාක්ෂි දරයි. ඔහු ඔවුන්ගේ රහස් ප්‍රදේශ පිටත පෙන්වන ආශාව ඇතිකර නීච නිර්ලජ්ජ වු පව් පැතීමට තුඩු දුන්නේ ය. තවද ෂෙයිතාන් කාන්තාවකගේ තබර්රුජය, තම නීච අරමුණ ඉටුකරගැනීමට ප්‍රයෝජනවත් කරගත් පළමු දෙය බව අප වටහා ගතයුතු ය.

    අල්ලාහ් අවවාද කරයි:

    —ආදාම්ගේ දරුවනී, ෂෙයිතාන් ඔබගේ දෙමාපිය දෙදෙනා ඔවුන්ගේ රහස් අවයවයන් ඔවුන් දෙදෙනාට දැක ගැනීම පිණිස ඔවුන් නිර්වස්ත්‍රකොට, (ඒ හේතුවෙන්) ඔවුන් ස්වර්ගයෙන් බැහැර කළේ කෙසේ ද, එලෙසින් ඔහු ඔබ ව විපතට පත් නොකළ යුතුයි.˜

    මෙයින් —තබර්රුජය˜ සඳහා වු කැඳවීම ඇතිකර කාන්තාවන්ගේ අලංකාරයන් පිටත පෙන්වීමේ කාර්්‍යය ඇතිකළේ ෂෙයිතාන් බව පැහැදිළි ය.

    —කාන්තා නිදහස˜ නම් වූ නමින් වැරදි මාර්ගයකට කැඳවන නායකයින් සැම දෙනාට ම නායකයා ඔහුමය. කරුණාන්විත අල්ලාහ්ට අවනත නොවී ෂෙයිතාන්ට අවනතවී ඔහු අනුගමනය කරන සෑම දෙනාටම ඉමාම් (නායකයා) ඔහුම ය. ඇත්තෙන්ම කියනවා නම්, කවුරුන් මුසුලිම්වරුන් නොමග යවා, ඔවුන්ගේ පරම්පරාවෙන් පැවත එන්නන්ද නොමග යැවීමට මාන බලන්නේ ද, ඔවුන්ගේ මග පෙන්වන්නා ෂෙයිතාන් ය.

    නබි (සල්) තුමා මෙසේ පැවසූහ:

    —මම කිසියම් —ෆිත්නා˜ (හිංසා පීඩා) වක් තබා යන්නේ නැත. එහෙත් කාන්තාවන්ගෙන් පිරිමින්ට ඇතිවන —ෆිත්නා˜ (හිංසා පීඩා)වන් හැර,˜ (සහීහ් මුස්ලිම්).

    ආදාම් (අෙලෙ) තුමා අමතක වී එක් වරදක් කළහ. ඒ සඳහා පශ්චාත්තාපයට පත් වූ හෙතෙම අල්ලාහ්ගේ සමාව අයැද සිටියහ. කරුණාන්විත අල්ලාහ් එතුමාගේ ඉල්ලීම පිළි ගෙන සමාව දුන්නේ ය. නමුත් ප්‍රශ්නය එතැනින් නිමවුනේ නැත. ආදම් හා ෂෙයිතාන් අතර වූ සටන නොනැවතී කෙරීගෙන යයි. ෂෙයිතාන් අදත් ස්ත්‍රී පුරුෂයන් අල්ලාහ්ට අවනතවී හැසිරීමට ඉඩ නොදී පව්කිරීමට පොළඹවයි. ඔහුගේ මෙම මාර්ගයෙන් ඈත වී අපට බේරාගැනීම නම් අල්ලාහ්ගේ උපකාරය පතා ඔහු වෙත යෑම විනා වෙන කළයුතු දෙයක් නොමැත. අල්ලාහ් වෙත දැඩි විශ්වාසයක් ඇතිව අපගේ පව් වලට පශ්චාත්තාපවී සමාව අයැද සිටීමටත් අල්ලාහ් ගැනම සිතා, එතුළින් වැරදි පාප හැඟීම් දුෂ්ඨ චේතනා අනියම් ආශාවන් යනාදියෙන් අපව බේරා ගැනීමට ඔහු වෙතම රැඳී සිටීමත් අනිවාර්්‍ය ය.

    ඇත්ත වශයෙන්ම, ඉස්ලාමය නම් වූ සදාචාරාත්මක ජීවන සැලැස්ම නිසියාකාරව ම අප පිළිපදින්නේ නම් දෙලොවෙහි ම අපගේ ජීවිතය සුඛිත මුදිත වීම නොඅනුමාන ය.


    ලොව පුරා මුස්ලිම් කාන්තාවන් හිජාබය පලදිති

    හිජාබ්-  (දෑත් හා මුහුණ පමණක් නිරාවරණය වේ )

    නිකාබ් – ( දෙඇස් පමණක් නිරාවරණය වේ.)
    බුර්කා – ( කිසිවක් නිරාවරණය නොවේ.)


    මතු සම්බන්ධයි …….



    මහාචාර්ය සෙයික් මුහම්මද් බින් ඉස්මායිල්

    ඉංග්‍රීසි පරිවර්තනය හා අර්ථ විවරණය

    ආචාර්්‍යය සාලිහ් අස් සාලිහ්

    සිංහල පරිවර්තනය

    එස්. එම්. මන්සූර්

    * කාන්තාව සහ අධ්‍යාපනය
    * කාන්තාවට ලබා දී ඇති අයිතීන්
    * හිජාබ් -ෆර්දාව ඇඳීම සහ කාන්තා නිදහස
    * දික්කසාදය හා ඉස්ලාම් නීතිය
    * ගැහැණු පිරිමි දෙපාර්ශවයම ළඟින් ඇසුරු කිරීම
    * කථා කිරීමේ අයිතිය
    * පවුල් කටයුතු මෙන්ම පොදු කටයුතුවලදී
    * සාක්ෂි කීම-සාධාරණත්වය
    * කාන්තාව සහ දේශපාලනය
    * දේපල (වස්තුව) පිළිබඳ අයිතිය

    ශුද්ධවූ අල්කුර්ආනය මෙසේ පවසයි

    මහා කාරුණික පරම දයාබර අල්ලාහ්ගේ නාමයෙනි.

    සියළු ප්‍රශංසාවන් විශ්වයාධිපති අල්ලාහ්ටම හිමිවේ. ඔහුගේ කරුණාව හා දයාව නබි (සල්) තුමන්ට හා එතුමන්ගේ ඥාතීන්ටද, මිත්‍රයින්ටද හිමිවේවා

    කෙනෙකු මෙම විශ්වය, විශ්වයෙහි පවතින සුවිශාල නිර්මාණයන් කෙරෙහි තමන්ගේ අවධානය යොමුකළ විට මේ සියල්ල යම් සැලැස්මක් මත නිර්මාණය කරනු ලැබු බව අවබෝධ කරගනි. ශුද්ධවූ අල්කුර්ආනය එය මෙසේ සඳහන් කරයි.

    —ඔබලා කල්පනා නොකළේද? සත්‍ය කාරණයකට මිස අල්ලාහ් අහස් හා පොළෝ නිර්මාණය නොකළේය.˜ (ශු කුර්ආන් 14: 19).

    තවත් ස්ථානයක: —ඔවුන් අල්ලාහ් පිළිබඳ සිටගෙන සිටින විටත්, වාඩිවී සිටින විටත්, හාංසිවී සිටින විටත් සිහිපත්කරයි. තවද අහස් හා පොළෝ නිර්මාණයන් පිළිබඳ කල්පනාකරයි. හිමියනි. මේ සියල්ල ඔබ නිකමට නිර්මාණය නොකළේය ඔබ සුවිශුද්ධයි නිරයේ ගින්නේ ද~ුවමෙන් ද අපව ආරක‍ෂා කරනු මැන˜ යැයි ඔවුන් පවසයි.˜ (ශු කුර්ආන් 3: 191).

    ලෝකයේ පවතින සියල්ල යම් ශක්තියකට බලයකට අවනතවී කි්‍රයාත්මක වෙයි.

    මෙසේ මෙම විශ්වයෙහි සියල්ල ඔහුට අවනත වී ජීවත්වන විට බුද්ධිය කල්පනා කිරීමේ ශක්තිය ඇති මිනිසා පමණක් තමන් මවනු ලැබු එම අරමුණ නොදැන ජීවිත්වීම ඉතා කණගාටුදායක තත්ත්වයකි.

    මිනිසා නිර්මාණය කරනු ලැබුවේ කුමක් සඳහාද යන අරමුණ ශුද්ධවු කුර්ආනය පැහැදිළි කරයි. —මා ජින් වර්ගයා හා මිනිස් වර්ගයා මාහට අවනත වීමට මිස නිර්මාණය නොකෙළෙමි˜ (ශු කුර්ආන් 51: 56).

    තවත් සථානයක: —මරණය හා ජීවිතය නිර්මාණය කළේ ඔබලා අතුරින් කව්රුන් යහපත් කි්‍රයාවන් කර ශ්‍රද්ධාවන්ත පුද්ගලයන්වන්නේ යනු පර්්‍යයේෂණය කිරීම සඳහාය.˜ (ශු කුර්ආන් 67: 02).

    මෙම විශ්වයෙහි ඉතා ශ්‍රේෂ්ඨ නිර්මාණයක් වන මිනිසා තමන්ට වඩා සෑම අතින්ම පහත් දේට වන්දනා මාන කරමින් සිටී. උදාහරණයට: ප්‍රතිමාවන්, ගස්, ගල්. ගින්න, ජලය, ඉර, හඳ, තාරකා, සාගරය, පෘතුවිය, ගවයා. තීක‍ෂණ බුද්ධියක් ඇති මිනිසා වෙනත් සියළු මිථ්‍යා විශ්වාසයන්ගෙන් මිදී අල්ලාහ්ට පමණක් අවනත වී ජීවත්විය යුතුයි. ලෝකයේ බහුතරයක්ම තමන් විසින් ඇතිකරගත් පිළිමයන්ට ප්‍රිතිමාවන්ට ගස්, ගල් ආදි දේට වන්දනා මාන කරති.

    මෙම විශ්වයේ එකම නිර්මාතෘවරයා වන අල්ලාහ්ට පමණක් කෙනෙකු වන්දනා මාන කර ඔහුට පමණක් අවනතවී ජීවත්වන විට ඔහු —මුස්ලිම්˜ වශයෙන් හඳුන්වනු ලබයි. මෙම නාමය කෙනෙකුට ලැඛෙන්නේ අල්ලාහ්ට අවනතවී ජීවත්වන විට පමණයි. මිනිසා වෙනත් සියළු මිථ්‍යා විශ්වාසවලින්, මනඃකල්පිත දේවලින් මිදි, මුළුමනින්ම අල්ලාහ් දෙසට හැරෙන විට ඔහු මුස්ලිමෙකු වේ. කෙනෙකුගේ දෙලොව යහපත සඳහා අල්ලාහ් විසින් පිළිගැනුනු එකම දහම ඉස්ලාම් වේ. ශුද්ධවූ අල්කුර්ආනය එය මෙසේ පවසයි:

    —කව්රුන් ඉස්ලාම් හැර වෙනත් මගක් පිළිගනීද එය අල්ලාහ් ඉදිරියේ නොපිළිගැනේ. ඔහු විනිශ්ච දිනයෙහිදි පාඩු විදින්නෙකුද වේ˜ (ශු කුර්ආන් 3: 85).

    මුස්ලිමෙකු වශයෙන් ජීවත්වෙන්නට කැමතිවන්නා අවංක සිතින් පහත සඳහන් පොරොන්දුව ගත යුතුයි: —අෂ්හදු අල්ලාඉලාහ ඉල්ලල්ලාහු, වඅෂ්හදු අන්න මුහම්මදර් රසුලූල්ලාහ්.˜ (යාඥා කරනු ලැබීමට එකම සුදුස්සා අල්ලාහ් හැර වෙනකිසිවෙකු නැත, තවද මුහම්මද් අල්ලාහ්ගේ ශාස්තෘවරයා බවත් මා ප්‍රතිඥා දෙමි.) මෙය කෙනෙකු අවංකව ප්‍රකාශ කළ විට ඔහු මුස්ලිමෙකු වේ. ඔහු දුන් මෙම ප්‍රතිඥාවට අබමල් රේණුවක තරම්වත් පටහැනිව ජීවත් නොවිය යුතුයි. අල්ලාහ්ගේ ඒකීයත්වය පිළිගෙන, නීති සම්පාදනය කිරීමේ බලය අල්ලාහ්ට පමණක් ඇති බව විශ්වාසය කර, යාඥාවන් තුළින් ඔහුගේ ඒකීයත්වය ස්ථාපිත කළ යුතුයි. අල්ලාහ්ට හැර වෙනත් කිසිවෙකුට කිසි දෙයකට දේවත්වය ඇති බව සිතීම හෝ දේවත්වයෙහි කොටසක් ඇති බව සිතීම හෝ බලවත් වරදකි.

    අල්ලාහ් කෙරෙහි විශ්වාසය තබන කෙනෙකු ඔහු එකම දෙවියන් බවත්, ඔහුට කිසිදු අවශ්‍යතාවක් නැති බවත්, ඔහු උපත ලැබුවේද ඔහු දාව කව්රුත් උපතලැබුවේද නැත. ඔහුට සමානව කිසිවෙකු නැති බවත්, මනුෂ්‍යයින්ට ඇති සියළු දුර්වලතාවන්ගෙන් ඔහු සුවිශුද්ධ බවත් විශ්වාසකළ යුතුයි. ශුද්ධවූ අල්කුර්ආනයෙහි අල්ලාහ් මෙසේ පවසයි: —අල්ලාහ් හැර ඔවුන් ප්‍රාර්ථනා (වන්දනා මාන) කරන දේ කිසිදෙයක් නිර්මාණය නොකළේය, තවද ඔවුන් නිර්මාණය කරනු ලැබුවන්ය. ඔවුන් ජීවතුන් අතර නොමැති මළවුන්ය, ඔවුන් යළි නැගිට්ටුවනු ලබන්නේ කෙදිනක යැයි ඔවුන් නොදන්නේය.˜

    (ශු.කුර්ආන් 16: 20, 21).

    —අල්ලාහ් හැර ඔබ ප්‍රාර්ථනා (වන්දනා මාන) කරන දේ ඔබලා මෙන් දාසයන්ය. ඔබලාගේ ප්‍රකාශයෙහි ඔබලා සත්‍යවන්තයින් නම් ඔබගේ කන්නලව්වට ඔවුන් පිළිතුරු දිය යුතයි.˜ (ශු කුර්ආන් 7: 194).

    —අල්ලාහ් හැර ඔබලා ප්‍රාර්ථනා කරන දේ ඔබලාට පිහිටවීමට නොමැති දේවල්ය, තවද ඔවුන් තමන්ට පවා පිහිටවීමට නොහැකිය.˜ (ශු කුර්ආන් 7: 197).

    නිර්මාතෘවරයාට පමණක් යාඥා කිරීමටත් ඔහු ඉදිරියේ පමණක් ප්‍රාර්ථනා කිරීමටත් අණකරන ඉස්ලාම්, නිර්මාණයන් ඉදිරියේ වැඳ වැටීම මුළුමනින් තහනම් කරයි. අල්ලාහ් කෙරෙහි මුළුමනින් විශ්වාසය තබා ඔහු විසින් එවනු ලැබූ අවසන් ශාස්තෘවරයානන් මුහම්මද් නබි (සල්) තුමන් අනුගමනය කරමින් ජීවත්විය යුතුයි. එතුමන් මෙම මිහිතලය මත අවුරුදු හැට තුනක් ජීවත්වුනේය. එතුමන්ගේ හතළිස් වැනි වියෙහිදි අල් කුර්ආනය අනාවරණය වීමට ඇරඹීමත් සමග එතුමන් ශාස්තෘවරයෙකු බවට පත්විය. එතුමන්ගේ අවසන් අවුරුදු විසි තුන හැම මුස්ලිමෙකු විසින් අනුගමනය කළ යුතු කාලයයි.

    ඉන් පසු ඔහු දිනකට පස්වතාවක් සලාතය ස්ථාපිත කිරිම අනිවාර්්‍ය වෙයි. එම සලාතයන් නියමිත වේලාවන් හීදි ඉටු කළ යුතුයි. ශුද්ධවූ අල්කුර්ආනය මෙසේ පවසයි:

    —නියත වශයෙන්ම සලාතය විශ්වාසවන්තයින් හට නියමිත වේලාවන්හීදි ඉටුකළ යුතු අනිවාර්්‍ය යාඥාවකි˜ (ශු කුර්ආන් 4: 131).

    සලාතය යනු දාසයෙකු අල්ලාහ් හමුවන, ඔහු සමග කථා බහ කරන ඉතා වැදගත් අවස්ථාවකි. මෙම වටිනා උතුම් අවස්ථාව කෙනෙකුට ලබාගත හැකිවන්නේ සලාතය තුළිනි. වරක් මුහම්මද් නබි (සල්) තුමාණන් පවසන විට

    —දාසයා තම හිමියන්ට ඉතා සමීපව සිටින අවස්ථාව නම් ඔහු සලාතයෙහි තම නළල පොළොව මත තබන (සජ්දා) අවස්ථාවයි. එවිට ඔබ අධිකලෙස ප්‍රාර්ථනාවන්හි නියැලෙන්න.˜

    කෙනෙකු සලාතයට අවතීර්ණවෙන්නට පෙර තම සිරුරෙහි සමහර පෙදෙස් දෝවනය කර ගත යුතුයි. දෝවනයෙන් තොර සලාතය නොපිළිගැනේ.

    අවසන් විනිශ්ච දිනයෙහිදි කෙනෙකුගේ යාඥාවන් අතුරින් ප්‍රථමයෙන් ප්‍රශ්න කරනු ලබන්නේ ඔහුගේ සලාතය පිළිබඳවයි. සලාතය නිවැරදි නම් ඔහුගේ අන් සියළු කි්‍රයාවන් යහපත් වනු ඇත. සලාතයෙහි අඩු පාඩුකම් ඇති වූ විට ඔහුගේ සෙසු සියළු කි්‍රයාවන්හි අඩු පාඩු ඇති වේ.

    සලාතය තුළින් අල්ලාහ් අපේක‍ෂා කරන්නේ කුමක්ද? —නියත වශයෙන්ම සලාතය කෙනෙකුව වැරදි, නීච කි්‍රයාවලින් වළක් වයි.˜ (ශුකුර්ආන් 29: 45).

    මෙයයි කෙනෙකු සලාතය තුළින් ලබාගත යුතු පන්නරය. සලාතය ස්ථාපිත කිරීම තුළින් සමාජයෙහි යහපත් පුරවැසියන් බිහිවිය යුතුයි යන්න අල්ලාහ් අපේක‍ෂා කරයි. සලාතය ස්ථාපිත කරන කෙනෙකු එය අල්ලාහ්ට බියවී ඉටු කරයි. එම බිය ඔහුගේ ජීවිතයේ වෙනත් හැම අවස්ථාවකදීම රඳා පැවතිය යුතුයි. පිරිමීන් එම සලාතය සමූහව ඉටුකළ යුතුයි.

    කෙනෙකුගේ උරහිස සමග තවත් කෙනෙකෙගේ උරහිස ගැටී එකම පෙළක සිට සමූවහ දිනකට පස් වතාවක් මෙම සලාතය කෙනෙකු ඉටුකරන විට මට වඩා අන් අය පහත් යන හැගීම ඔහුගේ සිතෙන් පහවී යයි, ඒ වගේම මිනිසුන් අතර සමානත්මතාවය, එකමුතුකම, අන් අයගේ ඕනෑ ඒපාකම් සොයා බැලීමට මෙය හේතු කාරණා වේ.

    සකාත් හෙවත් ශුද්ධකාරක බද්ධ.

    මෙය මිළ මුදල් සම්පත්වලට හිමිකම් කියන්නන්  අවුරුද්දකට වරක් තමන්ගේ මිළ මුදල්වලින් සියට දෙකහමාරක් ගණන් බලා ගෙවිය යුතුයි. මෙය මිනිස් සමාජය තුළ නියමාකාරයට ඉටු වෙයි නම් දුප්පත් අසරණයින්ගේ සංඛ්‍යාව බොහෝ දුරට අවම කරන්නට ඉඩ තිබිනි. නමුත් අවසනාවන්තවාට මෙන් බොහෝ අය මෙයට වැරදි අර්ථකථනයන් දී රුපියලක් දෙකක් යාචකයන්ට දී මෙයයි සකාත් බද්ධ කියා සිතාගෙන සිටිති මොවුන් අල්ලාහ්ව මංමුළාකරන්නට උත්සහ කරති, නමුත් ඔවුන්ම ඔවුන්ව මංමුළා කරගනිති. සකාත් නම් එම උසස් යාඥාවෙන් ඉස්ලාම් අපේක‍ෂා කරන්නේ කුමක්ද?

    —ශාස්තෘවරයානනි, ඔවුන්ගේ මිළ මුදල්වලින් බද්ධ අයකරගන්න ඔවුන් පරිශුද්ධකරන්න˜ (ශු කුර්ආනය 9: 103).

    සකාත් (ශු,ද්ධකාරක) බද්ධ, ඇති නැති පරතරය සමාජයෙන් තුරන් කිරීම සඳහා ඉස්ලාම් යෙදු ඉතා උසස් වැඩපිළිවෙලකි. මිනිසා හැම තප්පරයකම සිහිපත් කළ යුතු ඉතා වැදගත් කරුණක් නම්, මට මෙම මිළ මුදල් සම්පත් අල්ලාහ් විසින් පිරිනැමුනු දයාදයන් මට ඔහු කෙසේ මිළ මුදල් වියදම් කරන්නට අණ කරන්නේද එම යහපත් මාර්ගයෙහි එය වියදම් කළ යුතුයි. වත්මන් සමාජයෙහි සොරකම, කොල්ලකෑම් වැඩිවීමට මෙම සකාත් නම් ශුද්ධකාරක බද්ධ නිසිලෙස ගණන් බලා නොගෙවීමත් හේතුවක් වෙයි.

    අවසන් විනිශ්ච දිනයෙහි හැම කෙනෙකුම ප්‍රශ්න හතරකට පිළිතුරු සැපයිය යුතුයි. එම ප්‍රශ්නවලට පිළිතුරු නොදි ඔවුන්ගේ දෙපා සෙළවීමට පවා නොහැකිය. එම ප්‍රශ්න අතුරින් එකක් නම්: ඔබ මුදල් ඉපැයුවේ කෙසේද? එය වියදම් කළේ කෙසේද?

    රමලාන් මස උපවාසයෙහි යෙදීම.

    ශුද්ධවූ අල්කුර්ආනය මෙසේ කියයි: —විශ්වාසවන්තයිනි, ඔබට පෙර සිටි සමාජයන්ට උපවාසය අනිවාර්්‍ය කළාක් මෙන් ඔබටත් උපවාසය අනිවාර්්‍ය කර ඇත. ඒ තුළින් ඔබ බිය බැතියන් විය හැක˜ (ශු අල්කුර්ආනය 2: 103).

    අවසන් ශාස්තෘවරයානන් වන මුහම්මද් නබි (සල්) තුමන්ගේ ප්‍රකාශය ද මෙය පැහැදිළි කරයි: —කව්රුන් අසත්‍ය කථා කිරිමෙන් ඒ අනූව කි්‍රයා කිරිමෙන් නොවැළක්වුනේද ඔහු කුසගින්නෙන් හා පිපාසයෙන් පසුවීමෙන් අල්ලාහ්ට කිසිදු අවශ්‍යතාවක් නැත.˜

    ඉහත සඳහන් කළ කුර්ආන් වාක්‍යයෙන්, නබි වදනින් තහවුරු වන ඉතා වැදගත් කරුණ නම් කෙනෙකු කුසගින්නෙන් හා පිපාසයෙන් පසුවීම පමණක් මෙහි අරමුණ නොවේ. ඒ වෙනුවට ඔහු වැරදි ක්‍රියාවන්ගෙන්, පහත් ලෙස හැසිරිමෙන් වැලකී සිටිය යුතුයි. ඔහු කෙසේ අල්ලාහ්ට බියවී ආහාර පාන ගැනීමට අවස්ථාව තිබියදීත් එයින් ඈත්වී සිටියේද, එලෙසම වැරදි කි්‍රයාවන් කිරිමට, අන් අය මුලාකිරිමට, අන් අයට හිංසා පීඩා කිරිමට සිතන හැමවිටම ඒ විශ්වාසය ඔහු තුළ පැවතිය යුතුයි. උපවාසය අනිවාර්්‍ය කළ අල්ලාහ් දෙවියන් අපෙන් අපේක‍ෂා කරන්නේ මෙම උතුම් ගුණාංගයන් අප තුළ පිහිටිය යුතු යන්නයි.

    උපවාසයෙහි වැදගත්කම: —කව්රුන් විශ්වාසයෙන් යුතුව යහපත් ප්‍රතිඵල අපේක‍ෂා කරමින් උපවාසයෙන් පසුවෙයිද ඔහුගේ පෙර කළ සියළු පාපයන් කමා කරනු ලැබේ˜ යනුවෙන් නබි (සල්) තුමන් ප්‍රකාශ කළහ.

    හජ් කර්තව්‍ය.

    ශුද්ධවූ අල්කුර්ආනයෙහි මෙසේ සඳහන්වෙයි: —එම නිවසෙහි අල්ලාහ් වෙනුවෙන් හජ් ඉටු කිරීම එහි ගොස් ඒමට ශක්තයි ඇති අයට අනිවාර්්‍ය වේ˜. (ශු.කුර්ආනය 3: 98). කායිකව හා මුදල්මය වශයෙන් හැකියාව ඇති අය ජීවිතයේ එක් වතාවක් හජ් ඉටු කිරීම අනිවාර්්‍ය වේ.

    —වැරදි ලෙස නොහැසිරි, පාපිෂ්ට කි්‍රයාවන් නොකර කව්රුන් අල්ලාහ් වෙනුවෙන් හජ් ඉටුකළේද ඔහු එදින උපත ලද් දරුවෙකු සේ යළි පැමිණෙන්නේය˜ යනුවෙන් නබි (සල්) තුමන් ප්‍රකාශ කළහ. ඔහුගේ සියළු පාපයන් සමාකරනු ලැබේ, ඔහු පරිශුද්ධ වන්තයෙකු බවට ද ප්තවෙයි.

    —පිළිගත් හජ් කර්තව්‍යයට ප්‍රසාදය ස්වර්ගය මිස නොමැත˜ යනුවෙන් නබි (සල්) තුමන් ප්‍රකාශ කළහ. කුමන දේශයට අයත් අය විය හැක, කුමන භාෂාවන් කථා කරන්නන් විය හැක, කුමන වර්ණයෙන් යුත් අය විය හැක හැමෝම එක හා සමානව සුදු ඇදුමකින් සැරසි යාඥාවන්හි නිරතවන එම ස්වර්ණමය අවස්ථාව හජ් කර්තව්‍ය තුළින් ලෝකවාසි ජනතාවට ඉස්ලාම් උදාකර දෙයි. විද්‍යාව තාක‍ෂණය දියුණුවුනු මෙවන් යුගයක පවා පංති භේදයන්, කුල භේදයන්, වර්ණ භේදයන් සමාජයෙන් මුලි නුපුටා දැමීමට නොහැකි අවස්ථාවක ඉස්ලාම් මෙම සියළු භේදයන් අතුගා දමා සමානත්මතාවය මුළු ලෝකයාටම හජ් කර්තව්‍ය තුළින් ඔප්පුකරයි.

    ශුද්ධවූ අල්කුර්ආනය මෙසේ පවසයි: —මනුෂ්‍යයිනි, අපි ඔබව එක් පිරිමියෙකුගෙන් හා එක් කාන්තාවකගෙන් නිර්මාණය කළෙමු.˜ (ශු,කුර්ආනය 49: 13).

    අවසන් ශාස්තෘවරයානන් වරක් මෙසේ පැවසූහ: —අරාබ් ජාතිකයාට අරාබි නොවන්නාට වඩා කිසිදු උත්තරීතර භාවයක් හිමි නොවන්නේය.˜ මෙම සියළු ප්‍රකාශයන් වචනයට පමණක් සීමා නොකර එය ප්‍රයෝගීකව ඉටු කිරීමක් වශයෙන් ඉස්ලාම්හි යාඥා ක්‍රම පවති. සලාතය අනිවාර්්‍ය කළ ඉස්ලාම් එය සමූහව ඉටු කිරීමට අණ කිරීම තුළින් සමාජ භේදයන් වනසා සමානත්මතාවය තහවුරු කරයි. ඒ වගේම හජ් කර්තව්‍ය තුළින් මුළු ලෝකවාසි ජනතාව අතරම මෙම සමානත්මතාවය ඇතිකිරීමට වෙරදරයි.

    සහෝදරයාæ සහෝදරිය. ඉස්ලාම් නියමිත භාෂාවකට හෝ දේශයකට හෝ කුලයකට හෝ වර්ණයකට හෝ අයිති ආගමක් නොවෙයි` එය මුළු මානව සංහතිය වෙනුවෙන් දායාද කරනු ලැබු ජීවන සැලැස්මකි.

    ඉස්ලාම්හි උපතින් වර්ණයෙන් භාෂාවෙන් කුලයෙන් කෙනෙකු උසස්වීමට හෝ පහත්වීමට නොහැක.

    ඉස්ලාමය තුළ සර්ව බලධාරි දෙවියන් අතර හා මනුෂ්‍යයින් අතර කිසිදු තැරැව්කරුවෙකු හෝ මැදිහත්කරුවෙකු නොමැත. තවද කිසිදු ජ්‍යෙතිෂ්‍යවේදියෙකුට හෝ ශාස්ත්‍රකාරයෙකුට මංමුළා කිරීමට ඉඩ ප්‍රස්තාව නැත.

    ඉස්ලාම්හි ඒකීය දෙවියන් ඉදිරියේ හැර වෙන කිසි කෙනෙකු ඉදිරියේ වෙන කිසි දෙයක් ඉදිරියේ තමන්ගේ ආත්ම ගරුත්වය කෙලෙසන ආකාරයට වැඳ වැටීමට හෝ හිස නමා ආචාර කිරීමට හෝ නොහැක. වැඳ වැටීම සිරස නමා ආචාර කිරීම ඇතුළු සියළු ගරු කිරීම් එකීය දෙවියන්ට පමණක් හිමිය. මෙය ඉස්ලාමයේ මූලික ප්‍රතිපත්තියකි.

    ඉස්ලාමීය සියළු නීති රීතින් බුද්ධි ගෝචරය. ඉතා ඥානාන්විතයæ කාලෝචිතයæ සැමටම ගැලපෙන්නේය. පිළිපැදීමට පහසුයæ සෑම කලකටම ගැලපෙන්නේය,ශත වර්ශ දා හතරක් ගෙවී ගියද කිසිදු සංශෝධනයක් අල්-කුර්ආනයේ හෝ ඉස්ලාමීය නීති රීතින්වල සිදු නොවීය. එවැනි අවශ්‍ය තාවක්ද මතු නොවීය.

    මිනිසා උපත පටන් මරණයට පත්වන තෙක් මුහුණදෙන්නාවූ සියළු අර්බුදයන්ට නියම ආකාරයට ඉස්ලාම් පිළිතුරු සපයයි. මිනිසා තමන්ගේ ආත්ම ගරුත්වය රකිමින් හිතට එකඟව ජීවත්වීමේ මාර්ගය විවර කරයි. එම නිසා ඉස්ලාමයේ ඉගැන්වීම් නියම ආකාරයට දැන හඳුුන ජීවිතයට පරිවර්තනය කරගැනීමට ප්‍රමාද නොවන්න.

    සකස් කිරීම: අබූ අස්මා

    විද්‍යාව කොපමණ දියුණු වූවද ලෞකීක ජීවිතයේ තෘප්තිය උදෙසා

    නමුත් ප්‍රජාතන්ත්‍රවාදයේ නාමයෙන් නීතිය ඉදිරියේ සැවෝම සමයැයි, මිනිසා කොපමණ මොර දුන්නත් මිනිසා විසින් නිර්මාණය කරන්නාවූ ව්‍යවස්ථාව තුළ එම ව්‍යවස්ථාවේ නිර්මාතෘන් ආවරණය නොවීම නව ලොවේ සුලභ දර්ශනයකි. කිසියම් සිද්ධියකදී සාමාන්‍ය පුරවැසියාට නීතිය කි්‍රයාත්මක කළ හැකි වූවද, රටේ ප්‍රධානින් කෙරෙහි නීතියේ දැල එලීම එතරම් පහසු නොවේ. එහෙයින් නීතිය ඉදිරියේ මිනිසුන් සියල්ල සමාන යන්න, මිනිසාට වඩා උසස් ශක්තියක් එම නීතිය සම්පාදනය කළ යුතු නොවේද? මින් පෙනෙන්නේ මිනිසා තම දෑතින් නීති සම්පාදනය කිළිටි කිරීම තුළින් තම සහෝදර මිනිසාට කොතරම් අසාධාරණයක් සිදුකර ඇත්ද?

    තවද ඉස්ලාම් මිනිසාව තම ජීවිතයට ඇති ලොල් බවින් මුදවාලන්නේ ය. තම ජීවත්වීමේ ආශාවම මිනිසා ඒකාධිපතියන් පැසිස්ටවාදීන් හමුවේ දණ නැමීමට හේතුව ලෙස දක්නා ඉස්ලාම් අයුක්තියට අසාධාරණයට එහෙරහිව දිවි හිමියෙන් සටන් කිරීමට මිනිස් සමාජයට උගන්වා දේ. එය වනාහි මිනිස් සංහතිය වෙනුවෙන් කරන්නාවූ උදාර පුණ්‍ය කර්මයක් ලෙස ද දෙසයි. මෙය වනාහි මානව සංහතියට ඉස්ලාම් දුන් උසස් දායදයකි.

    ඉස්ලාම් මිනිසාව ඔහුගේ පහත් හා මිලේච්ඡ හැඟීම් වලින් මුදවාලන්නේය. මිනිසා කොම්පියුටර් හෝ ඩිජිටල් යුගය දක්වා කොතරම් බාහිරව දියුණු වූවද, මිනිසාගේ සැබෑ සංවර්ධනය වනාහි තම තිරිසන් හැඟීම් තමා පාලනය තබා ගන්නේද? නැත්නම් ඊට වහල් වී තම සිතැඟි පරිදි කි්‍රයා කරන්නේ ද? යන්න තීරණය කිරීම මත වේ. ඔහු තවදුරටත් තම පහත් ආවේගයන්ට වහලෙකු වී සිටින්නේ නම් එහි අර්ථය මිනිසා දියුණු වී නොමැත යන්නයි. බාහිර වශයෙන් මිනිසා අඟහරු තරණය කළද එය එතරම් සැළකිය යුතු දෙයක් නොවේ. මෙය වනාහී ඉතිහාසගත සත්‍යයකි. ලෞකීක ජීවිතයේ තෘප්තිය උදෙසා පමණක්ම කි්‍රයා කළ කුමන සමාජයක් හෝ මේ ලොවේ බලය, අධිකාරය, ගෞරවය රැකගෙන මිනිස් සමාජයේ උන්නතියට හවුල් වී නොමැති බව පෙනීයයි. ගෞරවනීය ලෙස ජීවත් වූ ග්‍රීක අධිරාජ්‍යයට වූ ඉරණම කුමක්ද? රෝම රාජධානියේ වැටීමට හේතුව, පර්සියානු අධිරාජ්‍යයාගේ වැටීමට හේතුව ඉතිහාසයේ යම් අවස්ථාවක ශරත්වය විදහා දක්වනු ලැබූ ප්‍රංශ අධිරාජ්‍යයා තම කාම සුඛළ්ලිකානු ජීවන රටාව හේතුවෙන් දෙවන ලෝක මහා යුද්ධයේදී, සතුරා වෙත එක පහරින් යටත් වූයේ නැද්ද? වීරත්වයේ ගෞරවයෙන් පිදුම් ලද ජනතාවක් සතුරා ගෙන් තම රට බේරා ගැනීම වෙනුවට තම සරාගී දහනේ කේන්ද්‍රස්ථානය වූ පැරිසිය බේරා ගැනීමට කි්‍රයා කළේ නැද්ද?

    ඇමෙරිකාවද, මීට දෙවැනි නොවේ. විද්‍යාව කොපමණ දියුණු වූවද, ඒ මගින් මිනිසාගේ ස්වාභාවික හැඟීම් වෙනස් කළ නොහැකිය. විද්‍යාව වනාහී අල්ලාහ්ගේ නීතියෙහි අල්ප මාත්‍ර වූ කොටසකි. ඇමෙරිකාවේ විශාල භූමි භාගයක් හා බාහිර දියුණුවක් ලබා තිබුණද සදාචාරත්මක ලෙස කාන්තාරයක් බවට පත්ව තිඛෙන්නේය. වර්ණ වාදය, මෙහි කලූ ජාතික ජනතාවට කරන්නාවූ තාඩන පීඩන, තවද එහි මිලෙච්ඡ හැඟීම් වල උල්පත මත්ද්‍රව්‍ය ඒ ආශ්‍රිත අනාචාරය මේ නිසා ඒඩ්ස් රෝගයේ ව්‍යාප්තිය.

    නව ලෝක රටාවක් හඳුන්වාදෙන ඇමෙරිකාවේ වර්ණ වාදය කොතරම් දුරට මුල් බැසගෙන තිබේදැයි විටින් විට ඇති වන්නාවූ වර්ණවාදී කෝලාහලවලින් දිස්වේ. තවමත් ඇමෙරිකානුවන් වහලූන් ලෙස කළු ජාතීන්ව සැලකීම මොවුන්ගේ පහත් සිත නොවේද? තව දුරටත් ඇමෙරිකානු නීතිඥයින් පවසන්නේ කුමක්ද යත්?

    —කළු ජාතිකයින් ඇමෙරිකාවේ සම්පත්ය, ඔවුනට මිනිස් අයිතිවාසිකම් ලැබේද යන්න සැලකීම අපේ කාර්යය නොවේ.˜

    මේ වූ ආකාරයට ඇමෙරිකාවේ පමණක් නොවේ. ඔස්ටේ්‍රලියාවේ සිට බටහිර යුරෝපයේ සිට ආසියානු මහද්වීපය දක්වා වර්ණයේ, ජාතියේ, ලිංග භේදයේ නාමයෙන් (ඉස්ලාම්හි කාන්තා විමුක්තිය පිළිබඳ වෙනම ග්‍රන්ථයක් සකස් වේ.) 21 වන සියවසදීත් මිනිස් සමාජය තුළ පුහු සීමාවන් පනවාගෙන ඇණ කොටා ගැනීම කොතරම් අඥාණ කි්‍රයාවක් ද?

    මිනිසාව මිනිසා පහත් කොට සැලකීම ආරම්භවන්නේ කොතැනින් ද?

    මා උසස්ය: නුඹ පහත්ය: මා පාලකයාය: නුඹ පාලිතයාය: මා මේ ජාතිකයාය: නුඹ අර ජාතිකයාය: මා සුදු ජාතිකයාය: නුඹ කලූ ජාතිකයාය: යන වෙනස්කම් හා ඒ යටතේ නැගෙන්නා වූ උසස් හැඟීම් තමා වැනි මිනිසුන්ව පහත් කොට සැලකීමට, අගෞරව කිරීමට පොළඹවන්නේය.

    මෙවන් ආකාරයට මානව සංහතිය ඛෙදා වෙන් කරන්නාවූ පුහු ප්‍රලාපයන් තුරන් කිරීමට කරුණාවෙන්, සහෝදරත්වයෙන් වෙලීමට ගතයුතු පියවර කුමක්ද?

    මේ සඳහා මිනිසාගේ චින්තනයේ හා ආකල්පවල වෙනසක් සිදුවිය හැක. මිනිසුන් සියල්ලන්ම අල්ලාහ් විසින් මවා ඇත. ඔහුගේ දෘෂ්ටියට සියල්ලන් සමානය, මුළු මානව සංහතියම එකම පුරුෂ, ස්ත්‍රී, මූලයේ සිටම නිර්මාණය කළේය. ජාතිය, දේශය, වර්ණය, භාෂාව යන්න උස් පහත් බව මැනීමේ ඒකක නොවේ. මේ වෙනස් කම් සියල්ල එකිනෙකා හඳුනා ගැනීමේ ආධාරක මිස, අඩ දබර කර ගැනීමේ සාධක නොවේ…. විනය ගරුත්වය, සදාචාරය, භය භක්තිය ඇති අය අල්ලාහ් වෙත උසස් වන්නේය. ඔවුන් තම සෑම කි්‍රයාවක් කෙරෙහිම අල්ලාහ් වෙත වගකිව යුතුය.

    මෙවන් චින්තනයන් කිසියම් මිනිසෙකු සිතේ තැන්පත් වූ විට ඔහු අන් මිනිසුන් කෙරෙහි පහත් හා නින්දිත ආකාරයට නොබලයි. ස්වභාවයෙන් අන් මිනිසුන් කෙරෙහි කරුණාව, දයාව දක්වයි.

    නව සියවසේ ජාති, දේශ, වර්ණ වැනි සීමාවන්ගෙන් තොරව ජාත්‍යන්තර මුස්ලිම් ප්‍රජාව සහෝදර බැම්මෙන් එක්කර ඇත්තේ මේ ආකළ්පයයි. මේ චින්තයන මානව සමාජය පිළිගැනීමට හා කි්‍රයාත්ම කිරීමට ඉස්ලාම් අවශ්‍ය නොවේද?

    මුහම්මද් නබි (සල්) තුමාණෝ පැවසූහ: —ආරාබි ජාතිකයින්, ආරාබි නොවන්නන්ට වඩා ද, කළු ජාතිකයින් සුදු ජාතිකයින්ට වඩා ද සුදු ජාතිකයින් කළු ජාතිකයින්ට වඩා ද උසස් නොවේ. අල්ලාහ් වෙත උසස් පුද්ගලයා භක්තිය ඇති පුද්ගලයා වේ.˜

    ලෞකීක ජීවිතයේ බාහිර ඔපය පමණක් පිම්බීමට තම සියලූ සම්පත් කැටි කොට එල්ල කර ඇත්තාවූ ලෝක බලවතා නව සියවසේ දී මුළු මානව සංහතියටම හිසරදයක් වීම පමණක් නොව තමාගේ ගෞරවය, බලය අධිකාරයෙන් ද දුරස් වීම, දක්නට ලැබේ.

    මේ සියල්ල තම ලොවේ ඇති වේදනා සහගත සිද්ධීන්ය. මෙයින් මානව සංහතිය මුදවා ගැනීමට ඉස්ලාම් අත්‍යවශ්‍ය නොවේද?



    කතෘ: යූසුෆ් නියාස්


    අති පාරිශුද්ධවූත්, මහා කාරුණිකවූත්, පරම දයාබර වූත් අල්ලාහ්

    ගින්දර යුගයේ සිට අඟහරු යුගය දක්වා භෞතික වශයෙන් අනේක විධ යෝධ පියවරවල් තබමින් ඉතා සීඝ්‍ර ලෙස තාක‍ෂණික ලොවට අවතීර්ණ වූ නව යුගයේ මිනිසා මෙතෙකුත් තම පහත් හැඟීම් හා මිලේච්ඡ ආශාවන් වෙතින් මිදී ඉදිරියට ඒ මේ ප්‍රවණතාවයක් පෙන්නුම් නොකිරීම නව යුගයේ මුළු මානව සංහතියටම අති විශාල අභියෝගයකි.

    මිනිසා අති විශාල වශයෙන් භෞතික වස්තූන් කෙරෙහි සම්බන්ධතා වර්ධනයෙහිලා ඉදිරියෙන් සිටියද, මිනිසාගේ සිත නොදියුණු වනචාරි යුගයක පැවතීම මිනිසා ලබාගත් සියලූ ද්‍රව්‍යමය වර්ධනයන් ක‍ෂණිකව විනාශ කිරීම පමණක් නොව මුළු මිනිස් සංහිතයම දරුණු ආගාධයක් කරා තල්ලූ කිරීමකි.

    මිනිසා භෞතික හා ලෞකික වශයෙන් ලබාගත් දියුණුවේ සාර්ථකත්වය රඳා පවතිනුයේ ඔහු තමා හා විශ්වය පිළිබඳ ලබා ගන්නා වූ නිවැරදි දැනුම ආශ්‍රයෙනි.

    මිනිසාගේ දැනුම, බුද්ධිය හා අවබෝධය සැලකීමෙහිලා, කිසියම් සීමාවකට කොටුවී ඇති බව පැහැදිලිය.

    විශ්වයේ සර්ව බලධාරියා වූ අල්ලාහ් මිනිසාව ශ්‍රේෂ්ඨ නිර්මාණයක් ලෙස පෘථීවියට ප්‍රවේශ කර මුලූ පෘඵිවි තලය තුළම මිනිසාව ඇගයීමට ලක් කර ඇත.

    කාලයේ මැවුම් කරුවූ අල්ලාහ් ඒ කාලය තුළ මිනිසාව සිර කර ඇත.

    පෘථීවියේ මැවුම් කරුවූ අල්ලාහ් අවකාශය තුළ මිනිසාව වෙල ඇත.

    ආලෝකයේ මැවුම් කරුවූ අල්ලාහ් මිනිසාව ඒ ආලෝකයට වහල් කර ඇත.

    අන්ධකාරයේ මැවුම් කරුවූ අල්ලාහ් මිනිසාව ඒ අන්ධකාරයේ අවශ්‍යතාවය කෙරෙහි ගොනු කර ඇත.

    මේ වූ ආකාරයට ඉර, හඳ, ග්‍රහ තරු හා සුවිශාල විශ්වයන්ගේ මැවුම් කරුවූ සර්ව බලධාරි අල්ලාහ් පෘථීවි තලයෙහි තම උසස් නිර්මාණයක් වූ මිනිසාට අවශ්‍ය සියල්ල කිසිම අතපසුවීමකින් තොරව අංග සම්පූර්ණ කර ඇත. ඒ අනූව මිනිසාගේ බුද්ධියේ වර්ධනය ද වරින් වර අල්ලාහ් විසින් වර්ධනය කර ඇත. මිනිස් අවශ්‍යතාවයට සරිලන ආකාරයට ඒ හා සමාන වූ දැනුමක් මිනිසාට ලබා දෙන්නේද අල්ලාහ්ය. උදාහරණ වශයෙන් ගල් අඟරු, ඛනිජ තෙල්, ගෑස්, පරමාණු බලය, යනාදි ලෙස මිනිසාට අවබෝධය මඟ පෙන්වීම් කරන්නේ අල්ලාහ්ය. මේ සියලූ බල ශක්තීන් මිනිස් අවශ්‍යතාවන්ය. ඒවා අවශ්‍ය වකවානු තුළ මිනිස් බුද්ධියට මඟ පෙන්වනු ලබන්නේද, අල්ලාහ්ය.

    මිනිසා විසින් හිරුට අවශ්‍ය හීලියම් වායුව සැපයුම් කළ යුතු නැත. වාතයට ඔක්සිජන් හෝ ජල වාෂ්ප සැපයිය යුතු නොවේ. ඒ සියල්ල අල්ලාහ් විසින් ක්‍රමවත්ව සූක‍ෂම හා සැලසුම් සහගතව සිදුකරන්නේය.


    විශ්වයේ හා පෘථීවියේ අවධානය යොමු කළ විට මිනිසා වෙනුවෙන් අල්ලාහ් විසින් ප්‍රදානය කරන ලද්දාවූ දායාදයන් මිනිසාට ගිණුම් ගත කිරීමට බැරී තරමට ඉමහත්ය.

    —මිනිසාගේ නිර්මාතෘ අල්ලාහ්ය. ඔහු මිනිසාට කථීකත්වය හා අවබෝධය ලබා දුන්නේය. හිරු හා සඳු ඒවාට නිශ්චිත කරනු ලැබුවා වූ මාර්ගයෙහි ගමන් කරන්නේය, ගස් වැල් ශාක යනාදිය අල්ලාහ්ව පිදුම් කරන්නේය, අහස මැවූ අල්ලාහ් එය උස් කළේය, මිනුම සමතුළිත භාවය හා යුක්තිය පිහිටුවාලූයේ මිනිසා එම සමතුළනයෙහි, සීමාව නො ඉක්මවාලීමටයි, යුක්ත ලෙස මිනුමෙහි යෙදෙන්න. එහි අඩුවක් නොකරන්න. තවද ඔහු පෘථීවිය මවා එය මැවීම්වලට උචිත කළා. එහි පලතුරු හා රට ඉඳි ගස්ද තිඛෙන්නේය. තවද පොතු සහිත ධාන්‍යයද, සුගන්ධය දෙන්නාවූ පැළෑටිද ඇත්තේය.˜ (ශු කුර්ආන් 55: 1- 12).

    අල්ලාහ් විසින් මිනිසාට පමණක් නොව ස්වභාව ධර්මයටද ජීවය ලබා දී ඇත. හිරු සඳු, තාරකා සියල්ල අල්ලාහ්ගේ අණ පිළිපැද නිශ්චිත මාර්ගයෙහි ගමන් කරන්නේය, ඒ සිය්ලල මිනිසාට සේවය කිරීමට බැඳී සිටින්නේය.

    —සූර්යයා, චන‍ද්‍රයා යන දෙපල තමන්ට නිශ්චිත මාර්ගයෙහිලා ගමන් කිරීම කෙරෙහි ඔබට අවනත කර දී ඇත.˜ (ශුද්ධවූ කුර්ආන් 14: 33).

    තවද ගස්වැල් හා යෝධ ඝනයේ ශාක ගැන සලකා බැලීමේදි පරිසරයේ වැදගත්ම සාධකය ශාක බව විද්‍යාඥයින් පෙන්වා දෙයි. අප වෙසෙන්නා වූ භූමියෙන් තුනෙන් එකක් ගස් වැල් වලින් ගහනය වී ඇති බව පෙනීයයි. පරිසර සංරක්ෂණයට බලපාන මේ ශාක මගින් වාතය පවිත්‍ර කර, ජල සැපයුම් ක්‍රමවත් කර, ලක‍ෂ සංඛ්‍යාත පක‍ෂීන්ට හා සතුන්ට නවාතැන් සපයන්නේය, තවද මෙම ශාක කාබන්ඩයොක්සයිඩ් වාතය හා වෙනත් වායු ස්වසනය කර පෘථීවියේ ශිතෝෂණ භාවය ආරක‍ෂා කර පරිසර සමතුළනය රැකදෙන්නේය. මිනිසාට වැළෙඳන්නාවූ ලෙඩ රෝග සුව කිරීමට ලබා ගන්නා වූ ඖෂධ 3000 ක් වූ ශාක වර්ගයෙන්ම ලබා ගන්නේය. මේ මඟින් පිළිකා සඳහාද ඖෂධ ලබාගන්නේය. මේ ශාක වර්ග 2000 ක් ම ඇමසන් වනයෙහි පවතින්නේය.

    ඉස්ලාමීය දෘෂ්ටිය අනූව අහස පොළොව, අවකාශය, කඳු, ගස්වැල්, අහසේ සැරිසරන්නාවූ පක‍ෂීන්ද, සතුන්ද අල්ලාහ්ව ප්‍රශංසා කරන්නේය.

    —සත් මහා අහසද, පෘථීවිය හා ඇති සියල්ලද, අල්ලාහ්ට ප්‍රශංසා කරන්නේය, අල්ලාහ්ට ප්‍රශංසා නොකරන්නාවූ කිසිම වස්තුවක් නොමැත්තේය, නමුදු එසේ ප්‍රශංසා ස්තෝත්‍ර කිරීම ඔබට නොෙඳන්නේය.˜ (ශු අල්කුර්ආන් 15: 44).

    තවද ජලය, භූමිය, වාතය, ගින්දර, සූර්යයා ලෝකය, ශාකයන් යනාදිය මිනිසාට පමණක් නොව සෑම ජීවියෙකුටම පොදුය. එහෙයින් මෙම සම්පත් මිනිසාට සීමාව ඉක්මවා පරිහරණය කළ නොහැකිය.

    —එසේම දාවුද් සමග එක්ව (ස්තෝත්‍ර) කිරීමට කඳු හා පක්ෂීන්ද අවනත කර දුන්නෙමු˜ (ශු කුර්ආන් 17: 79).

    නබි (සල්) තුමාණෝ මිනිසුන්ට පමණක් නොව සතුන්ටද, ගස්වැල්, පක‍ෂීන්, පමණක් නොව කඳුවලට පවා කරුණා, දයාව පෙන්වූහ. මදීනා නගරය අවට පිහිටි උහද් ශීඛරය කෙරෙහි නබි තුමාණෝ දැඩි සෙනෙහසක් දැක්වූහ. එක් වරක් උහද් ශිඛරය කම්පනය වනු දුටු නබි (සල්) තුමාණෝ

    —උහද් සන්සුන්වන්න˜ ඊට පැවසූහ. මෙහිදී මිනිසුන් සමග කථා කරන්නාක් මෙන් කඳු ශිඛරය සමඟ කථා කළෝය, තවත් විටෙක —උහද් අපට සෙනෙහස පුදන්නේය, අපද එයට සෙනෙහස පුදන්නෙමු˜ යි කීවෝය.

    සැම වස්තුවක්ම අල්ලාහ්ගේ පාලනයෙහිම පවතින්නේය. ඒවා අල්ලාහ් විසින් මිනිසාට අවනත කර දී ඇත. සැබෑ උරුමක්කරුවා අල්ලාහ්ය. මේ වස්තූන් මිනිසාට වගකීමක් ලෙසම බාර දී ඇත.

    —ඔහුම අහසේ සිට ජලය පතිත කර ඒ මගින් සෑම වස්තුවකම මූලයන් අවතීර්ණ කළේය˜ (ශු අල්කුර්ආන් 6: 100).

    ජලය වනාහි ඉතාමත් වැදගත් සම්පතකි. සෑම ජීවියෙකුගේම ජීවිත ජලය සමග වෙලී පවතී. පෘථීවියේ 3රැ4 ක්ම ජලයෙන් වට වී ඇත. එහි බාහිරව 70්‍ර ක් ම ජලයම වේ. දූවිලි සමග මෙන්ම වාතයේ ද, පෘථීවි අභ්‍යන්තරයේද, පස් සමගද, සෑම ජීවියෙකු වෙතම ජලය පවත්නේය. මිනිස් ශරීරයෙහි 70්‍ර ක් ම ජලය වේ. තවද අප අහරට ගන්නා පලතුරු, ධාන්‍ය, එලවළු වලද වැඩිම ප්‍රතිශතයක් ජලයම වේ.

    පෘථීවි ජලයෙන් 98්‍ර ක් ම සාගර ලෙස පවත්නේය. එය ලූණු රස සහිතය, තවද 1්‍ර ක් උත්තර හා දක‍ෂිණ ධ්‍රැවයේ හිම ලෙස මිදි පවත්නේය. එහෙයින් පෘථීවි ජලයෙන් 99්‍ර ක්ම සෘජුවම පරිහරණය කළ නොහැකිය. එසේම පෘථීවි ජීවින් සියල්ලන්ම 1්‍ර ක් වූ ජලයම තම අවශ්‍යතා සඳහා පරිහරණය කළ යුතු වන්නේය.

    අල්ලාහ්ගේ දායාදයන්ගෙන් ජලය ඉතාමත් උසස් දායාදයන්ය.

    —අහසෙහි සිට සැලසුම් සහගතව ජලය අප පතිත කළෙමු. පසුව එය පෘථීවියේ ගබඩා කළෙමු. අප එය නැති කර දැමීමටද ශක්තිමත් වෙමු.˜ (ශු අල්කුර්ආන් 23: 18).

    භූගත ජලය වර්ෂාව මඟින් පතිත වන්නාවූ ජලයම බව මෑතකදී සොයාගත් විද්‍යාත්මක සත්‍යයකි මෙයම කුර්ආන්හි අල්ලාහ් පවසා ඇත.

    පානීය ජලය අපගේ දිවට උචිත රසයෙකින් අල්ලාහ් සංයුක්ත කර ඇත. එය ලූණු හෝ තිත්ත රස නොවී දිවට උචිත රසයකින් සංයුක්ත වී ඇත.

    සාගර ජලය ලූණු රසම වේ. එය ජීවීන්ට පානය කළ නොහැකිය. එසේම එහි ලූණු රසය නොමවේනම් අපවිත්‍ර වී යනු ඇත.

    —ඔබ පානය කරන්නා වූ ජලය දෙස බැලූවේද? එය වලාකුළු මතින් ඔබ පතිත කරන්නේද? නො එසේනම් අප පතිත කරන්නේද? අප සිතුවේ නම් එය පානය කළ නොහැකි නීරස බවට හරවන්නෙමු. ඊට ඔබ ස්තුති පූර්වක විය යුතු නොවේද?˜ (ශු කුර්ආන් 56: 68-70).

    තවද මුහුදු ජලය සූර්යාලෝකය මඟින් ජල වාෂ්ප බවට හැරවෙන්නේය. තවද භූගත ජලයද ශාකයන්ගේ මුල් මගින් උරාගෙන පත්‍ර මඟින් ජල වාෂ්ප ලෙස වාතයට මුස් කරන්නේය.

    හිරු රශ්මිය මඟින් ගොඩබිම් සීඝ්‍රයෙන් උණුසුම් වී එහි ඇති වාතය බර අඩු වී ඉහළ එසවීම තුළින් මුහුදේ වූ ජල වාෂ්ප සහිත වාතය ඒ අඩුව පිරවීම සඳහා ගොඩබිම් කරා හමන්නේය. එහෙයින් එම ජල වාෂ්ප සහිත වාතය ඉහල එසවීම තුළින් වලාකුළු බවට පත් වී වර්ෂාව පතිත කරන්නේය. ඒ මගින් ජීවීන්ට ප්‍රයෝජනවත් වන්නාවූ ගංගා ද සෑදෙන්නේය.

    —අල්ලාහ් සුළඟ හැමීමට සලස්වන්නේය, ඒවා මතින් වලාකුළු ගමන් කරන්නේය. පසුව ඒවා වියළි, ඉරිතලා ගිය භූමියට පතිත කර ඒ මගින් මලානික වී ගිය භූමිය සකි්‍රය කරන්නෙමු.˜ (ශු අල්කුර්ආන් 35: 9).

    වලාකුළු තුළ කිසියම් ප්‍රමාණයක විදුලිය කෙටීමක් සිදුවන්නේය. මෙය අපට ගෙරවිලි හා විදුලි කෙටීම ලෙස පෙනේ. මෙය එකිනෙකට ප්‍රතිවිරුද්ධ අංශුන් අතර සිදුවන්නාවූ සූක‍ෂම කි්‍රයාවලියකි. මෙම ප්‍රතික්‍රියා තුළ කිසියම් වෙනසක් සිදුවේ නම් ජලය නීරස වන්නේය. තවද විදුලි කෙටීම හේතුවෙන් ශාක සඳහා අවශ්‍ය ගණනය කළ නොහැකි නයිට්‍රජන් ප්‍රමාණයක් උත්පාදනය වීම කෙතරම් ආශ්චර්යක්ද?

    —ආලෝකමත් විදුලි කෙටීම ඔහුම, ඔබට පෙන්වන්නේය, ඒ තුළින් ඔබට බිය හා වාසියක් සිදුවන්නේය, තවද ජලයෙන් සපිරු වලාකුළු ඔහුම ඇති කරන්නේය.˜ (ශු කුර්ආන් 13: 12).

    තවද පානීය ජලය තමා තුළ දෘෂ්ඨිය පහරන්නා විදුලිය හා සවන බිහිරි කරවන ගෙරවිලි සහිත වීම කොතරම් ආශ්චර්යක්ද?

    —අල්ලාහ්ගේ දායාදයන් ඔබ ගණනය කළේ නම්, එය ගණනය කිරීමට ඔබට නොහැකිය, ඇත්ත වශයෙන්ම මිනිසා සාපරාධී හා කළගුණ නොදත්තෙකු වන්නේය.˜ (ශු කුර්ආන් 14: 34).

    —ඔබ මැවුම්කරුගේ වාක්‍යයන් ලිවීමට සියලූ සාගරයන් උපයෝගී කරගත්තද, එවැනිම තවත් ප්‍රමාණයක් උපයෝගි කරගත්තද, (සියලූ ශාකයන් පන්හිඳ ලෙස යොදාගත්තද) ඒවා නිමවූවද, ඔබේ මැවුම්කරුගේ වාක්‍යයන් නිම නොවේ.˜ (ශු කුර්ආන් 18: 109).

    සර්ව බලධාරී මහා කාරුණික අල්ලාහ් මිනිසාගේ සියලූ අවශ්‍යතා සපුරා පෘථීවියට ප්‍රවේශ කර ඇත.

    —ඔබට පෘථීවියේ සෑම පහසුකමක් සපුරා එහි ජීවන පහසුවද සපුරාලූවෙමු.˜ (ශු කුර්ආන් 7: 10).

    විශ්වයේ සෑම අංගයක්ම මිනිස් ජීවිතයේ පහසුව, සෞභාග්‍යය හා සශ්‍රීකත්වය තකා ඉතා විශාල කාර්ය භාරයක් ඉටු කරන්නේය. උදාහිරෙන් සූර්යයා පිබිදීමත් සමඟ මිනිසා තම නින්දෙන් අවදිවන්නේය. දහවල ඔහුගේ ශ්‍රමය කැප කිරීමට අවශ්‍ය, උෂ්ණත්වය, ශක්තිය හා කඩිසර බව ලබා දෙන්නේය. දහවල මුළුල්ලේ ශ්‍රමය කැප කළ මිනිසාට දැන් විවේකය අවශ්‍ය වන්නේය. ඒ සඳහා අඳුරු සළුව වසාලීමට අවශ්‍ය ආකාරයට සූර්යයා බටහිර සයුරේ ගිලිහීමත් සමඟ රෑ ඝනදුර මිනිසාව වෙලාගැනීමටත්, ඔහුගේ මහන්සිය මඟහැරීමට නිදියහනට ගොස් සුවය, විවේකය ලබාගන්නේය.

    —රැය ද මොවුන්ට එක් හාස්කමකි. ඒ තුළින්ම අප දහවල උදුරා ගන්නෙමු. එවිට ඔවුන් අඳුර ලබාගන්නේය.˜ (ශු කුර්ආන් 36: 37).

    ඉහත දැක්වූ ආකාරයටම මිනිස් ජීවිතයේ පැවැත්මට අවශ්‍ය වූ ජලය අහසින් පතිත වීමද, ඒ හේතුවෙන්ම ඉරි තැලී වියලි ගිය භූමියට ජීවය ලැඛෙන්නේය. තවද සශ්‍රීක වූ ශාකයන් දෑස් පිනවන පුෂ්පයන් විවිධ රසැති පලතුරු වර්ග එසේ සිව්පාවුන්ගෙන් මස් හා කිරි වර්ග භූමිය අභ්‍යන්තරයේ ඇති ඛනිජ වර්ග, පාෂාණ මේ ආදී මිනිස් ජීවිතයේ බාහිර අවශ්‍යතා සඳහා කෙතරම් සූක‍ෂම ලෙස සැලසුම් කර ඇත්ද? යන්න අල්ලාහ් පෙන්වා දෙයි.

    —අල්ලාහ් අහස හා පොළොව නිර්මාණය කිරීම කෙරෙහිද, රැය හා දහවල යළි යළි පැමිණීම තුළින්ද, මිනිසාට ප්‍රයෝජනවත් දෑ සාගරයන් මතින් ගෙන යන්නාවූ නෞකා මඟින්ද, අහසෙහි සිට ජලය පතිත කර අල්ලාහ් ඒ තුළින් වියළී මලානික වී ගිය භූමිය ප්‍රාණවත් කිරීම තුළින්ද, එහිම සෑම වර්ගයකම ජීවීන් ව්‍යාප්ත කිරීම තුළින්ද, සුළඟ සෑම දිශාවකටම හැරවීම තුළින්ද, අහස හා පොළොව අතර සීමා වී සිටින්නාවූ වලාකුළු තුළින්ද බුද්ධිමත් ජනතාවට සාක‍ෂීන් තිඛෙන්නේමය.˜ (ශු අල්කුර්ආන් 2: 164).

    ඇත්ත වශයෙන්ම පෘථීවිය මිනිසාගේ බාහිර අවශ්‍යතා සියල්ල සපුරා තිබුණද, මිනිසා වනාහී භෞතික වස්තූන් මෙන් අණු හා පÞර්ථවලින් පමණක් ගහන වේ, ඔහු ආත්මයකින්, මනසකින් හා ශරීරයකින් යුක්ත වූවෙකි. මිනිසාගේ ශරීරයෙහි හා මනසෙහි අවශ්‍යතා සපුරා තිබුණද, ආත්මයෙහි අවශ්‍යතාවද සපුරා ලිය යුතුය. ඒ සැපරීම් වස් දැනුම, බුද්ධිය අවබෝධය අසමත් වී ඇත. ඔහුගේ දැනුම කිසියම් සීමාවකට යටත් වී ඇති බව අල්ලාහ් පෙන්නුම් කරයි.

    —ඔබට දායාද කර ඇත්තේ ඉතාමත් අල්ප මාත්‍ර වූ ඥාණයක් පමණි.˜ (ශු අල්කුර්ආන් 17:85).


    ක්‍රිස්තියානීන් හා මුස්ලිම්වරුන්

    කිතු බැතිමතා : පසුගිය අවුරුදු දහය තුළ ක්‍රිස්තියානීන් හා මුස්ලිම්වරුන් අතර ඔවුනොවුන්ගේ ඇදහීම් පිළිබඳව නොයෙකුත් සංවාදයන් පැවතී ඇත. මීට හේතුව කුමක්ද?

    මුස්ලිම්වරයා: අපගේ දෙපාර්ශවයට ම පොදුවූ කරුණු රාශියක් තිබීම මීට හේතු වන බව මම සිතිමි. මෙලොවට වක්තෘවරුන් බොහෝ දෙනෙක් එවූ එකම මැවුම්කාරයා කෙරෙහි අපි විශ්වාසය තබන්නෙමු : යේසුස් වහන්සේ ආශිර්වාද ලත් මෙසායා ( messiah )ලෙසත් දෙවියන්ගේ වචනයක් ලෙසත් විශ්වාසය තබන්නෙමු. එහෙත්, යුදෙව්වන් මෙම කරුණු විශ්වාසය නොකරති.

    අල් කුර්ආනය මෙසේ පවසයි:

    මලාඉකාවරු පැවසූහ: මර්යම් නියත වශයෙන්ම අල්ලාහ් තමන්ගෙන් වූ වචනයකින් ඔබට (පුතෙක් ලැබීමට ඇති බව) ශුභාරංචියක් පවසයි. ඔහුගේ නම මසීහ්, මර්යම්ගේ පුතා ඊසා යනුවේ. ඔහු මෙලොවෙහි ද එලොවෙහි ද ගෞරවයෙන් යුතු වූ ද, (දෙවියන් ඉතා) සමීපවුවන්ගෙන් කෙනෙක්ව ද සිටි.

    මුස්ලිම්වරුන් හා ක්‍රිස්තියානීන් අතර යුරෝපය, කැනඩාව, ඇමරිකාව හා ඔස්ටේ්‍රලියාව ආදි රටවල සාකච්ජා පවත්වා ඇත. වැටිකන් නුවර (ක්‍රිස්තියානි) ශාස්ත්‍රයින් හා ඊජිප්තුෙවි මුස්ලිම් විශාරදයින් 1970 දී රෝමයේදීත් 1974 හා 1978 දී (ඊජිප්තුවේ අගනුවරය වූ) කයිරෝවෙහිදීත් සාකච්ජා පැවැත්වූහ. එමෙන් ම වැටිකන් නුවර ශාස්ත්‍රයින් සවුදි අරාබියාව් මුස්ලිම් ව්ශාරදයින් සමග 1974 දී රෝමයේ සාකච්ජා කළහ. (ශී්‍ර ලංකාවේ අගනුවර වූ) කොළඹ ද නොයෙකුත් සංවාද පැවැත් වූ අතර, ඉස්ලාමීය ඇදහිම් ව්ස්තර කරනමෙන් මුස්ලිම්වරුන් විටින්විට කි්‍රස්තියානි දේවස්ථාන වෙත කැඳවනු ලැබූහ.

    කි. බැ: කි්‍රස්තියානි ආගම වර්ෂ 2000 ක් පමණ පැරණි ය..ඉස්ලාමය වර්ෂ 1400 කින් පමන පැරණිය. එසේ නම් දැන් පවත්වන මෙම සංවාදයෙන් ශත වර්ෂ ගනනාවකට පෙර නොපැවැත්වූයේ ඇයි දැයි කිව හැකිද ?

    මුස්: මුස්ලිම්වරුන් අධික ලෙස වෙසෙන ආසියානික හා අප්‍රිකානු රටවල් ගණනාවක් පසුගිය ශත වර්ෂ තුන හතරක් ම බි්‍රතාන්‍ය, ප්‍රංශය, ඕලන්දය, ඛෙල්ජියම. ස්පාඤඤය පෘතුගීසිය වැනි රටවල්වලට යටත්ව තිබුණි. එම අවස්ථාවේ ක්‍රිස්තියානි මිෂනාරි වලට අයත් බොහෝ ආක්‍රමිකයන් නොයෙකුත් උපක්‍රම යොදමින්ද, දුගී දුප්පත් මුස්ලිම්වරුන්ට වෛද්‍ය ප්‍රතිකාර, ඇඳුම්, ආහාර පානාදිය, රැකියා වැනි දේ සපයා උදව් උපකාර කිරීමෙන්ද තම ආගමට හරවා ගැනීමට දැඩිලෙස උත්සහ කළහ. නමුත් මුස්ලිම්වරුන්ගෙන් ඉතා ටිකදෙනෙකි ඔවුන්ගේ ආගමට හැරුනේ. සමහරු ක්‍රිස්තියානි ආගමෙන් තමන්ට ශිෂ්ඨාචාරය සහ අද්‍යාපනික දියුණුව ලැබුණු බවට වැරදි මතයක් ඇති කරගෙන එම ආගම කරා ගියහ. ඇත්ත වශයෙන් යුරෝපයේ දේවස්ථානය (ක්‍රිස්තියානි මහා සභාව) හා වෙන වෙනම ක්‍රියාකාරීවන අන්දමින් වෙන් කිරීමෙන් පසුවය, ඔවුන් අදහස් කරන මෙම දියුණුව ලැබුවේ.

    දෙවෙනි ලෝක සංග්‍රාමයෙන් පසු, ආසියාතික හා අප්‍රිකානු රටවල්හි විසූ මුස්ලිම්වරුන් බොහෝ දෙනෙක් බටහිරට ගොස් පදිංචි වූහ මොවුනතර කම්කරුවන් හා වෘතිය රැකියාවන් කරන අය බොහෝ දෙනෙක් සිටියහ. මෙම පදිංචි වීම මුස්ලිම්වරුන් ක්‍රිස්තියානි ජනතාව සමග ඉතාම සමීප වූ සම්බන්ධතාවයන් ඇතිකර ගැනීමට හේතු විය. මේ අතර මුස්ලිම් ශිෂ්්‍ය ශ්ෂ්්‍යාවන්ගෙන් විශාල පිරිසක් ද බටහිර ඉස්ලාමය හඳුන්වා දීමෙ හි දැඩි උනන්දුවෙන් ක්‍රයාකරන්නට වූහ.

    කි. බැ: මෙකල, මෙවැනි සංවාදය අධික ලෙස පැවැත්වීමට වෙනත් හේතු තිබේද ?

    මුස්: මෙම දෙපාර්ශ්වය ම තම තමන්ගේ ආගම්වලට අන් අය හරවා ගැනීමේ තරඟකාරිත්වයෙන් යුතුව ක්‍රියා කළ මුත්, ඉස්ලාමය ප්‍රත්‍යක්ෂව බැලීමට කිතු බැතිමතුන් වැඩි වැඩියෙන් උනන්දු වූ නිසාත්, එකිනෙකා අන් මතයන්ට විරුද්ධව ක්‍රියා නොකරන තත්වයක් උදාවූ නිසාත් මොවුනතර පවතින පරතරය කි්‍රමානුකූලව අඩු වී ගෙන එන බවයි මම අදහස් කරන්නේ. —මුහම්මද් රැවටිලිකාරයෙක්˜ කාර්්‍යක්ෂම නොවූ තැනැත්තෙක් —මී මැස්මොර රෝගියෙක්,˜ යනුවෙන් ක්‍රිස්තියානි ගුරුවරයෙක් නිතර නිතර කී බව මට තවමත් මතකයි. දැන් මෙලෙස ඉස්ලාමයට නින්දා අපහාස කරන ලේඛකයින් ඇත්තේ සුළු කොටසක් බව ඔබට වැටහෙයි.

    මුස්ලිම් වරුන් වන අපි, යුදෙව්වන්ට මිත්‍යා දෘෂ්ටිකයන්ට ද වඩා කිතු බැතිමතුන්, අපට ළංවූවන් බව නිසැකව අපි විශ්වාසය තබා ඇත්තෙමු.

    අල් කුර්ආනය මෙසේ පවසයි.නියත වශයෙන්ම යුදෙව්වන් හා මිත්‍යා දෘෂ්ඨිකයින් මුඃමින්වරුන්ට (ඉස්ලාමය අදහන්නන්ට) දැඩි ලෙස වෛර කරන්නන් ලෙස (නබිතුමානනි) ඔබ දකින්නේය. නියත වශයෙන් ම අපි ක්‍රිස්තියානීන් වෙමු,යි පවසන්නන් මුස්ලිම්වරුන්ට ස්නේහයෙන් ඉතා සමීපවුවන් ලෙස (නබිතුමානනි) ඔබ දකින්නේය.මන්දයත් ,ඔවුනතර භක්තිමත් උගතුන් ද තාපස වරුන් ද සිටිති. තවද, ඔවුහු අහංකාර වන්නේ ද නැත.

    ඉතිහාසයේ පළමු වරට ,ඉස්මායෙල්ගේ පුත්‍රයා වූ කේදාර්ගේ මාර්ගයෙන් ඉස්මායෙල්ගෙ පරම්පරාවේ පැවත එන කෙනෙකු ලෙස මුහම්මද් (සල්)තුමා පිළිගන්නා තරම්, සමහර කි්‍රස්තියානි ආගමික කොටස් අති ව්ශාල ලෙස දියුණු වී ඇත.

    ඇමරිකාවේ පිහිටි ප්රෙස්බිටේරියන් (Presbyterian)දේවස්ථාන කි්‍රස්තියානි අධ්‍යාපන මණ්ඩලයේ අනුග්‍රහයෙන් වර්ෂ 1980 දී ප්‍රකාශනය කරනු ලැබූ ඩේවිස් බයිබල් ශබ්ධ කෝෂයේ (the davis dictionary of the Bible) හි කේදාර් යනු ඉස්මායේල්ගේ පරම්පරාවේ ඇති වූ ගෝත්‍රයක්ය. කේදාර්ගේ ජනයින් ලෙස හඳුන්වනු ලැබුවන් (ඉෂ්මායේල්ගේ පුත්‍රයා වූ) කේදාර්ගේ පරම්පරාවේන් පැවත එන්නෝය. අවසානයේ දී මුහම්මද් ඉපදුනේද ඔවුන්ගේ මෙම ගෝත්‍රයේය. සමස්ත ලෝක බයිබල් ව්ශ්ව කෝෂය[the international standard Bible Encyelopedia] ඒ.එම් ෆූල්ටන් [A.S. Fulton] පැවසූ බව මෙසේ සඳහන් කරයි.

    ඉෂ්මායේල්ගේ ගෝත්‍රයන් අතර කේදාර්ගේ ගෝත්‍රය ඉතා වැදගත් එකක් ව්ය යුතුයි. එහෙයින්, පසු කලෙක මෙම නව කාන්තාරයේ තිබුණු සෑම ගෝත්‍රයකට ම යෙදුනි.කේදාර් නම් වූ මෙම ගෝත්‍රය වෙතින් ඉෂ්මායේල්ගේ පරම්පරාවේ කෙනෙකු ලෙස පසු කලෙක මුහම්මද් උපත ලැබූ බව වංශ පරම්පරා ගැලිම්වරු ඔප්පු කරති.

    ස්ම්ත්ගේ බයිබලය ශබ්ද කෝෂය මෙසේ සඳහන් කරයි. ඉෂ්මායේල්ගේ දෙවෙනි පුත්‍රයා කේදාර්ය .මෙම කේදාර්ගේ ගෝත්‍රයෙන් පැවත ආ ඉතාමත් කීර්තිමත් කුෙරෙෂ් කුලයෙ හි මුහම්මද් උපත ලැබීය. මෙනයින් එතුමා ආබ්‍රහම්ගේ පරම්පරාවේ කෙනෙකු වූ හ. හිජාස් හි විසූ අරාබින් බනී හබ්රු (රණ ශුරයෝ) නමින් අමතනු ලැබූහ. තව ද ඔවුහු, ආරම්භ කාලයේ සිටම ඉෂ්මායේල්වරුන්( ඉෂ්මායේල්ගේ පරම්පරාවේ අය) ලෙස හඳුන්වනු ලැබූහ.

    පැල්ග්‍රේව් [palgra]මෙසේ පවසයි, —ඔවුන්ගේ (හිජාස්හි විසූ අරාබීන්ගේ) භාෂාව කුර්ආනය ලියන (අනාවරණය කරන) ලද (ක්‍රි. ව 610- එදා මෙන් වර්ෂ 1200 ටත් පසුව අදත්, කිසිදු වෙනසක් නොමැතිව පවිත්‍රව තිබීම පෙරදිග සමාජ ආයතනයේ ස්ථීරත්වය හා කල් පැවැතීම ඔප්පු කිරීමේ කදිම නිදසුනකි.

    බටහර ලොවට පදිංචියට ගිය මුස්ලිම්වරුන් බටහිර ජනතාවට දී ඇති ඉතාම වටිනා සම්පත ඔවුන්ගේ මිනිස් සම්පත හෝ ශ්‍රම ශක්තිය හෝ නොවෙයි, එය කුමක් ද යත්, අද බටහිරයේ මුල් බසිමින් ඇති ඉස්ලාමයයි. බටහිරයේ ඇති සෑම රටකම මුස්ලිම් පල්ලි(මස්ජිද්)හා ඉස්ලාමීය සංව්ධාන බොහෝ ගණනක් ඇත. බටහිරයින් ඉතා අධික ලෙස ඉස්ලාමය වෙත ආපසු පැමිණීම, දෛනික සිද්ධියකි. මෙහි —ආගම වෙනස් කරගනියි˜ යැයි නොකියා, —තමාගේ ආගමට ආපසු එතී˜ යැයි මම සඳහන් කිරීම ඔබට ප්‍රහේලිකාවක් වනු ඇත. නියත වශයෙන්ම සෑම කෙනෙක් ම උපත ලබන්නේ අල්ලාහ්ට අවනත වීමෙහි ය. එනම් ඉස්ලාම් හි ය. සෑම දරුවෙකුගේම ස්වභාව්ක උපත සිදුවන්නේ මෙලෙස ය. නමුත් ඔවුන්ව යුදෙව් ආගමට හෝ කි්‍රස්තියානි ආගමට හෝ වෙනත් ආගමකට, නැතිනම් නාස්තික වාදීන් බවට වෙනස් කරන්නේ ඔවුන්ගේ දෙමාපියන්ය. නැතහොත් ඔවුහු වෙසෙන සමාජය ය.

    අද බටහිර රටවල්හි ඉස්ලාමය වේගයෙන් ව්‍යාප්ත වීගෙන ඇත. මෙම ව්‍යාප්ත වීම කඩුවෙන් (ආයුධයෙන්, බලහත්කාරයෙන්) නොව, මුස්ලිම්වරුන් තනි තනිව හෝ කණ්ඩායම් වශයෙන් කරගෙන යන ප්‍රචාරයන්ගෙන් සිදුවන බව නොරහසකි. කි්‍රස්තියානි මිෂනාරි නම් වූ විශේෂ සංවිධානයන් අප අතර නැත.

    වර්ෂ 1934 සිට 1984 දක්වා ලෝක ජනගහනය 136 % කින් වැඩි වී ඇත. මෙම කාලය තුළ කි්‍රස්තියානි ආගම 47% කින් වර්ධනය වී ඇත. ඉස්ලාමය කි්‍රස්තියානි ආගමට වඩා පස් ගුණයක් අධිකව එනම් 235% කින් වර්ධනය වී ඇත. මෙම සංඛ්‍යා ලේඛන තම 50 වෙනි සංවත්සරය නිමිත්තෙන් —ද ප්ලේන් ටෘත්˜ [the plain truth] නම් වූ කි්‍රස්තියානි මාසික සඟරාව, 1984 පෙබරවාරි මස නිකුත් කළ ව්ශේෂ කලාපයෙහි සඳහන් කොට ඇත. එම සඟරාව මෙම ව්ස්තර උපුටා ගෙන ඇත්තේ ,”world almanac and book of facts 1935ග සහ .. Reader`s Digest almanac and year –book 1983 ග පොත්පතෙන්ය.

    කි. බැ: යුදෙව් ආගම කි්‍රස්තියානි ආගම, ඉස්ලාමය යනාදී ආගම් තුනම එකම දෙවියන් විසින් දෙනු ලැබුවේ නම් ඒවා එකකට එකක් වෙනස් වී ඇත්තේ ඇයි?

    මුස්: ආදම්(අෙලෙ) පටන් මුහම්මද් (සල්) තුමා දක්වා සියලූම වක්තෘවරුන් මුළු මානව සංහතියම අල්ලාහ්ට සම්පූර්ණයෙන් අවනත විය යුතුයි. යන එකම පනිවිඩය ඇතිවය මෙලොවට එවනු ලැබුවේ. මෙම අවනත වීම අරාබි භාෂාවෙන් ඉස්ලාම් යනු කියනු ලැබේ. —ඉස්ලාම්˜ යන වචනයට ශාන්තිය නම් වූ පදාර්ථයක් ඇත. එයින් සඳහන් වන්නේ මැවුම්කරුවා (අල්ලාහ්) ටත් මවනු ලැබූ ජීවීන්ටත් අතර පවතින ශාන්තිය වේ. යුදෙව් ආගමට හා කි්‍රස්තියානි ආගමට කවරෙකු විසින් කුමනාකාරයකින් එම නම තබනු ලැබුවේද, ඒ ආකාරයෙන් කවරෙකු විසින් හෝ ඉස්ලාමයට —ඉස්ලාම්˜ යන නම තබනු නොලැබුවේ ය. ඉස්ලාමයට මෙම අර්ථවත් නම තැබුවේ එය පිරිනැමූ අල්ලාහ් ය. මේ පිළිඹඳව අල්ලාහ් කුර්ආනයේ මෙසේ පවසයි.

    —අද දින ඔබ වෙනුවෙන් ඔබගේ ආගම මම සම්පූර්ණ කළෙමි, ඔබ වෙත මගේ අනුග්‍රහය ද සම්පූර්ණ කළෙමි, තවද ඉස්ලාමය (යහපත්) ආගමක් වශයෙන් ඔබ සඳහා තෝරාගෙන ඇත්තෙමි.˜ (අල් කුර්ආන්5-3

    යුදෙව් ආගම, කි්‍රස්තියානි ආගම යනා දී නම් බයිබලයේ පමණක් නොව බයිබල් ශබ්ද කෝෂයෙහි ද දක්නට නැත. ඊස්රාඉල්වරුන් වෙත එවනු ලැබූ කිසිම වකතෘවරයෙක් ඔවුන් සතු කාර්යභාරය ඉටුකරන කල්හි යුදෙව් ආගම යන නම භාවිතා නොකළහ. —මෙම පොළොව මත කි්‍රස්තියානි ආගම පිහිටුවමි˜ යැයි යේසුස් වහන්සේ නොපැවසූ හ. —කි්‍රස්තියානි˜ යන වචනය බයිබලයේ අලූත් ගිවිසුමෙහි තෙවරක් සඳහන් වී ඇත. යේසුස් වහන්සේ මෙලොවෙන් ගොස් බොහෝ කලකට පසු, එනම් ක්‍රි. ව 43 පමණ පළමුව මිත්‍යා දෘෂ්ඨිකයින් ද දෙවනු – යුදෙව්වන් ද අන්තියෝක් යන ස්ථානයෙහි දී කි්‍රස්තියානි යන වචනය කීහ.

    බයිබලයේ අළුත් ගිවිසුම මේ ගැන සඳහන් කරයි.

    —ගෝලයෝ කි්‍රස්තියානිකාරයෝයයි පළමුකොට කියනු ලැබුවේ අන්තියෝකියේදී ය.˜(අළුත් ගිවිසුම:11-26

    පසුව දෙවෙනි රජු මෙසේ පැවසූ බව බයිබලයේ සඳහන් වෙයි.

    —එවිට අග්‍රිපා කථා කොට, වැඩි පෙළඹීමක් නැතුවම නුඹ මා කි්‍රස්තියානිකාරයෙක් කරන්ට සිතනවායයි පාවුල් ට කීවේ ය.˜(අළුත් ගිවිසුම:26-28

    මෙලෙස —කි්‍රස්තියානි˜ යන නම පළමුව පතුරුවන ලද්දේ යේසුස් වහන්සේගේ දේව ගැති මණ්ඩලයේම සිටි සතුරන් විසින් මිස මිතුරන් විසින් නොවන බව පැහැදිළිය. අනතුරුව, පේත්‍රැස් විසින් ද කි්‍රස්තියානි යන නමට විස්වාසය දක්වන ලදී.

    මේ ගැන බයිබලය මෙසේ සඳහන් කරයි.

    —නමුත්, යමෙක් කි්‍රස්තියානිකාරයෙකු මෙන් දුක්විඳී නම් ඔහු ලැජ්ජා නොවී ඒ නාමය සම්බන්ධයෙන් දෙවියන් වහන්සේට ගෞරව කරත්වා˜ (අළුත් ගිවිසුම:1 පේත්‍රැස් 4-16

    මෙම පොළොව මත මුස්ලිම් වරයෙක් ලෙස අමතනූ ලැබූ පළමු මිනිසා මුහම්මද් (සල්) තුමා නොවෙයි, අල්ලාහ්ට අංග සම්පූර්ණව අවනතවූ ආබ්‍රහම් තුමා වෙයි. එපමනක් නොව, ආබ්‍රහම්ට පෙර පැමිණී වක්තෘවරුන් වූ ආදම් සහ නෝවා යනාදින්ටද ඉස්ලාමය ජීවන සැලැස්මක් ලෙස අනාවරණය කොට තිබුණි. එවකට පටන් මුළු මිනිස් සංහතියටම අදාළ ජීවන සැලැස්මක් ලෙස ඉස්ලාමය බැබැළෙයි.

    ඉස්ලාම් තුළ මිනිස් චරිතයට හිමි වැදගත් ස්ථානය :

    සමාජ අධ්‍යයනය විද්වතුන් මිනිසා සමාජ සත්වයෙකු ලෙසිනුත් :ිදජස්ක ්බසප්ක- හිනාවෙන කල්පනා කරන සත්වයෙකු ලෙසිනුත් හැඳින්වූහ. මානව වර්ගයාගේ අරමුණු යම් දුරකට හෝ හඳුනාගත් විද්වතුන් :අදරියසචචසබට ්බසප්ක- නැමදුම් සත්වයා යනුවෙන් හැඳින්වූහ.

    ඩාර්වින්ගේ පරිණාම වාදය මිනිසා වානරයාගෙන් පැමිණී බව කියයි. මිනිස් ආත්මය, මිනිසාට හිමි උසස් ස්ථානය, නිගාවට ලක් කෙරෙන මෙම සංකල්පය ඉදිරියේ පැන නැගෙන ගැටළු අනන්තය. දේවත්වය ප්‍රතිෙක‍ෂ්ප කිරීමට මෙම සංකල්පය ඉවහල් වීම නිසා සමහරුන් මෙයට පුළුල් ප්‍රචාරයක් ලබාදෙති. මෙය විද්‍යාව තහවුරු කළ සත්‍යක් නොව පුහු අනුමානයක් පමණි. අවම වශයෙන් ගත වුනු අවුරුදු දෙදහ තුළ කොහේ හෝ වානරයෙක් මිනිසෙකු බව පරිනාමත්වයට පත්විය කියා පුවතක් පෙන්වන්නට හැකිද?

    මිනිසාගේ මැවුම් කරුවාණන් මෙසේ පවසයි: —මනුෂ්‍යයිනි නියත වශයෙන් අපි ඔබව එක් පිරිමියෙකුගෙන් හා එක් කාන්තාවකගෙන් නිර්මාණය කළෙමු. (පසුව) කෙනෙකෙ තවත් කෙනෙකු හඳුනා ගැනීම පිණිස ඔබව ජාතීන් කුලයන් වශයෙන් පත්කළෙමු. (එබැවින් ඔබ අතුරින් කෙනෙකු තවත් කෙනෙකු වඩා උඩඟ වීමට නොහැක). එනමුත් ඔඛෙන් කව්රුන් (අල්ලාහ්ට) බියබැතිව කටයුතු කරයිද නියතයෙන්ම ඔහු අල්ලාහ් ඉදිරියේ උතුම් පුද්ගලයාය˜ (ශ අල්කුර්ආනය 49: 13).

    මිනිසා වර්ණයෙන්, ජාතියෙන්, දේශයෙන් වෙන්වී සිටීයත් සියල්ලන් එක් මවෙකුගේ හා පියෙකුගේ දරුවන් යන සංකල්පය ලෝකයට ඉදිරිපත් කර මිනිස් චරිතය උතුම් කොට සළකනු ලැබේ. තවද එකමුතුකමට අඩිතාලම දමනු ලැබේ. වෙනත් ස්ථානයක ඔහු පවසයි: අපි මිනිසා මනාව නිර්මාණය කළෙමු. (ශ.අල්කුර්ආනය 95: 4).

    ඇත්ත වශයෙන්ම අපි ආදමිගේ පුත්‍රයා (මිනිසා) ගෞරවයට පත්කළෙමු. අපි මුහුදෙහි හා ගොඩබිමෙහි සැරිසන්නට තැබුවෙමු තවද, ඔවුන්ට දැහැමි දේ සැපයුවෙමු (ශ අල්කුර්ආනය 17: 70).

    මිනිස් චරිතය ඉතා උසස් කොට සළකන ඉස්ලාම්, ඔහුට කල්පනා කිරීමේ ශක්තියක්, හොඳ නරක තෝරා බේරා බැලීම සඳහා දිව්‍යමය මග පෙන්වීමත් සමග ශාස්තෘවරු කලින් කලට අවතීර්ණ කළේය. මෙලොවෙහි පවතින සියළු දේ මිනිසා සඳහා නිර්මාණය කළ එම ස්වාමින් මිනිසාට සමහර වගකීම්ද පැවරුවේය. වෙනත් මැවීම් සේ මිනිසාට ජීවත්වෙන්නට නොහැකිය. මිනිසාගේ හැම කි්‍රයාවක් පිළිබඳම ඔහු ප්‍රශ්නකරනු ලබයි. ඒ සඳහා ඔහු එයට වගකිව යුතු වේ. ඒ සඳහා නියමිත වූ කාලය විනිශ්ච දිනයයි. ශාස්තෘවරුන්ගේ ප්‍රචාරයෙහි මූලික තේමාවවුනේ කුමක්ද? එම ශාස්තෘවරුන්ට අනාවරණය කරනු ලැබූ දිව්‍යමය ග්‍රන්ථයන්, මිනිසාගේ මතු ලොව ජීවිතය මෙම සියළු කරුණු කාරණා පිළිබඳ ඉදිරියේදි සාකච්ඡා කෙරේ.

    අල්කුර්ආනය හා විද්‍යාව

    නූතනයේ මිනිසා සියල්ල විද්‍යාත්මකව බැලීමටත් ඒ ඔස්සේ තර්ක විතර්ක ඉදිරිපත් කිරීමටත් පෙළඹ සිටී. මෙය හොද ප්‍රවණතාවයක් වුවද විද්‍යාත්මක ඇසින් ආගම් දෙස බැලීම තරමක මතභේදාත්මක කාරණයකි. ඒ බොහෝ ආගම් විද්‍යාව හමුවේ අසරණ වී සිටින බැවිනි. එසේම බුද්ධියේ ඉනිපෙත්තෙහි සිටින සමාජය අවබෝධ කරගතයුතු කාරණයක් ද ඇත. ඒ සමහරක් ආගමික විද්වතුන් විද්‍යාව හා ආගම ගලපන්නේ අහස පොළොව ගලපනවා සේය. ආගමික මූලාශ්‍රවල පවසන කාරණයත් විද්‍යාත්මකව ඉදිරිපත් කරන කාරණයත් අතර කිසිදු සම්බන්ධතාවයක් දක්නට නැත. නමුත් විද්‍යාවට සමාන්තරව තම දහම ගෙනයාමේ අරමුණින් මෙවැනි පදනම් විරහිත විද්‍යාත්මක කාරණයන් ප්‍රසිද්ධියේ මාධ්‍යවල සාකච්චා කරනවා නිරන්තරයෙන් අප දකින්නෙමු. මෙහි දී තම ආගම කෙරෙහි ඇති නැඹුරුතාවයත් භක්තියත් නිසා අන්ධ භක්තියන් ලෙස සියල්ල හිස්මුදුනින් පිලිගන්නත් ඒවා සත්‍ය බවට හිස් තර්ක විතරක් ඉදිරිපත් කරන්නටත් එහි අනුගාමිකයන් පෙලඹී සිටී.

    ඉස්ලාම් දහම සම්බන්ධයෙන් පවසන්නට ඇත්තේ ඉස්ලාම් දේව පණිවුඩ පදනම් කරගත් දහමක් එය විද්‍යාවට එරෙහි වු හෝ විද්‍යාවට ආවඩන දහමක් නොවේ. එසේම ශුද්ධ වු අල්කුර්ආනය විද්‍යා ග්‍රන්ථයක් ද නොවේ. මේ නිසා මෙහි පවසන කාරණයන් විධයාත්මක සමීකරණ හෝ විද්‍යාගාර පරීක‍ෂණ, නිරීක‍ෂණ හා නිගමනයන් නොවේ. මෙහි පවසනනේ සත්‍යයයි එය මිනිස් බුද්ධියට ගෝචරද විද්‍යාත්මකද යන්න මිනිසා විසින් තීරණය කලයුතු කාරණයකි. එසේම එය විද්‍යාත්මක වුවත් එය විද්‍යාවේ කුමණ ෙක‍ෂ්ත්‍රය නියෝජනය කරනවාද යන්න මිනිස් බුද්ධියෙන් තීරණය කරන කාරණයකි.

    ඒ අනුව ශුද්ධ වු අල්කුර්ආන් වාක්‍ය කිහිපයක් ඔබේ අවදානයට ඉදිරිපත් කරන්නේ එහි විනිශ්චය ඔබටම භාර කරමිණි. ……………

    තාරකා විද්‍යාව

    “අහසෙහි තාරුකා රාශියක් පිහිටුවා (එය) පහනක් ලෙසත් චන්ද්‍රයා ආලෝක පරාවර්ථකයක්ද කල………”

    අල්කුර්ආන් 25:61

    ජල ⁄ භූගෝල විද්‍යාව : Hydrology & Geogrphy

    “….අහසින් වැසිදිය පහලකොට එම වැසිදිය පොළව තුළට විනිවිද යාමට සලස්වා ඒ තුලින් දිය උල්පත බිහිකර ඒ මගින් පොලොව මත විවිධ වර්ණයන්ගෙන් යුතු අස්වනු හටගන්වන්නේය……….

    අල්කුර්ආන් 39:21

    භූගර්භ විද්‍යාව : Geology

    “…..පොළොව කම්පා නොවනු පිණිස එයමත තරසර කදුද…..”

    අල්කුර්ආන් 16:15

    ජීව විද්‍යාව : Zoology

    “…..දිවි ඇති සියල්ල ජලයෙන් අප නිර්මාණය කලෙමු……… “

    අල්කුර්ආන් 21:30

    උද්භිද විද්‍යාව : Botany

    “……අහසින් ජලය පහල කොට එයින් විවිද උද්භිද වර්ගයේ ජෝඩු මැව්වෙමු. “

    අල්තුර්ආන් 20:53

    වෛද්‍ය විද්‍යාව : Medicine

    “……..(මී මැස්සන්ගේ) උන්ගේ උදරයෙන් විවිධ වර්ණවත් පානයන් වෑහෙන්නේය එහි මනුෂ්‍යාහට රෝග සුවය ඇත්තේය “

    අල්කුර්ආන් 16:69

    කායික විද්‍යාව : Physiology

    “ඔවුන්ගේ ඇටකටු එක්රුස් කරන්නට අප නොහැක්කෙමු යයි ඔවුන් සිතන්නේද? ඔවුන්ගේ :Fingerprint– ඇගිලි තුඩ පවා නැවත තිබු ආකාරයටම මවන්න අප ශක්තිවන්තය “

    අල්කුර්ආන් 75:3,4

    කළල විද්‍යාව : Embryology

    “සැබැවින්ම මා මිනිසා මැවුයේ ඉතා සුලූ ප්‍රමාණයක් වු තරල බිදුවකිනි “

    අල්කුර්ආන් 76:02

    විශ්ව සම්භවය

    “ආරම්භයේ අහස පොළව එක් වී වායු ස්කන්ධයක්ව පැවතුනි. පසුව එය වෙන්කරන ලදී “

    අල්කුර්ආන් 21:30

    ඉහත අල්කුර්ආන් වාක්‍ය කෙරෙහි මධ්‍යස්ථව හිද බුද්ධිමත් අවදානය යොමු කරන්න. ඔබ මවිතයට පත්වෙනවා ඒකාන්තය.