Tag Archives: කාන්තාව

කාන්තා නිදහස වෙනුවෙන් හඩ නැගු ඇය ඉස්ලාම් දහම ප්‍රචාරය කරන උතුම් කාන්තාවක් වූයේ කෙසේද?

කිතු දහම ප්‍රචාරය කරන, කාන්තා නිදහස වෙනුවෙන් පෙනී සිටි, ගුවන් විදුලි ප්‍රවෘත්ති නිවේදිකාවක් වූ ඇය දැන් ඉස්ලාම් දහම ප්‍රචාරය කරන උගත් කාන්තාවකි. ඇය ඇමෙරිකාවෙහි —ඔහියෝ˜ නගරයෙහි පිහිටා ඇති මුස්ලිම් කාන්තාවන් සඳහා ඇති ජාතික සංවිධානයෙහි අධ්‍යක‍ෂිකාව —ආමිනා අස්ලමි˜ය.

—හිජාබ් පිටු පස සිට මුස්ලිම් කාන්තාවක් කථා කරයි˜ යන මෑයෙන් ඇමෙරිකාවෙහි ඇති —ඩෙන්නෙස්සි විශ්ව විද්‍යාලයෙහි˜ ඇය කළ කථාවෙහි ඉතා වැදගත් කොටස් කිහිපයක් මෙහි සඳහන් වේ.

අවුරුදු කිහිපයකට පෙර සරසවියක අළුත් විෂයක් සඳහා එක් වීමට ගොස් සිටියෙමි. පංති කාමරයේදී, සමහර අරාබි තරුණියන් තම පාරම්පරික හිජාබ් ඇඳුමෙන් සැරසි සිටීම දුටු විට මා තුළ පිළිකුලක් ඇති විය. මෙම පිළිකුල් සහගත ජාතියක් සමග මා පංති කාමරය අසුන්ගන්නේ නැත යනු තීරණය කර, පංති කාමරයෙන් පිටත්වී නිවසට පැමිණියෙමි.

aminahassilmiනමුත, මාගේ ස්වාමි පුරුෂයා ඔබ අනිවාර්ේ‍යන් පංතිවලට සහභාගි විය යුතුයි යනු තරයේ ඉල්ලා සිටී නිසා, මා තුළ යම් තීරණයකට එළඹ යළි පංතිවලට සහභාගිවුනෙමි. මාගේ පංතියෙහි සිටින එම අඥාන මුස්ලිම් තරුණියන්ගේ ආගම් වෙනස් කිරීමයි මා ගත් තීරණයවූයේ. මා සමග එකම පංතියෙහි වූ එම මුස්ලිම් තරුණියන්ව කිතු දහමට හැර විය යුතුයි යන අරමුණෙන් අල්කුර්ආනය කියවන්න පටන් ගත්තෙමි. මුහම්මද් එක් බොරුකාරයෙක්, ඉස්ලාම් පිළිගනු ලැබූ දහමක් නොවෙයි යනු ඔප්පු කිරීම මා තුළ වූ එකම අධිෂ්ඨානය විය.

නමුත් අල්කුර්ආනය කියවන්න කියවන්න ඉස්ලාම් පිළිබඳ දැනගත යුතුයි යන ආශාව මා තුළ වර්ධනය විය. විශේෂයෙන් පිරිමීන් හා කාන්තාවන් පිළිබඳ ඉස්ලාම් පවසන්නේ කුමක්ද? යනු දැනගැනීමට මා තුළ ප්‍රිය භාවයක් පැවතුනි.

මුස්ලිම් කාන්තාවන් තම ස්වාමි පුරුෂයන් විසින් වද හිංසාවන්ට ලක්වෙමින් සිටී යනුවෙන් මා සිතු වාර ගණන අනන්තය. සාමානේ‍යන් මුස්ලිම් කාන්තාවන් පිළිබඳ මෙසේ පවසනු ලැබීම මා විශ්වාස කළෙමි. නමුත්, මේ සියල්ල ශ.ද්ධවූ අල්කුර්ආනයට මුළුමනින්ම විරුද්ධවූ කි්‍රයාවන් යනු එය කියවීමෙන් පසු අවබෝධ කරගත්තෙමි.

ඉතා පුළුල්ව ඉස්ලාම් පිළිබඳ අධ්‍යයනය කිරීමෙන් පසු පිරිමීන්ට හා කාන්තාවන්ට ඔවුන්ගේ ස්වාභාවිකත්වයට ආවේනිකව සමාන අයිතීන් ලබා දී ඇති බව මා වටහාගත්තෙමි. පිරිමීන්ට මෙන් කාන්තාවන්ටද අධ්‍යාපනය ලබාගැනීමේ අයිතිය ඉස්ලාම් ලබා දී ඇති බවද මා දැනගත්තෙමි. අවුරුදු 1400 පෙරම කාන්තාවන් දේපළවලට උරුමකම් කීමේ අයිතිය ඉස්ලාම් විසින් ලබා දී ඇති බව දැනගත් විට මා මවිතයට පත්වුනෙමි. යම් මුස්ලිම් කාන්තාවක් විවාහවීමත් සමග ස්වාමි පුරුෂයාට අයිති හුදු භාණ්ඩකයක් නොවෙයි. මේ නිසයි විවාහයට පසුවද කාන්තාවකට තම ස්වාමි පුරුෂයාගේ නමත් සමග තම නම කීමට අනුමැතිය නැත්තේ. තම විවාහයෙන් පසුවත් තම අනන්‍යතාවය රැකගැනීමට මුස්ලිම් කාන්තාව අයිතිය ලබා ඇත්තේ.

තම පංතියෙහි මුස්ලිම් ශිෂ්‍යාවන්ව කිතු දහමට හැරවීමේ එකම වෛරයෙන් පුරා අවුරුදු දෙකක් ඉස්ලාම් දහම අධ්‍යයනය කළෙමි. නමුත් මෙම කාලය තුළ මා බොහෝ වෙනස් කම් වලට ලක්වුනෙමි. මාගේ කි්‍රයා කලාපයන්හි ඇතිවන වෙනස පිළිබඳ මාගේ ස්වාමි පුරුෂයාද අවදානය යොමු කිරීමට අමතක නොකළේය. මත් පැන් පානය කිරීම සඳහා සුරා සැල්, රාත්‍රි සමාජ ශාලාවල් කරා යෑම මා නතර කළෙමි. ඒ වෙනුවට නිවසෙහි සිට අල්කුර්ආනය කියවීමෙන් මා ආත්ම තෘප්තියක් ලබාගත්තෙමි. මාගේ කි්‍රයා කලාපයන් පිළිබඳ මාගේ ස්වාමි පුරුෂයා තුළ සැක සංකා පහළවීම නිසා මා දික්කසාද කළේය. මාගේ දරුවන් තිදෙනා සමග මා තනිව ජීවත්වෙන්නට පටන් ගත්තෙමි. එක් මුස්ලිම් විද්වතෙකු වෙත ගොස් මාගේ සැකයන් අසා නිරාකරනය ගත්තෙමි. පසුව 1977 හි ඉස්ලාම් දහම වැළඳ ගත්තෙමි.

නමුත, සමහර නීති රීතින් පිළිබඳ මා තුළ දෙගිඩියාවක් පැවතුනි. හිජාබ් නම් ගෞරවනීය ඇඳුම අඳින ලෙස ඉස්ලාම් මුස්ලිම් කාන්තාවන්ට නියෝග කරයි. කාන්තාවන් තම හිස ආවරණය කිරීමෙන් ඔවුන් සියල්ලන් ඉදිරියේ කැපී පෙනීමයි හිජාබ්හි සුවිශේෂත්වය වන්නේ.

කාන්තාව තම කය ආවර්ණය කළ යුතුයි යනු මා පිළිගත්තෙමි. නමුත් මාගේ හිසත් ආවර්ණය කළ යුතුද? යන දෙගිඩියාවක් මා තුළ තිබිනි. නමුත්, ශ.ද්ධවූ අල්කුර්ආනය මගින්, අප මුස්ලිම්වරුන් වශයෙන් සංකේතවත් කරගැනීම සඳහා කය ආවර්ණය කරන ලෙස නියෝග කෙරෙයි. මා මුස්ලිමෙක්මි – අපේ හිමියන් අපට ලබා දී ඇති අයිතීන් අපි හොඳින් දනිමු. හිජාබ් යනු බාධාවක් නොවෙයි, එය අයිතියක්, වරප්‍රසාදයක් යනු මා අවබෝධ කරගත්තෙමි. එය පැළඳ ගැනීම සඳහා කොයි වගේ කැප කිරීමක් කිරීමටත්, මාගේ දිවිය පුදන්නටත් මා සූදානම් විය යුතුයි යන හැඟීම මා තුළ ඇතිවීමත් සමගම මා එය පළඳින්නට පටන් ගත්තෙමි.

කාන්තා නිදහස වෙනුවෙන් හඩ නැගීමද මා අත්හැරියෙමි. එය මට අධ්‍යාත්මකව සැනසීමක් නොදුන්නේය. මුස්ලිම් කාන්තාවක් වශයෙන් ඉස්ලාම් මට සියළු අයිතීන් ලබා දී ඇති බව මා දැනගත්තෙමි.

ඉස්ලාම් කාන්තාවන්ට වෘත්තීන්, රැකියාවන්හි නිරතවීම තහනම් කර නැත. නමුත් ඉතා උතුම් වෘත්තිය කාන්තාවක් මවක් වශයෙන් සිටීමයි. එම උතුම් මෙහෙවර තුළිනුයි මතු පරම්පරාවෙහි නැවුම් චින්තනයන් බිහි කළ හැක්කේ.

ඉස්ලාම් දහම වැළඳ ගැනීමෙන් පසු හිජාබ් ඇඳ මා රැකියාවට යෑම නිසා ගුවන් විදුලි ප්‍රවෘත්ති නිවේදිකා පදවිය මාගේන් උදුරා ගන්නා ලදි. තවද දික්කසාදයත් සමග අධිකරණ තීරණයක් මත මාගේන උදුරා ගන්නා ලද මාගේ දරුවන් තිදෙනා යළි මාත් සමග එක්වී ඉස්ලාම් දහම වැළඳ ගත්තෝය. මාගේ දෙමාපියන් හා පෙර ස්වාමි පුරුෂයාද ඉස්ලාම් දහම වැළඳ ගත්හ. මාගේ පවුලේ ඥාතීන්ද මෙම සත්‍ය කරා නැඹුරුවෙමින් සිටිති.

මා කිසිවක් දැක බියනොවෙමි. මා කුමන ස්ථානයක වූවත් එඩිතරව සත්‍ය පවසමි. මාගේ වචනයන්, කි්‍රයා කලාපයන් සියල්ලට අල්ලාහ් ඉදිරියෙහි මා පිළිතුරු දිය යුතුයි යන බිය පමණයි මා තුළ රජකරන්නේ.

ඉස්ලාම් දහම සෙසු අය සමග ඛෙදා ගැනීමයි මා විඳින ලොකුම වින්දනය.

ආමිනා අස්ලමිගේ මෙම කථාව Knoxville – News – Sentinal, Tennesseeයන පුවත් පතෙහි පළවූවකි.

ආචාර්්‍ය : ජවාහිරුල්ලාහ්.අනුවර්තනය: අබූ අස්මා.


ඉස්ලාම්හි මානව හිතසුව පිණිස වූ මූලික අයිතිවාසිකම්

ඉස්ලාම්හි මානව හිතසුව පිණිස වූ මූලික අයිතිවාසිකම් රැසක් දැක්වේ. සෑම මොහොතකදීම ඊට ගරු කල යුතුය, ඒවා පිළිපැදිය යුතුය. යථොක්ත අයිතිවාසිකම් අත්කර ගැනීම උදෙසා, නීත්‍යානුකුල රැකවරණය පමණක් නොව, ඵලදායි සදාචාරාත්මක සැලැස්මක්ද ඉස්ලාම්, ඉදිරිපත් කරයි.

මෙසේ පෞද්ගලික හා පොදු යහපත පිණිස සිදුකරන්නාවූ සියල්ලක්ම සදාචාරත්මක වශයෙන් යහපත් වේ. අල්ලාහ් කෙරේ දක්වන ජනාදරයට අතිශය වැදගත්කමක් හිමිකරන ඉස්ලාම්, ගතානුගතිකත්වයට වහල්ව සිටීමේ කි්‍රයාවට එරෙහිව අනතුරු අඟවයි. ශ.ද්ධවූ අල්කුර්ආනයේ මෙසේ සඳහන් වේ:

—පෙරදිගට හෝ බටහිරට මුහුණ හැරවීම ශීලයක් නොවේ. ශීලය වන්නේ අල්ලාහ්, මතු දිනය, හා දේව දූතවරුන්, ශාස්තෘවරුන් කෙරේ විශ්වාසය පිහිටුවීම. අල්ලාහ් කෙරේ ස්නේහයෙන් ලේ ඥාතීන්, අනාථයන්, දිළින්දන්, මගින් හා යාචකයන් වෙනුවෙන් ස්වකීය වස්තුවෙන් විය පැහැදම් කිරීම, වහලූන් නිදහස් කරවීම, අදාළ වතාවත් පිරීම, සකාත් (ශ.ද්ධකාරක බද්ධ) ගෙවීම, පොරොන්දු ඉටුකිරීම හා දුක් පීඩා ෙඛදයන්හි දී ඉවසා සිටීම යනාදියයි. මෙවැන්නෝ සැදැහැවත්හු වෙති, මෙවැන්නෝ අල්ලාහ්ට බියැත්තෝ වෙති.˜ (ශ. අල්කුර්ආනය 2¦ 177)

මෙකී පාඨයන්ගෙන්, සිල්වත් හා අල්ලාහ් කෙරේ බියැත්තන් පිළිබඳව විසිතුරු විග්‍රහයක් කෙරේ. මිනිසා විනයාචාර ධර්ම පිළිපැදිය යුතු අතරම අල්ලාහ්ට හා හුදී ජනතාවට සෙනෙහවත් වීමෙහි ලා නිරතුරු සැළකිලිමත් විය යුතුය. මෙහිලා අවශ්‍යතා සතරක් ඉදිරිපත් කෙරේ.

(1) අපේ විශ්වාසය- භක්තිය- අව්‍යාජ විය යුතුය, අවංක විය යුතුය.

(2) සහෝදර ජනතාව වෙනුවෙන් කි්‍රයාත්මක වශයෙන් Þන පරිත්‍යාග කළ යුතුය.

(3) සමාජ සංවිධාන යනාදියට ඇප උපකාර කරමින් හොඳ පුරවැසියන් විය යුතුය.

(4) සෑම විටෙකම, සෑම මොහොතකම චිත්ත ස්ථාවරත්වය පවත්වා ගත යුතුය.

කිසියම් හැසිරීමක්- කල් කි්‍රයාවක්- යහපත් හෝ අයහපත් යැයි තීරණය කෙරෙන්නේ ඉහත සඳහන් කරුණු පදනම් කරගනිමිනි. සෑම සදාචාරාත්මක පැවැත්මක්ම මෙකී විනිශ්චය ක්‍රමය වටා, භ්‍රමණය වේ. මිනිසෙකු කෙරෙහි සදාචාරත්මක අණපනත් පැනවීමට පෙරාතුව, ඔහුගේ සෑම කටයුත්තක්, කි්‍රයාවක් මෙන්ම සෑම තැනකදීම, සෑම මොහොතකදීම අල්ලාහ් ඔහු දෙස දෘෂ්ටිය හෙලමින් සිටින බව, මුළු ලෝකයෙන්ම සැඟවුණත් අල්ලාහ්ගෙන් මුවා විය නොහැකි බව, අන් සියල්ලන්ම මුළා කළත් අල්ලාහ් මුළා කළ නොහැකි බව කවරෙකුගේ ග්‍රහණයෙන් මිදුනත් අල්ලාහ්ගේ ග්‍රහණයෙන් මිදිය නොහැකි බව යනාදිය මිනිසාගේ සිතෙහි තහවුරු කිරීම සඳහා ඉස්ලාම් වෙරදරයි. මෙසේ, අල්ලාහ්ගේ ප්‍රසාදයට ඉහවල් වූ දේ මිනිස් ජීවිතයක පරමාර්ථය විය යුතු බව නිර්ණය කොට, ඉස්ලාම් මගින් සදාචාරත්මක වශයෙන්වූ උසස් තත්ත්වයද සලසා දෙනු ලැබේ. මානව සදාචාරත්මක සංවර්ධනයෙහි අසීමිත අගයක් ඇතිකිරීමෙහිලා මෙය ඉවහල් වේ. දිව්‍යමය හෙළිකිරීම් – වහී -යනු ඥානයේ මුල සාරය වශයෙන් සලකා, මේ සදාචාරාත්මක තත්ත්වයනට අනම්‍ය බව හා ස්ථාරවත්වය ලබා දෙනු ලැබේ.

සාධාරණ හේතු සහගත ලෙස චර්යාවේ හැඩගැස්වීම අභ්‍යාස කිරීම හා වෙනස් කිරීම් කරගත හැකිය. එහෙත් හිතාමතා සිදුකරන වරදක් වශයෙන්, බැරැරුම් වෙනසක් සිදුකිරීමක් හෝ සදාචාරය ලිහිල් කරවීමක් හෝ පවත්නා අඛණ්ඩභාවය කඩකරන්නක් වශයෙන් එබඳු වෙනසක් කළ නොහැකිය. අල්ලාහ් කෙරේ ඇල්ම හා බිය හේතුවෙන් වූ සදාචාරයන්ට මෙ මගින් අනුමැතිය ලැබේ. මේ නිසා බාහිර බල පෑමකින් තොරව මිනිසා සදාචාරය ඔස්සේ යවනු ලැබේ. අල්ලාහ් සහ මතු දිනය පිළිබඳ ඇදහිලි සහිතව ඉතා ඕනෑකමින් හා උනන්දුවෙන්ද අවංකව එමෙන්ම හෘදයාංග ලෙස සදාචාරත්මක පැවතුම් සකසා ගනු පිණිස, මිනිසාට හැකියාවක් ඇති වේ.

මේ සදාචාර නීතිරීතින්හි අව්‍යාජ ස්වභාවයක් නැත, අමුතු ආටෝපද නැත, සාමාන්‍ය සදාචාර පැතුම් වලින් ඈත් කිරීමක්ද නැත, හේතු විරහිත ලෙස හෝ අතිශයෝක්තියෙන් කිසියම් අංශයක් අමතක කොට හැර දමා නැත. ව්‍යවහාරයේ ඇති සියලූම සදාචාර විනයන් ගැන සලකා ඇත. ඒ ඒ තැන්හි එකිනෙක උචිත ලෙස පිහිටුවා, ජීවන සැලැස්මක් තුළ සමස්ථයක් වශයෙන් සපුරා කි්‍රයාත්මක වන අන්දමින් වග බලාගෙන ඇත. මෙ මගින් මිනිසාගේ පෞද්ගලික හා සාමුහික ජීවන අරමුණු පුළුල්කරවනු ලැබේ. මිනිසාගේ ගෘහස්ථ හැසිරීම්, පෘථග්ජන පැවතුම් මෙන්ම, දේශපාලනික, ආර්ථීක, අධිකරණ අධ්‍යාපනික හා සාමාජික ෙක‍ෂත්‍රයන් හි කි්‍රයා කටයුතු වලදි පිළිපැදිය යුතු සදාචාර විනය ධර්මයන් විග්‍රහ කෙරේ. ඉස්ලාමිය සදාචාරයෙන්, මිනිස් ජීවිතය නිවසින් සමාජය දක්වාත්, කෑම මේසයේ සිට යුද පිටිය හා සාම සම්මේලන දක්වාත්, කොටින්ම තොටිල්ලේ සිට සොහොන් බිම දක්වා සැකසිය යුතු ආකාරය ඉගැන්වේ. ඉස්ලාමිය සදාචාරය තුළින් කිසිදු අංශයක් ගිලිහි නැත. කිසිදු ෙක‍ෂ්ත්‍රයක් මගහැරි නැත. එය අවබෝධයටද පහසුය. එමගින් ජීවිත කාර්යාවලිය උතුම් පරමාර්ථ සහිතව ඉටුකරවනු ලැබේ. මෙහිලා ආත්මාර්ථකාමි හෝ පහත් ලාභාපේක‍ෂාවෙන් ගෙවන ජීවිතයකට ඉඩ නැත.

ඉස්ලාමීය විනයෙන් යහපත් පැවතුම් සහිත, අයහපත් පැවතුම් වලින් මිදුණාවු සාර්ථක ජීවිතයක් සඳහා පෙළඹවීම සිදුකෙරේ. සිල්වත් ශික‍ෂාකාමි සඳහා පමණක් නොව, එකි යහ ගුණ ප්‍රගුණ කිරීමටත් කෙළෙස් දමනය කොට ශුභ ගුණ දහම් පුහුණු කිරීමටත් අශුභ ගුණදහම් තුරන් කිරීමටත් පොළඹවනු ලැබේ. හෘදය ශාක‍ෂියට එකඟ වූ දිවිපෙවෙතක් සකසා ගැනීමත්, කවර අවස්ථාවක් යටතේ වූවද වරදට යොමුවීමෙන් වැළකී සිටීමටත් ඉස්ලාමීය සදාචාරයේ අරමුණු වේ. මේ ඇරයුමට ප්‍රතිචාරයක් දක්වන්නෝ,

ඒකීය සමාජයක් වශයෙන් එක්රැස් කරනු ලැබ —මුස්ලිම්˜ යන නමින් හඳුන්වනු ලැඛෙති. මේ සමාජයේ සාමුහික වශයෙන් එක්සත් වෙමින් යහපත ස්ථාපනය කිරීමට හා අයහපත මුලිනුපුටා දැමීමට වෙර දැරිය යුතුය. මුස්ලිමෙකු ගේ ජීවිතයේ විවිධ අංශයන් හිදී බලපාන අයුරින් උගන්වන ලද සÞචාර මූලධර්මයන් කීපයක් මෙහිලා සඳහන් කෙරේ.

අල්ලාහ් පිළිබඳ මතකය :

මේ වු කලී, මුස්ලිමෙකු තුළ පිහිටිය යුතු උසස්තම ලක‍ෂණය වශයෙන් කුර්ආන්හි සඳහන් වේ. —ඔබ අතුරින් අතිශය සම්මානනීය අය වූ කලී, අල්ලාහ් අබියස, අල්ලාහ් පිළිබඳ මනා සිහියක් සහිත පුද්ගලයාය.˜ (ශ. අල්කුර්ආනය 49¦ 13)

අවනත භාවය, සන්සුන් තැන්පත් භාවය, ආත්ම දමනය, සත්‍යවාදී භාවය, අවංක භාවය, විනීත භාවය, ඉවසිලිවන්ත භාවය, ස්ථාවරත්වය හා පොරොන්දු ඉටුකිරීම් යනාදිය අල්කුර්ආනයෙන් පුන පුනා ඉගැන්වෙන සදාචාර විනයන්ය, අල්කුර්ආන්හි මෙසේ සඳහන් වේ.

—තවද අවංක හා ස්ථාවර වූවන්ට අල්ලාහ් ඇලූම් කරයි.˜ (ශ. අල්කුර්ආනය 3¦ 146)


—යහපත සිදුකරන්නන්ට අල්ලාහ් යහපත සලසන බැවින් ඔබේ රක‍ෂකයාගෙන් කමා භාජනය පිණිසත් ඔහු පිළිබඳ මතකයෙන් යුතුව ඇති කල්හි හා නැති කල්හි දන්පින් කරන්නා වූත්, කෝපය දමනය කරගන්නා වූත්, සහෝදර දනන් (ගේ වරදට) සමාව දෙන්නා වූත් පින්වතුන් සඳහා, වෙන් කොට ඇති ස්වර්ග සම්පත්තිය පිණිසත් ඔබ තරඟකාරිව ඉදිරිපත් වන්න.˜ (ශ. අල්කුර්ආනය 3¦ 133- 134)


—නිසි කල සලාත්හි යෙදෙන්න, යුක්තිය ඉටුකරන්න, වරදින් මිදෙන්න, කුමක් සිදුවෙතත් ඉවසිලිවන්ත වන්න, එය වෙනස් නොවන සුළු ධර්මතාවයකි˜ අනුන් අභියස අහංකාර නොවන්න. මහ පොළොව මත අවිනීත ලෙස ගමන් නොකරන්න. අල්ලාහ්, උඩගු හා පුරසාරම් දොඩන්නන් නොරුස්සයි. ඔබ ගේ (පා) පියවර අතර සාමාන්‍ය ප්‍රමාණයේ පරතරයක් තබා ගන්න. කට හ~ පහත කරගන්න. උස් හඬ්න් කරන කතාව, ඇත්තෙන්ම බූරුවාගේ ඛෙරිහන් බඳු වේ.˜ (ශ, අල්කුර්ආනය 31¦ 18- 19)

මුස්ලිමෙකු ගේ විනයගරුක හැසිරීම් ලූහුඬ්න් දක්වන විලාශයෙන් ශාස්තෘවරයානන් මෙසේ ප්‍රකාශ කළහ.

—මගේ ආරක‍ෂකයා මට අණපනත් නවයක් පවරා ඇත. එනම් හුදෙකලාව හෝ සාමුහිකව සිටියත් නිරන්තරයෙන්ම අල්ලාහ් පිළිබඳ සිහිය, කෝපාවිෂ්ඨව හෝ සතුටු සන්සුන්ව සිටියත් යුක්තිය තෙපලීම, දුප්පත් හෝ ධනවත්ව සිටියදීත් තැන්පත්වීම, මගෙන් ඉවත් වූවත් යළි ළංකරගැනීම, මා පිටුදකින උදවියටත් උදව් උපකාර කිරීම, නිසොල්මන්ව සිටියදී චින්තනයෙහි නිරතවීම, මා බලන බැල්ම අවවාදානුශාසනාවක් වීම, සහ නිවැරදි දේ අවධාරණය කරවීම යන නවයයි, ඒ.˜

සමාජියීය වගකීම්:


ඉස්ලාමීය ඉගැන්වීම අනුකුලව, සාමාජික වගකීම් වනාහි කරුණාව හා පරාර්ථය පිණිස විය යුතු වේ. විශේෂ අවස්ථාවන්හි දී කරුණාව පිළිබඳ වූ මෙකී පුළුල් ශීලය නොසලකා හරිනු ලබන බැවින්, විවිධ අවස්ථාවන් පිළිපැදිය යුතු කරුණාව පිළිබඳ විශේෂ කි්‍රයාවන්, වගකීම් හා සම්බන්ධතා පිළිබඳව විග්‍රහ කෙරේ. සම්බන්ධතා පිළිබඳව පුළුල්ව සැලකීමේ දී අපගේ මූලික වගකීම වනුයේ, දෙගුරුන්, සැමියා, අඹුදරුවන් හා ඉනික්බිතිව සෙසු ඥාතීන්, අසල්වැසියන්, මිතුරන් හා දන්නා හඳුනනවුන් අනාථයන් හා වැන්දඹුවන්, ස්වකීය සමාජයේ දිළින්දන්. සහෝදර මුස්ලිමුන්, සකල මිනිසුන් හා සත්වයින් ද කෙරෙහිය.

දෙගුරුන්:

මව් පිය දෙදෙනාට ගරුකිරීම හා උපස්ථාන කිරීම, ඉස්ලාම් හි අවධාරණයෙන් ඉගැන්වේ. මෙය ඉස්ලාමීය භක්තියට ඉවහල් වන, වැදගත් අංශයක් වේ.

—ඔබේ ආරක‍ෂකයා තමා හැර සෙස්සෙකු නොපුදන ලෙසත් දෙමව්පියන්ට කරුණා දයාව ලෙසත් ඔබට අණකරයි. ඔබේ ජීවිත කාලය තුළ ඔවුන්ගෙන් කෙනෙකු හෝ දෙදෙනාම මහළු වියට පත්වූවා නම්, ඔවුන්ගේ සිත් රිදවන කිසිදු වදනක් පැවසීම හෝ ඔවුන් කොන් කිරීම නොකරන්න. ඔවුන්ට ගරුසරුව කතා කරන්න. කාරුණික ලෙස කීකරු වන්න. පසුව පවසන්න.

—මගේ ආරක්ෂකයාණෙනි, මා කුඩා කල ඔවුන් මා කෙරේ දැක්වූ සෙනෙහස මෙන් ඔවුන් කෙරේ ඔබේ පරම දයාව දක්වන්න.˜ (ශ.අල්කුර්ආනය 17: 26).

සෙසු ඥාතීන් :

—දිළින්දන් මගින් මෙන්ම බන්දුන්ට ද හිමිවිය යුතු උරුමකම් ප්‍රදානය කරන්න. තවද නාස්ති කාරයෙකු මෙන් ඔබේ වස්තුව විනාශ නොකරන්න.˜ (ශ. අල්කුර්ආනයථ 17: 26).

අසල්වැසියන්:

නබි (සල්) තුමාණෝ මෙසේ වදාළහ: —අසල්වැසියා, සාගින්නෙන් පීඩා විඳින කල, කුසපුරා ආහාර ගන්නා, මුස්ලිමෙක් නොවේ. තවද ස්වකීය නොපනත් පැවතුම් නිසා අසල්වැසියා අනාරක‍ෂිත තත්ත්වයේ පසුවේ නම් ඔහු විශ්වාසවන්තයෙකු (ශ්‍රද්ධාවන්තයෙකු) නොවේ.˜

සැබවින්ම කුර්ආනයට හා සුන්නාහ්වට (ශාස්තෘවරයානන්ගේ ජීවිතයට) අනුකූලව, මුස්ලිමෙකු විසින් සදාචාරාත්මක වගකීම් ඉටුකළ යුතුවන්නේ, ස්වකීය දෙගුරුන් නෑ හිතවතුන් හා අසල්වැසියන්ට පමණක් නොවේ. සමස්ත මානව සංහතියම, සකල ප්‍රාණයෙකුම, ඵලදායි ගස්, පැලෑටි වස්තූන් කෙරේද ඉටුකළ යුතු වගකීම් ඇත. නිදසුනක් වශයෙන්, විනෝදය සඳහා සත්ව හා කුරුළු දඩයම් යනාදියට අවසරයක් නැත. එසේම උග්‍ර අවශ්‍යතාවයකින් තොරව ඵල දරන වෘක්ෂලතාවන් කපා හැරීමද තහනම් කොට ඇත. මෙසේ, මූලික සදාචාරාත්මක පැවැත්මේදී ඉස්ලාම් මගින් උසස් සදාචාරාත්මක විනයක් ගොඩනගා ඇත.

ඒවායේ ශ්‍රේෂඨත්වය, මිනිසාට පහසුවෙන්ම අවබෝධවනු ඇත. ඉස්ලාම් මගින්, මිනිසුන් කෙරෙන්, ආත්ම වර්ණනාව, දුෂ්ඨ පාලනය, අශික‍ෂිත හා අවිනීත භාවය යනාදිය කෙළෙස් දුරු කැරවේ. ඒ වෙනුවට, අල්ලාහ් කෙරේ බියැති, ශ්‍රද්ධාවත් ප්‍රතිපත්තිගරුක හා වරදෙහි නොබැෙඳන පුරුෂයන් ගොඩනගනු ලැබේ. සදාචාරාත්මක වශයෙන් වූ වගකීම් පිළිබඳ හැඟීම් පුබුදුවන්නා වූ අතරම ආත්ම සංයමයට ඉවහල්වන හැකියාවද වඩවයි. ඉස්ලාම් මගින් සෑම විටෙකම, කරුණාව, දයාව ත්‍යාගශීලි භාවය, අනුකම්පාව, සමාදානය, අනුන්ගේ සෙත් පැතීම, විනීත භාවය හා සියලූ සත්වයන් කෙරෙහි සත්‍යවාදි භාවය පිහිටුවා ගැන්මේ හැඟීම් පෝෂණය කෙරේ. එමගින්, යහපත සැලසෙන සෑම උතුම් කාර්යයක් සඳහාම අනුබලය ලැබේ.




ඉස්ලාම් හි මානව අයිතිවාසිකම්

සමස්ත මනුෂ්‍ය වර්ගයාගේ සහ විශ්වත් මණ්ඩලයේ අසහාය ස්වාමියාද, ඒ සියල්ලකම ආරක‍ෂක, පෝෂක හා ස්වාමියා අල්ලාහ් වන කල ඔහු විසින් මවන ලද සෑම මිනිසෙකුම සමානය. ඔහු සව්සතට මෙත් වඩයි. ඔහුගේ දයා මහිමයෙන් ජීවීන් හටගනී. පොදුවේ සෑම මිනිසෙකුටම පෞරුෂත්වය හා ගුරුත්වය පිරිනමා ඇත. ස්වකීය සාරයෙන් ප්‍රාණය පිඹ ඇත. එනම්, ඔහු අබියස, සෑම මිනිසකුම සමස්ථයකි. මිනිසුන්ගේ පෞද්ගලික ගුණාංග හැර සංස්කාරයන් වශයෙන් කව්රුත් එක සමානය. කුලය, ජාතිය, දේශය, වර්ණය වශයෙන් ඔවුනොවුන්ගේ ආයාශයෙන් පිහිටුවාගත් භේදයක් විනා, අල්ලාහ්ගේ මැවීම් සම්බන්ධයෙන් කිසිදු භේදයක් නැත. මේ අනූව සෑම මිනිසෙකුම එකිනෙකා, අනෙකාට අයත්වෙයි. සෑම මිනිසෙකුම ආතම ගරුත්වයෙන් හා හිතාදර ස්වාමියා වෙනුවෙන් හිතැඟි කැපවීමක් සහිතව එක ම සහෝදර සමාජයකට අයත් වෙති. මෙබඳු ප්‍රසන්න පරිසරයක් තුළ අල්ලාහ් ගේ ඒකීයත්වය පිළිබඳ පිළිවෙත බලගතු ලෙස කේන්ද්‍රගත වේ. මානව සංහතියද, මානව සහෝදරත්වයද ඒ හා සමාන බව අවධාරනය කෙරේ.

පෘථීවිය මත කවර තැනක වූවද ඉස්ලාමීය රජයක් ස්ථාපනය වී ඇතිවිට, එයට භෞමික වශයෙන් ප්‍රාන්ත සීමාවන් පිහිටුවා මානව නිදහස මර්දනය කිරීමට ඉස්ලාම් නොපෙළඹේ. ඉස්ලාම් මගින්, මානව සංහතිය උදෙසා ඇතැම් පොදූ මූලික අයිතිවාසිකම් කිහිපයක් ඉදිරිපත් කෙරේ. ඉස්ලාම් රජයක බල ප්‍රදේශය තුළ හෝ පිටත කවර තැනක වාසය කළත්, රජයක් සමග සාමයෙන් පසුවෙතත්, සංග්‍රාමයක පැටලී සිටියත්, සෑම අවස්ථාවකදීම එකී අයිතිවාසිකම් වලට ගරු කළ යුතුය. ඒවා පිළිපැදිය යුතුය. මෙය අල්කුර්ආනයේ ඉතා පැහැදිලිව විග්‍රහ කෙරේ.

විශ්වාසවන්තයිනි ඔබ අල්ලාහ්ට යුතුකම් ඉටු කරන්නෙකු වන්න, යුක්ති ගරුක ලෙස සාක‍ෂි කියන්න. සෙස්සන් කෙරේ ඔබට ඇති ගෞරවය නිසා යුක්තියෙන් ඉවත්වන්නෙකු නොවන්න. සාධාරණ වන්න. එය අල්ලාහ් කෙරේ බියැත්තෙකුගේ තත්ත්වය ට ඔබ සමීපවත් කරයි.˜ (අල්කුර්ආනය 5ථ 8-

මනුෂ්‍ය රුධිරය පවිත්‍ර වස්තුවක් ලෙස ආරක‍ෂා කෙරේ. එය අසාධාරණ අන්දමින් සෙලවිය නොහැකිය. මනුෂ්‍ය රුධිරයට පිරිනමා ඇති මේ උතුම් භාවය උල්ලංඝනය කරමින්, යමෙකු අන් කිසිවෙකු ඝාතනය කළේ නම්, එය මුළු මානව සංහතිය ම ඝාතනය කළා හා සමාන වේ. රුධිර වන්දිය පිණිස නොවී, යම් කිසිවෙකු පොලෝතලය මත මනුෂ්‍ය ඝාතනයෙන් දූෂණයෙහි යෙදේ නම් ඒ වූ කලී මුළු මානව සංහතියම ඝාතනය කිරීමක් බඳු වේ. කාන්තාවන්, දරුවන්, වැඩි මහළුන්, රෝගින් හා ආබාධියන්ට හිංසා උපද්‍රව සිදුකිරීම තහනම් වේ. සෑම අවස්ථාවක දීම කාන්තාවන් ගේ පතිවතයට ගරු කළ යුතුය. දිළින්දන්ට ආහාර පාන පිළිගැන්විය යුතුය. ඇඳිවත් නැත්තවුන්ට වස්ත්‍රාදිය පිදිය යුතුය. තුවාල ලදවුන්ට හා රෝගින්ට ඔවුන් ඉස්ලාමීය සමාජයට අයත් වූවත්, සතුරු පිළෙහි සිටියත් අවශ්‍ය වෛද්‍ය ප්‍රතිකාර ලබාදිය යුතුය.

ඉස්ලාම්හි මානව අයිතිවාසිකම් සම්බන්ධයෙන් කතිකා කිරීමේදී එහි සැබෑ අදහස වනුයේ එකී අයිතිවාසිකම්, අල්ලාහ් විසින් ප්‍රදානය කළාවු දේ බවයි. ඒවාට මුළු උරුමක්කාරයා අල්ලාහ් විතරයිය. ඒවා කිසියම් රජකු හෝ රාජ්‍ය සභාවකින් ප්‍රදානය කෙරුනේ නොවේ. රජුන් හෝ රාජ්‍ය සභාවිසින් පුදන ලද අයිතිවාසිකම් පෙරළා ඔවුන් විසින්ම අවලංගු කළ හැකිය. ආඥාදායක පාලකයන් විසින් හිමිකෙරෙන අයිතිවාසිකම් සම්බන්ධයෙන්ද තත්ත්වය එසේම වේ. ඔවුන්ගේ අභිමතය පරිදි අයිතිවාසිකම් පිදීමත්, පෙරළා අවලංගු කිරීමත් එමෙන් ම ඒ නීති රීතින් ප්‍රසිද්ධියේ තමන් විසින්ම කඩ කිරීමත් ඔවුන්ට සුළු දෙයකි. එහෙත්, ඉස්ලාම්හි දැක්වෙන මිනිස් අයිතිවාසිකම් අල්ලාහ් විසින්ම ප්‍රදානය කරන ලද්දක් බැවින්, ලොවැති කවර රාජ්‍ය සභාවකට හෝ රජයකට ඒවායේ වෙනස් කම් හෝ සංශෝධනයක් සිදු කිරීමට, කිසිදු උරුමයක් නැත. බලයක් නැත. මේ වූ කලී හුදෙක් නාම මාත්‍රයෙන් ප්‍රදර්ශනය කිරීමේ අරමුණින්, ලේඛන වලට පමණක් සීමා කළ මානව අයිතිවාසිකම් නොවේ. දාර්ශනික සිද්ධාන්ත මෙන්, ස්වභාවික ජීවිතයෙන් ඈත් කොට පනවන ලද මානව අයිතිවාසිකම් ද නොවේ.

අල්ලාහ් විසින් පනවන ලද මෙය, එක්සත් ජාතීන්ගේ මානව අයිතිවාසිකම් පිළිබඳ ප්‍රකාශනයට සමකළ නොහැකිය. හේතුව එක්සත් ජාතීන් විසින් සම්පාදිත ප්‍රඥප්තිය මිනිසුන් කෙරේ අදේශ කළ නොහැකි නමුත්, අල්ලාහ්ගේ නීතිය සෑම විශ්වාසවන්තයකුටම පොදු වෙයි. එය් ඉස්ලාමීය භක්තියේ අංගයකි. මුස්ලිම්වරු යයි හඳුන්වා ගන්නා වූ සෑම මුස්ලිම්වරයෙකුම, පාලකයෙකුම එය පිළිගත යුතු අතර, මැනවින් වටහා ගෙන කි්‍රයාත්මක කළ යුතුය. අල්ලාහ්ගේ සහතිකයක් සහිත, එකී අයිතිවාසිකම් කි්‍රයාත්මක කිරීම අතපසු කිරීම හෝ ඒවා ප්‍රතිෙක‍ෂ්ප කිරීමට පෙළැඹීම නො එසේ නම්, ඒවායේ සංශෝධන වෙනස්කම් සිදුකිරීමට තැත් කිරීම හෝ නාම මාත්‍රයෙන් පිළිගෙන, ප්‍රායෝගික වශයෙන් ඒවා කඩකිරීම වරදක් වේ. එබඳු වරදක් සිදුකරන රජයකට අත්වන ද~ුවම අල්කුර්ආනයේ පැහැදිලිව සඳහන් වේ.

—අල්ලාහ් විසින් පනවන ලද දෙයට අනුකූල ව යුක්ති විනිශ්චය නොකරන්නෝ විශ්වාසවන්තයින් නොවෙති.˜ (අල්කුර්ආනය 5ථ 44-

ඉස්ලාමීය රජයක් තුළ මානව අයිතිවාසිකම් :

1- දේපල සම්පත්වල ආරක‍ෂාව අවසාන හජ් මෙහෙය සමයේ දී ශාස්තෘවරයානන් මුහම්මද් (සල්) තුමා කළ දේශනයේ මෙසේ සඳහන් කළේය. —පරමාන්ත දිනයේ යළි මතුවී ස්වාමියා හමුවන තාක්, කෙනෙකුගේ ප්‍රාණය හා දේපළ සම්පත් අනෙකාට තහනම් වේ.˜ ඉස්ලාමීය රජයක් තුළ වෙසෙන මුස්ලිම් නොවන දිම්මිවරුන් ගැන ද මුහම්මද් (සල්) තුමා සඳහන් කරයි: —සම්මුතියට බැඳී සිටින වුන්, දිම්මිවරුන් ඝාතනය කරන්නාට ස්වර්ගයේ සුවඳ හෝ නොදැනෙන්නේය.˜

2- ගරුත්වයේ ආරක‍ෂාව: අල්කුර්ආනයේ මෙසේ සඳහන් වේ:

1- —විශ්වාසවන්තයිනි ඔබ අතුරින් පිරිසක්, සෙසු පිරිසකගේ උපහාසයට ලක් නොකරන්න.˜ 2- ඔබ එකිනෙකා අපහාස නොකරන්න.3- පටබැඳි නම්වලින් අනුන්ට නිග්‍රහ නොකරන්න.4- ඕපාදූපවල නොයෙදෙන්න. අනුන් නැති තැන ඔවුන්ගේ වැරදි කතා නොකරන්න. (ශ. අල්කුර්ආනය 49ථ 11- 12-

3- පෞදිගලික ජීවිතය පිළිබඳ ආරක‍ෂාව: අල්කුර්ආනයේ මේ අණපනත් පැනවේ.

1- අනුන්ගේ රහස් නොසොයන්න.

2- ගෙහිමියාගේ අනුමැතිය ඇතිබැව නිශ්චය වනතාක් ඔහුගේ ගෙතුළට නොපිවිසෙන්න.

4- පෞද්ගිලක නිදහසට ආරක‍ෂාව:

විවෘත උසාවියක නඩු විභාගයකින් තොරව කිසිදු පුද්ගලයෙකු සිරගත කිරීම ඉස්ලාමයෙන් තහනම් වේ. කෙනෙකු සැකපිට අත්අඩංගුවට ගෙන, ඔහුගේ නිදහසට හා ආරක‍ෂාවට කරුණු ඉදිරිපත් කිරීමේ සැලකිය යුතු අවස්ථාවක් ලබා නොදී, බන්ධනාගාර ගත කිරීම ඉස්ලාමයෙන් සපුරා තහනම් වේ.

5- ආඥාදායකත්වයට එරෙහිවීමේ උරුමය:

ඉස්ලාමයෙන් හිමිකර දී ඇති මානව අයිතිවාසිකම් අතර රජයක ඒකාධිපති වාදයට එරෙහිව නැගී සිටීමේ අයිතිවාසිකම් ද අඩංගු වේ. මේ පිළිබඳව අල්කුර්ආනයේ මෙසේ සඳහන් වේ. —කෙනෙකුට තුවාල සිදුකිරීමක් වූ කලෙක විනා ප්‍රසිද්ධියේ වරදක් කතාකිරීමේ කි්‍රයාව අල්ලාහ් නොරුස්සයි.˜

පෙර සඳහන් කළාක් මෙන්, සෑම බලයක්ම ආධිපත්‍යයක් ම අල්ලාහ් සතු වේ. මිනිසා සතුවන්නේ, හුදෙක් නියෝජිතයෙකුට හිමිවන තරමේ සීමිත බලයකි. මෙබඳු වගකීමක්, බලයක් දරන්නා එය මහ ජනතාවගේ සේවය පිණිස යොදාගත යුතු අතර මහ ජනතාව හමුවේ ගරුසරු ව පෙනී සිටිය යුතුය. මෙය, හස්රත් අබූබක්කර් (රලි) තුමා විසින් ආදර්ශයෙන් සනාථ කරන ලදී. එතුමා කලීෆා වීමෙන් පසු කළ කුළුඳුල් දේශනයේ දී —මා නිවැරදි ව සිටිනතාක් කල් මට සහයෝගය දක්වන්න. මා වරදක් කරන කල එය නිදොස් කරවන්න. මා, අල්ලාහ් සහ ඔහුගේ ශාස්තෘවරයානන් වන මුහම්මද් (සල්) තුමාගේ අණපනත්, හා අවවාදානුශාසනා පිළිපදින තාක් කල් මට කීකරුවන්න. මා එයින් බැහැර වනකල මගෙන් ඉවත්වන්න.˜

6- කථා කිරීමේ නිදහස:

වැරැදි හා ප්‍රචණ්ඩ කි්‍රයා පැතිරවීමට නොව, සිල්වත් බව හා සත්‍යය ස්ථාපනය කිරීමේ අරමුණින්, ඉස්ලාමීය රජයක සෑම පුරවැසියෙකුටම සිතීමේ හා කථා කිරීමේ නිදහස ඉස්ලාමයෙන් ප්‍රදානය කෙරේ. ඉස්ලාමීය කතා කිරීමේ නිදහස වූ කලී, වත්මන්හි බටහිර රටවල පවත්නා එකී නිදහස් පිළිවෙතට වඩා අතිශයින් උසස්ය. කිසිදු හේතුවක් මත, වැරැදි හා ප්‍රචණ්ඩකම් ව්‍යාප්ත කිරීමේ කි්‍රයාවලට ඉස්ලාමයෙන් අනුමැතිය නොලැබේ. විවේචනය කිරීමේ මුවාවෙන්, නොමනා හා අසංවර ලෙස කතා කිරීමට කිසිවෙකුට අයිතිවාසකිමක් නැත. යම් යම් අවස්ථාවල, නිශ්චිත කරුණු සඳහා දිව්‍යමය හෙළි කිරීම් පහළ වූවාදැයි මුහම්මද් (සල්) තුමන්ගෙන් විමසීම මිත්‍රවරුන්ගේ සිරිත විය. එබඳු දිව්‍යමය හෙළි කිරීමක් නොවිණැයි එතුමා පළ කළා නම් එකී කරුණු සම්බන්ධයෙන් මුස්ලිමුන් තම නිදහස් අදහස් ප්‍රකාශ කිරීමද සිරිත විය.

7- සමිති සමාගම් සඳහා නිදහස:

සමිති, සමාගම් හෝ පක‍ෂ සංවිධාන යනාදිය ස්ථාපනය කරගැන්ම පිණිස ඉස්ලාමීය, ස්වකිය ජනතාවට නිදහස ප්‍රදානය කරයි. මේ නිදහස ද යම් යම් පොදු නීතීන්ට යටත් වේ.

8- සිතීමේ හා ඇදහීමේ නිදහස:

ඉස්ලාම්හි මෙසේ ප්‍රකාශ වේ. ශ්‍රද්ධාව පිළිබඳ ව බලපෑමක් නොතිබිය යුතුය. මෙයට පටහැනි ලෙස, ඒක පාක‍ෂික සමාජයන්හි මෙකී පුද්ගල නිදහස ඉඳුරා අහිමි කර ඇති රජයක මෙකී අයුතු බලපෑම් මගින් මිනිසා එක්තරා වහල් බැම්මකට නතු කොට ඇත. එක්තරා අවධියක, මිනිසුන් වහල් භාවයේ තබා ගැන්මේ කි්‍රයාව, මිනිසා මත මිනිසා ඉඳුරා ආධිපත්‍ය පවත්වා ගැන්මක් වශයෙන් සලකනු ලැබුණි. එබඳු වහල් වෘත්තිය, දැන් නීතියෙන් තහනම් කර ඇත. නමුත්, ඒ වෙනුවට ඒක පාක‍ෂික රාජ්‍යයන්හි ඒ හා සමාන රාජ්‍ය තාන්ති්‍රක නීති මගින් මිනිසුන් පාලනය කෙරේ.

9- ආගමික නිදහස හා ආරක‍ෂාව:

සිතීමේ හා ඇදහිලි පිළිබඳ නිදහස අනූව කෙනෙකුගේ ආගමික දෘෂ්ඨියට අදාළ ගරුත්වය ඉස්ලාම් මගින් ප්‍රත්‍යක‍ෂ කෙරේ. මෙකී අයිතිවාසිකමට පටහැණිව කිසිවක් කිරීම හෝ ප්‍රකාශ කිරීමක් කළ නොහැකිය.10- වැරදි සිර ද~ුවමින් ආරක‍ෂාව:

සෙස්සෙකු කළ වරදක් අපරාධයක් සඳහා අනෙකෙකු සිරගත කිරීමේ කි්‍රයාවෙන් ඉස්ලාම් ආරක‍ෂාව සලසා දෙයි. මේ පිළිවෙත, අල්කුර්ආනයේ මෙසේ විග්‍රහ කෙරේ. —කෙනෙකුගේ බරක් තවත් කෙනෙකු මත නොපැටවිය යුතුය.˜

11- මූලික අවශ්‍යතා සඳහා වූ අයිතිවාසිකම:

දිළින්දන්ට උදව් උපකාර කරමින් සහයෝගය දැක්විය යුතුය. මෙය දිළින්දන්, සඳහා වූ අයිතිවාසිකමකි. —තවද ඔවුන්ගේ වස්තුවෙන් නැති බැරි දනන්ට උරුමයක් ඇත.˜

12- අධිකරණය හමුවේ සමානාත්මතාවය:

ඉස්ලාම්, ස්වකීය බැතිමතුන්ට නීතිය හමුවේ සම්පූර්ණ සමානාත්මතාවය පිරිනමයි.

13- නීතියට පිටුපා නොයන පාලකයන්:

එක්තරා ප්‍රභූ කාන්තාවක් සොරකමක් කළ නිසා අත් අඩංගුවට ගනු ලැබුවේය. මේ නඩුව මුහම්මද් (සල්) තුමා හමුවට ගෙනෙන ලදි. ඇයට ද~ුවම් නොකළ යුතු යැයි සෙස්සෝ එතුමා ට නිර්දේශ කළහ. මුහම්මද් (සල්) තුමාගේ පිළිතුර වූයේ මෙයයි. —ඔබට කලින් විසු ජාතීන් විනාශයට පත්වූයේ, ඔවුන් සාමාන්‍ය පුරවැසියන්ට ද~ුවම් කළ අතර, තමන්ගේ උසස් ඥාතීන් කළ අපරාධයන්ට ද~ුවම් නොකළ හෙයිනි. මා ජීවත් කරවන ඔහුගේ නාමයෙන්, මුහම්මද්ගේ (තම) දියණිය ෆාතිමා මේ වරද කළත් මම ඇයගේ අත කපන්නෙමි.˜

14- රාජ්‍ය කටයුතු වල නිරතවීමේ අයිතිවාසිකම්:

—තවද, ඔවුන්ගේ කාර්්‍ය පරිපාටින් ඔවුනතර කෙරෙන සාකච්ඡාවන් මගින් සිදුවේ.˜ (ශ. අල්කුර්ආනය 42ථ38- —ෂුරා˜ හෙවත් ව්‍යවස්ථාදායක සභාව යන්නෙහි අරුත එයයි. අනෙකක් නොවේ. රජයේ විධායක නායකයා හා සෙසු සාමාජිකයෝ, මහ ජනතාවගේ නිදහස් ඡන්දයෙන් තේරි පත්විය යුත්තාහ.

අවසාන වශයෙන්, ඉහත සඳහන් කළ හා නොකළ මානව අයිතිවාසිකම් අත්කරගැන්මෙහි ලා ඉස්ලාම් කි්‍රයාකරන්නේ ඒවා ආරක‍ෂා කිරීමෙන් පමණක් නොව, ප්‍රධාන වශයෙන්ම පවුල් මහන්තත්වය (රදළවාදය), භාෂාමය අහංකාරකම්, හා ආර්ථීක වරප්‍රසාද, බඳු පහත් තිරිසන් ආකල්ප වලින් මිදීමට ද මිනිසාට ඇරයුම් කරමිනි. ඉස්ලාම් මානව වර්ගයාට ආරාධනය කරන්නේ, උදාර මනසක් සහිතව, මහගු පැවැත්මක් හා එමගින් සහෝදරත්වයේ ශ්‍රේෂ්ඨත්වය අවබෝධ කරගැන්මෙහි ලා ඉවහල් වන්නාවූ ජීවිතයක් පවත්වා ගැනීමටයි.

දික්කසාදය හා ඉස්ලාම් නීතිය

ආගමානුකූලව ස්වභාවික නීතිරීතිවලට පටහැනි වුවද මිනිසා විසින් නිර්මාණය කරනු ලැබූ දික්කසාදය වනාහී ජීවිත කාලය පුරාවටම සහයෝගයෙන් සහ එකමුතුවෙන් ජීවත්වීමට සැමියා සහ බිරිය ඇතිකරගත් ආදරණීය ගිවිසුම උල්ලංඝනය කිරීමකි. ස්වභාවික පැවැත්මෙන් හා එහි අවශ්‍යතාවලින් සමාජය ඈත් කරනු ලබන්නේ පවුල් කඩා බිඳ වැටෙන දික්කසාදය නමැති සංකල්පය තුළිනි.

පවුලක් කඩාකප්පල්වීම නිසා, එහි උණුසුම හා සෙනෙහස විඳිමින් ජීවත් වූ සැමියා සහ බිරිය පමණක් නොව දූ දරුවන් ද පීඩාවට පත්වෙති. තම පවුල තුළින් පමණක්ම ලැබෙන එකී සෙනෙහස අහිමිවීමෙන් අධ්‍යාත්මික මානසික හා සදාචාරාත්මක පරිහානිවලට හා විෂමතාවන්ට මුහුණදීමට එම පවුලේ සියලු සාමාජිකයන්ට සිදුවෙති.

මේ හේතූන් නිසා භයානක උමතුවක් හෝ අපරාධයක් වැනි නොවැළැක්විය හැකි හේතු මත මිස දික්කසාදය ලබාගැනීමේ ඉඩකඩ කිසිවකුට විවෘත නොකළ යුතු බවට සමාජ, නීති සහ මනෝ විද්‍යාඥයෝ අදහස් පළ කරති.

යුග දිවියක් ගත කරමින් සිටින දෙපළක් අතර ඇතිවූ අයහපත් සම්බන්ධතාව නැවතත් සාමාන්‍ය තත්ත්වයට පත් කිරීමට කුමක් කළ යුතුද? ඊට එකම මග දික්කසාදයද?

දික්කසාදයට ඉඩ නැත යනුවෙන් ක්‍රිස්තියානි ආගම තුළ ද ඉතා පැහැදිලිව ප්‍රකාශ කර තිබේ. යළි සාමාන්‍ය තත්ත්වයට පත් කිරීමට නොහැකි තරමට පවුල් ජීවිතය බිඳ වැටෙන විට ඒ පිළිබඳව යථාර්ථවාදීව දකින ඉස්ලාමය විකල්ප මාර්ගයකට ඉඩකඩ සලසයි.

එමෙන්ම එම විකල්පය වැරදි ආකාරයට යොදවනු ලැබීම වළක්වනු පිණිස දැඩි නීතිරීති සම්ප්‍රදායක් ද හඳුන්වා දෙනු ලැබේ. සම්බන්ධතා බිඳ වැටීමෙන් පසුව නැවතත් බල කිරීමකින් ඔවුන් දෙපල විවාහ බන්ධනය තුළ රඳවා තැබීම විසඳුමක් නොවේ. ඉන් තත්ත්වය තවත් අහිතකර වනු ඇත.

නමුත් දෙවියන් වහන්සේ අනුමත කළ දේ අතරින් උන් වහන්සේ පි‍්‍රය නොකරන්නේ දික්කසාදය යි යන්න සෙසු ආගම්වල මෙන්ම ඉස්ලාමයේ ද දක්නට ලැබෙන වැදගත් පණිවිඩයකි.

එය අයහපත් විසඳුම් අතරින් එකක් තෝරා ගැනීමක් වැනිය. දික්කසාදය හැකි තරම් වළක්වාලමින් විවාහ බන්ධනය තහවුරු කරලීම සඳහා ඉස්ලාමය කටයුතු යොදා තිබේ.

දික්කසාදය සඳහා ඉදිරිපත් වීමට පිරිමින්ට ලැබෙන අවස්ථා සුලභය. එහෙත් ස්ත්‍රීන්ට ලැබෙන්නේ සීමිත අවස්ථාවක් පමණි. ඊට හේතු ද නැත්තේ නොවේ. දික්කසාදයේ දී පිරිමියා විසින් ගැහැණියට ලබාදුන් දෑවැද්ද අහිමි කර ගන්නේය. දරුවන් හදාවඩා ගැනීම සඳහා අවශ්‍ය මුල්‍ය හා ආර්ථික පහසුකම් ලබා දීමෙන් බැහැරවීමට ඔහුට නොහැකිය.

විවාහය සඳහා කාන්තාවන් සහ පිරිමින් උනන්දු කරවන ඉස්ලාමය ඉන් බැහැර වීමට ඇති දික්කසාදය නමැති මාර්ගය කටුක හා දුෂ්කර එකක් බවට පත්කර යුගදිවිය සතුටුදායක කරලීම සඳහාත්, ඔවුන් ජීවත්වන සමාජයේ යහපත සඳහාත් මග පෙන්වීම් ලබාදෙයි.

“පුරුෂයිනි ඔබලාගේ බිරියන් සමඟ කරුණාවෙන් හා යුක්ති සහගතව කටයුතු කරන්න. ඔබ ඔවුන්ගෙන් යමක් පි‍්‍රය නොකරන්නේ නම් ඔබට දෙවියන් වහන්සේ ආශීර්වාද කිරීමට එම කරුණම හේතුවීමට පුළුවන.”

(ශු. කුර්ආන් 4:19)

කරුණාව දයාව මෙන්ම සාධාරණය සහිත පවුලක් නඩත්තු කිරීම හා සිය බිරිය සමඟ දිවි ගෙවන ලෙස ඉස්ලාමය අණ කරන අතර, ඇතැම්විට අමනාපයක් සිදුවුවහොත් එය මුල්කරගෙන දික්කසාදයට නොඑළඹෙන ලෙස ඔහුට අවවාද කරයි.

“සැමියා වෙතින් අකාරුණික බවක් හෝ අලස කමක් දුටුවිට තමන් අතර සමථයක් ඇතිකර ගැනීම වඩා හොඳය. මන්ද සාමය වඩාත් හොඳය.

(අල්-කුර්ආන් 4: 18)

දික්කසාදයක් සඳහා ඉදිරිපත්වීමට පුරුෂයන්ට අවස්ථාවන් බහුලව තිබුන ද හිතුමතේට කටයුතු කිරීමට හෝ බිරියට හිරිහැර කිරීමට හෝ ඇය නිවසින් පිටමං කිරීමට හෝ කරදර වලට යොමු කිරීමට හෝ ඔහුට අයිතියක් නැත.

පවුල් ජීවිතයේ අත්විය හැකි ගැටලු හා අනවබෝධය තුරන් කර සාමකාමී හා ස්ථිර තත්ත්වයට නැවත ගොඩනැංවීම සඳහා සැමියාගෙත්, බිරියගේත් සමීපතම ඥාතීන් සහභාගී කර ගැනීම පිළිබඳව ද ඉස්ලාමය සඳහන් කර ඇත. මෙමගින් දෙපලගේම ආත්ම ගරුත්වය හා පුද්ගලිකත්වය ආරක්‍ෂා වන අතර දෙදෙනා දික්කසාදයෙන් මුදා ගැනීම සඳහා දැඩි අවශ්‍යතාවයක් සමීපතමයන්ට තිබෙන නිසා දික්කසාදයට යාමේ ඉඩකඩ බොහෝ සෙයින් අඩුවේ.

නමුත් අපහසුතා මධ්‍යයේ අපි‍්‍රයජනක වූ විවාහ ජීවිතයකට සදාකල් කොටු නොවී බිරියගේ අයිතීන් ආරක්‍ෂා කිරීමට ප්‍රායෝගික විසඳුම් ගණනාවක් ද ඉස්ලාම ඉදිරිපත් කරයි. ඒ අනුව පහත දැක්වෙන ඕනෑම කරුණක් ඇතුළත් කර ගැනීමට බිරියකට අයිතිය තිබේ.

අ. භාවමය නොගැළපුම

ආ. නඩත්තු නොසැපයීම

ඇ. අඩන්තේට්ටම්

ඈ. අනිසි ගමන් බිමන්

ඉ. සිය එකඟතාව නොලබා තව කෙනෙකු සමඟ විවාහ වීම.

මේ අන්දමට අවසන් කරනු ලබන විවාහ ගිවිසුමක දී ඉහත කරුණුවලින් එකක් හෝ උල්ලංඝනය කරනු ලබන විට නීතිමය ක්‍රියාමාර්ග ගැනීමට යම්කිසි බිරියකට අවකාශ තිබේ.

ඉස්ලාමය තුළ මෙන්ම විවාහය හා දික්කසාදය තුළ ද කාන්තාවගේ ඉතා සාධාරණ අයිතිවාසිකම් ආරක්‍ෂා කර තිබෙන්නේ මේ ආකාරයට ය.

ෆවුස් මොහොමඩ්

මිනිසෙකුට කොතරම් දුරට වැරද්දක් ලෙස හෝ පාපයක් ලෙස අවබෝධ කර දුන්නත්, ඔහු තම ආශාවන් නිසා ඇතිවන හැඟීම් පසුපස යාම අත් නොහරී

මිනිසා මෙම ජීවිතය ලෝකය තුල කරන හැම දෙයක්ම පාපයක් ඒ නිසා සියලූ සැප සම්පත්වලින් ඈත්වී දුෂ්කර ජීවිතයක් ගත කිරීමෙන් පමණක් විමුක්තිය ලබාගත හැකි බවට සමහර ආගම් මගින් ඉගැන්වෙයි. මිනිසා මේ ලෝකයේ ජීවත්වෙන කාලය තුල දුෂ්කරව තමන්ගේ කායික හා මානසික සියලූ අවශ්‍යතා හා අයිතිවාසිකම් භුක්ති විඳීමට නොදී ඔහු බැද තැබීමක් ඒ ආගම්වලින් සිදුකර ඇත.

යුරෝපය තම ආගමික බැදීමට හසුවී සිටියදී අන්ධකාරයේ ගිලී පැවැතින. එ බැදීම්වලින් මිදී නිදහසේ සිතන්න හා ලියන්න පටන්ගත් කල දියුණුවේ මාර්ග සොයාගෙන නිෂ්පාදනයේ හා නව සොයා ගැනීම් තුලින් ආලෝකමත් ජීවිතයකට මඟ පාදාගත්හ. විද්‍යාව හා තාක්ෂණය අතින් විශාල හාස්කම් කරන්නට වූහ.
මේවා ආගම්වලට විරුද්ධ මත දරන සමාජයක් ගොඩ නැගීමට බටහිර වැසියන් ඇති කළ සරලවූ චින්තන විප්ලවයකි.
—අප නැවතත් ආගම් වෙත ගමන් කළ යුතු බවද නුඹලා කියනුයේ, දියුණුවේ මුදුනටම පය තබා සිටින අප, ආගම්වලින් මුදවාගත් ජනයාගේ ශක්තිය නැවත ආගම නමැති කොටුවේ ගාල් කළ යුතු බවද නුඹලාගේ අදහස? හොඳ හා නරක, කළ යුතු හා නොකළ යුතු ලෙස අනේක කොන්දේසි පනවමින් තරුණ ජීවිත අඳුරු කරවීමට අපව පොළොඹවන්නහුද?˜
මෙය බටහිර වැසියන් ආගම්වාදීන්ගෙන් අසනු ලබන ප්‍රශ්නයි. ඔවුන්ගේ ආගම(වූ ක්‍රිස්තියානි ආගම) ගැන ඔවුන් කුමන මතය දැරුවත් එය අපට අදාල නොවේ. නමුත් එම චෝදනාව ඉස්ලාම් වෙතත් එල්ලකරන විට අකමැත්තෙන් හෝ ඔවුන්ට කරුණු පහදා දීම අනිවාර්යයෙන් කළයුතු ක්‍රියාවක් වී ඇත.

මිනිසාගේ හැකියාවන් (කුසලතා) සියල්ල ආගමෙන් බැඳ හිරකර තබා ඇතැ˜යි කරනු ලබන චෝදනාව ඉස්ලාමයට ගැලපෙයිද?
මේ ප්‍රශ්නයට අදාල පිළිතුරු විවාදයට ගැනීමට පෙර මිනිසාගේ ශක්තිය යටපත් කිරීම නැත්නම් මැඩලීම යන්නෙහි තේරුම කුමක්දැයි විමසා බලමු. එ මන්ද මිනිසාගේ ශක්තීන් යටපත් කිරීම නැත්නම් මැඩ පැවැත්වීම යන්න බොහෝ විට වැරදි අවබෝධයකින් යුතුව භාවිතා කරනු ලැබේ.
අප තුල ඇති ආශාවන් යම් ක්‍රියාවන් සඳහා අපව පෙළඹවීමක් කළ විටකදී එම ක්‍රියාවෙන් තාවකාලිකව ඈත්වීම (නොකර සිටීම) එම ආශාව සම්පූර්ණයෙන් වළලා දැමීමක් හෝ මර්ධන කිරීමක් නොවන්නේය. ඒ ක්‍රියාවේ යෙදීම වරදක්(පාපයක්) පිළිකුල් සහගත ක්‍රියාවක් යනුවෙන් වැරදි හැඟීමක් ඇති කරවීම එම ආශාවන් වළලා දැමීමක් හෝ මැඩලීමක් හැටියට ගණන්ගත හැක. මිනිසා තුල ස්වභාවිකව ආශාවන් හා අවශ්‍යතාවයන් තිඛෙන අතර, වැදගත් වන්නේ ඒවා සපුරාලීමට සාධාරණවූත් නිවැරදිවූත් මඟක් උපයෝගී කර ගැනීමයි.
මෙම ස්වාභාවික ආශාවන් සපුරාලීම (තෘප්තිය ලැබීම) වරදක් පාපයක් හෝ ආශාවන් පසුපස යාම පිළිකුල් කළ යුතු වැඩක් ලෙස, අවවාද අනුශාසනා කරන්නේ නම් එය ඒවා වළලා දැමීමක් හෝ මැඩලීමක් යන්න හඟවන්නකි.
මිනිසෙකුට කොතරම් දුරට වැරද්දක් ලෙස හෝ පාපයක් ලෙස අවබෝධ කර දුන්නත්, ඔහු තම ආශාවන් නිසා ඇතිවන හැඟීම් පසුපස යාම අත් නොහරී. තමා කරන්නේ වරදක්, පාපයක් හා පිළිකුල් සහගත වැඩක් බව දැන දැනත් ඒ ක්‍රියාවේ යෙදෙයි. එක්වරක් නොව දසවරක් කරමින් එම ක්‍රියාව පාපයක්, වරදක් හා පිළිකුල් සහගත එකක් බවද තරයේම ප්‍රකාශ කරයි. මේ නිසා සදාකාලිකව තමා වරදකරුවෙක් යන හැඟීමක් ඔහුගේ සිතේ වද දෙමින් පවතී. මේ නිසා ඔහු කුමන වැඩක්වත් සම්පූර්ණ අවධානයෙන් යුතුව නොකරන අතර ඔහු කරන හැම වැඩකදීම තමාව මුළුමනින් (තම ශක්තිය) යෙදවීමට නොහැකි (අසරණ) තත්ත්වයකට පත්වෙයි.
ඔහුගේ සිතේ ඇතිකරගත් වැරදි සිතුවිල්ල නිසා ඔහු නිතරම තමා පව්කාරයෙක් යන හැඟීමෙන්, හීනමානයෙන් යුතුව කල්ගෙවන නිසා ඔහුගේ හැකියාවන් සියල්ල ක්‍රමයෙන් හීනවී යන්නේය. ආගම්වලින් සිදුවන භයානක ප්‍රතිඵල ලෙස බටහිර වැසියන් විසින් ඉහත සඳහන් කරුණු පෙන්නුම් කරනු ලබයි.
මිනිසාගේ ආශාවන් මැඩ පවත්වා, වළලා දැමීමට ඉහත පෙන්වන ලද කරුණු මා විසින් සොයාගත් ඒවා නොවේ. බටහිර වැසියන් විසින් සුප්‍රසිද්ධ දර්ශනාවාදියෙකු ලෙස උපහාර දක්වමින් වේදිකා ගත කළ මා මිත්‍ර ෆ්‍රොයිඩ් මහතා විසින් කළ විග්‍රහයකි. Three contributions to the sexual there නමැති ග්‍රන්ථයේ 82 වෙනි පිටුවේ පහත සඳහන් පරිදි විස්තර කරයි.
මිනිසෙකු විසින් තම ආශාවන් තාවකාලිකව අත්හිටුවීමත්, එවායින් සම්පූර්ණයෙන් වැළකී සිටීමත් අතර විශාල වෙනසක් ඇත. ෆ්‍රොයිඩ්ගේ අදහස අනුව මිනිසාගේ ආශාවන් වළලා දැමීම යනු තාවකාලිකව ඒවායින් මිඳීම නොව ඒවා පිළිකුල් සහිත හා පාප ක්‍රියාවන් ලෙස හඳුන්වාදීම බවයි.
ඉස්ලාමය මිනිසාගේ ආශාවන් මැඩපවත්වා වළලා දමන ලෙස කියනවාද, මේ තුළින් මිනිසාගේ දියුණුවට බාධා කරන්නේද? යන්න විමසා බලමු.
—මිනිසාගේ ආශාවන් හා ඔහුගේ සවාභාවික හැඟීම් ප්‍රසිද්ධියේ පිළිගත් එකම ආගම ඉස්ලාම් ආගම පමණිි. අල්-කුර්ආනය මෙසේ පවසා සිටියි.
—කාන්තාවන්, පිරිමි දරුවන්, රන්රිදීවලින් යුත් වස්තුව, සළකුණු යෙදූ වටිනා අශ්වයින්, සිව්පාවන් (එළුවන්, හරකුන්, ඔටුවන් වැනි සතුන්) හා ගොවිබිම් යනාදිය පිළිබඳව මිනිසා තුල අධික ආශාවන් (ආකර්ශනයක්) ඇත. මේ සියල්ල තාවකාලිකවූ මෙලොව සැපසම්පත්ය. අල්ලාහ් ළඟ (මීට වඩා) ලස්සන (සම්පත් ඇති) නවාතැන් ඇත.˜ (අල්-කුර්ආන් 3ඃ14)
මිනිසා තම ආශාවන් හා අවශ්‍යතාවන් සපුරා ගැනීමේදී තමා විසින් තමා විනාශ නොකරගත යුතුය. එමෙන්ම ඔහු ජීවත්වන සමාජයද විනාශ නොකළ යුතුය. මේ කොන්දේසිවලට එකඟව තම ආශාවන් සපුරා ගැනීම (තෘප්තිමත්වීම) වදරක් නොවේ.
තම ආශාවන් සපුරා ගැනීමේ අරමුණින් දිවා රාත්‍රි දෙකේම මත්වී සිටීමෙන් ඔහු ඉතා ඉක්මනින් තම ශක්තීන් සියල්ල නැතිකර ගන්නේය. තම අසීමිත ආශාවන් පසුපසව දුවන්නා ප්‍රයෝජනවත් කිසිම වැඩක් කළ නොහැකි සාරය හිඳී ගිය සක්කයක් බවට පත්වන්නේය. (වියලුන ප~රැල්ලක් බවට පත් වෙයි) ඔහුගේ සිතුම් පැතුම් හා කි්‍රයාවන් සියල්ල ඒ ආශාවන් වටා කැරකෙමින් පවතී. මෙවැනි පුද්ගලයින්ගෙන් සමන්විතවූ (ගොඩ නැගුණු) සමාජයකින් කිසිම ප්‍රයොජනයක් බලාපොරොත්තු විය නොහැක.
මොවුන් තම හැකියාවන් හා ශක්තීන් නිකරුනේ නාස්තිකර ගනිති. තමන් සතු ශක්තීන් හා සම්පත් සියල්ලෙන් තම ලෞකික ආශාවන් පිරිමසා ගෙන විනෝදවීමට පමණක් සිතීම වැරදි සිතුවිල්ලකි. මිනිසාට තමා සතු ශක්තීන් හා හැකියාවන්ගෙන් කළ හැකි දෑ බොහොමය. දෙවියන් විසින් මිනිසා වෙත අසාමාන්‍ය ශක්තීන් හා හැකියාවන් ලබාදී ඇත්තේ ඒ සඳහාය. දෙවියන් විසින
ලබාදුන් මේ අසීමිත හැකියාවන් හා ශක්තීන් නිකරුනේ නාස්ති කර ගැනීම දෙවියන්ට කරන අගෞරවයක් වන්නේය.
අප ළඟ ඇති සියලූුම ශක්තීන් හැකියාවන් හා සම්පත් සල්ලාල ජීවිතයක් සදහාම යෙදවීමේදී සමාජයට අපෙන් ඉටුවිය යුතු උදාර සේවාවන් බොහෝමයක් අපෙන් මඟ හැරී යන්නේය. එය සමාජ පරිහානියට මඟ පෑදීමකි. පවුල් ජීවිතයේ භුක්ති විදිය හැකි සතුට අහිමිවී යයි. එවිට අපේ විරුද්ධවාදීන්ට (අපව ආක්‍රමණය කිරීමට) අවස්ථාව උදාවන්නේය.
මේ කරුණු මනඃකල්පිතව ගොණුකර පෙන්වූ ඒවා නොවේ. එයට මේ සමාජයේ ඕනෑතරම් සාක්ෂි තිඛෙන්නේය.

තම කාමාශාවන්ගේ තරම දකින්නට සිතාගෙන සල්ලාල ජීවිතයක් ගත කළ ප්‍රංශජාතිකයින් ජර්මනියේ ප්‍රහාරයෙන් මොහොතකින් විනාශයට පත්විය. මිනිසා තම ආශාවන්ට වහල්වී තමා විසින්ම තමාව විනාශ කර නොගැනීමටත් ඒ තුළින් සමාජයේ විනාශය සිදුවීම වළක්වා ගැනීමටත් ඉස්ලාමය වග බලාගනී.
නියත වශයෙන්ම කියතොත් ලෞකික ආශාවන්(සතුට) භුක්තිවිදීමට ඉස්ලාමය ප්‍රසිද්ධියේ ඇරයුම් කරයි.

ශ.ද්ධවූ අල්-කුර්ආනය —කියන්න, දෙවියන් තම ගැත්තන් සඳහා නිමවා ඇති අලංකාර පරිත්‍යාගයන් හා (වැදගත් ජීවිතයක් ගත කිරීම සඳහා ප්‍රදානය කර ඇති) පිරිසිදුවූත් පූජනීයවූත් දේවල්වලින් තහනම් කරන්නේ කවුද?˜ (අල්-කුර්ආන් 7:32) කියා ප්‍රශ්න කරයි.

ඒවගේම තවත් වාක්‍යක —මෙලොව නුඹේ කොටස ප්‍රතික්ෂේක නොකරනු˜ යනුවෙන්ද —ඔබ සඳහා ලබාදී ඇති හොඳදේ අනුභව කරන්න, පානය කරන්න නාස්ති නොකරන්න.˜ යැයි ප්‍රකාශ කර මිනිසාට තමාගේ මොලොව අවශ්‍යතා ප්‍රතික්ෂේප නොකරන ලෙස දේශනා කරයි.
දෙවියන්ගේ අවසාන දේව දූතයාණන්වූ මුහම්මද්(සල්ලල්ලාහු අලෙයිහි වසල්ලම්) තුමාණෝ —මෙලොව සැපසම්පත්වලින් දැඩි වශයෙන් ප්‍රිය කරන්නේ කාන්තාවන්ට හා සුවඳ විලවුන්වලටය. මගේ ඇස්වලට සිසිල ගෙන දෙන්නේ සලාතයයි.˜ යනුවෙන් ප්‍රකාශ කළහ.
මෙහිදී මිනිසා තුල ඇති කාමුක හැඟීම සුවඳවිලවුන්වලට උපමා කර ඇත. ඒ සමගම එම හැඟීම් සීමාව ඉක්මවා ගොස් අනතුරුදායක වීම වැළැක්වීමට සලාතය මගින් වැටක් තනා ඇත. සලාතය වනාහි දෙවියන්ට සමීප විය හැකිවූද, දේවාශිර්වාදය ලබාගත හැකිවූද වැදගත් මාධ්‍යයකි.
එක් අවස්ථාවක දේවදූතයාණන් තම මිත්‍රවරුන් අමතා —මිනිසෙක් තම බිරිඳ සමග අඹුසැමියන් ලෙස (සංසර්ගයේ) හැසිරීමේදීත් අල්ලාහ්ගෙන් කුසල් හිමි කර ගනී˜ යනුවෙන් පැවසූහ. මෙය ඇසූ මිත්‍රවරු යමෙක් තම බිරිඳ සමග සංසර්ගයේ යෙදීමටත් (ආශාවන් සංසිදුවා ගැනීමටත්) පින් ලැඛෙනවාද යනුවෙන් ප්‍රශ්න කළහ. එවිට එතුමාණෝ —යමෙක් තම ආශාවන් වැරදි මාර්ගයකින් සංසිදුවා ගැනීම පාපයක් නොවන්නේද? යනුවෙන් පිළිතුරු දුන්හ. (මුස්ලිම්).
ඉහත දක්වා ඇති දේව වාක්‍ය හා දේව දූතයාණන්ගේ කියමන් දෙස බලන විට මිනිසාගේ ස්වභාවික ආශාවන් හා හැඟීම් වළලා දැමීමක් හෝ මර්ධනය කිරීමක් ගැන කථා කිරීමට ඉස්ලාමයේ කොහෙත්ම ඉඩක් නැති බව හොඳින් පැහැදිළීවන්නේය. එමනිසා තරුණයින් තමන්තුල ඇතිවන —කාමාශාව˜ පිළිකුල් ලෙස හෙලා නොදකින්න. ඒවා වළලා දැමිය යුතු හො මැඩලිය යුතු හැඟීම් ලෙසද නොහිතන්න. තම හැඟීම්(ආශාවන්) සංසිදුවා ගැනීමට (සදාචාරාත්මක) නිසි මඟක් තෝරා ගන්නා තෙක් ඉවසීමෙන් සිටින්න.
—ෆ්‍රොයිඩ්˜ මහතාගේ මතය අනුවත් ආශාවන් සංසිදුවාගැනීම තාවකාලිකව නැවැත්වීම ආශාවන් වළලා දැමීමක් හෝ මර්ධනය කිරීමක් ලෙස නොසැලකේ. කාමාශාවන් තාවකාලිකව ප්‍රමාදකිරීම නිසා නහර දුර්වලවීමක් හෝ මානසික ආරවුල් හෝ ඇතිවන්නේ නැත. ඒවා මර්ධනය හෝ වළලා දැමීම නිසා නහර දුර්වලාතාවලට හා මානසික රෝගවලට මුහුණු පෑමට සිදුවිය හැක.
විවාහ වනතෙක් ලිංගික ඇසුරෙන් වැළකී සිටින ලෙස කීම මෙලොව සැපසම්පත් අත්හැර දමන්නැයි කීමක්(නියෝගයක්) නොවන්නේය. තමාව පාලනය කරගත නොහැකි පුද්ගලයෙකුට තම පෞර්ෂවය හා අභිමානය රැකගත නොහැක. මෙය සනාථකර පෙන්වීමට අවශ්‍ය අප්‍රමාණ සාධක ඉතිහාසය තුලින් දැකිය හැක.
දුක ඉවසා ගැනීමටත්, ප්‍රීතිය තාවකාලකව කල් දැමීමටත් තම ජනතාව දැනුවත් නොකරන, ඕනෑම රටකට ජාත්‍යන්තර මට්ටමේ ආරවුලක් උද්ගතවුවහොත් ඉන් ජය ගැනීම අපහසු වන්නේය. ඉස්ලාම් ආගමේ අනිවාර්‍යය වගකීමක් වන උපවාස ශීලයේ එක් අරමුණක් වන්නේ ජනතාවට මෙම පුහුණුව ලබාදීමයි.
බඩගින්න, පිපාසය නොසංසිදුවා මිනිසා විසින් භුක්ති විඳිය යුතු ආශාවන්ගෙන් ඔහු ඈත්කර තබන උපවාසය අවශ්‍යමද? පැහැදිළි අරමුණක් හෝ යතාර්ථයක් හෝ නොමැති මෙම උපවාසය ආගමකින් නියම කළ පමණින්ම පිළිගත යුතුද? මෙසේ උපවාසය පිළිබඳව ඇනුම්පද කීම සමහරු සාමාන්‍ය පුරුද්දක් කරගෙන සිටිති.
මේ අයට අප විශේෂයෙන් කිවයුත්තක් ඇත. තමා තුල ඇති ආශාවන් පාලනය කළ නොහැකි මිනිසාත් මනුෂ්‍යයෙක්ද? තම ආශාවන් පැය කීපයකටවත් පාලනය කර ගත නොහැකි මිනිසෙකුට මේ ලෝකයේ වැදගත් යමක් කළ හැකිද? තත්ත්වය මෙසේ පවතී නම් අද ලෝකය පුරා හිස ඔසවා ඇති අපරාධ රැල්ල ඉදිරියේ විරුද්ධව සටන්කිරීමට අපට කෙසේ හැකි වෙයිද?
මේ ලෝකයේ යම් ප්‍රයෝජනවත් වැඩක් කිරීමට අවශ්‍ය නම් සුළු වශයෙන් වත් පරිත්‍යාගශීලී විය යුතුය. පරිත්‍යාගයට ප්‍රථම පැයකීපයක් ඉවසා සිටීමේ මානසිකත්වයක් හෝ අවශ්‍ය වන්නේය. එහෙයින් ආශාවන් පාලනය කිරීම පිළිබඳව පුහුණුවක් සෑම පුද්ගලයකුට අනිවාර්යයෙන් තිබිය යුතුය.

නැගෙනහිර මුස්ලිම් රාජ්‍යවල කොමියුනිස්ට් වාදය ප්‍රචාරය කරන අය ඉස්ලාමය අනිවාර්‍යය කර ඇති උපවාසය මෙන්ම ඒ හා සමාන ස්වපාලනය (ආත්ම දමනය)ට සම්බන්ධ කරුණු හෙලා දකිති. එහෙත් එම කොමියුනිස්ට් වාදීන් ස්ටර්ලින් විසින් පමුණුවන ලද සියලුම වධහිංසා ඉවසාගත්හ. ඔවුන් තම ආශාවන් හා අවශ්‍යතා පාලනය කර ගැනීමට පුහුණුවක් ලබා නොසිටියා නම් පැසිස්ට් වාදීන්ගේ ඒ වධහිංසා ඉවසා දරා සිටිය නොහැක.
සම්පූර්ණයෙන් කොමියුනිස්ට් පාලනයක් පවතින රටක ඔවුන් පනවන නියෝගයන් පිළිගෙන තමන්ගේ සියලුම ආශාවන් පාලනය කර ගැනීමට, එහි තුල සිටින ජනතාව (විශේෂයෙන් කොමියුනිස්ට්වාදීන්) සූදානම්ය. එහෙත් එවැනි රාජ්‍යයක් නිර්මාණය කිරීමට මුල් වූ මිනිසාව මැවූ දෙවියන් විසින් එම පාලනයම නියම කළ විට අයියෝ..  කියමින් විලාප නැංවීම මහත් සිත්තැවුලට හා පුදුමයට කරුණක් වන්නේය.
ආගම තමාගේ අනුගාමිකයින්ගේ ජීවිතයේ රසාශ්වාදය නැති කරන අතර —පාපය˜ නමැති බිය ආගම් විශ්වාස කරන්නවුන්ගේ සිත් තුලට ඇතුල් වෙයි. මෙවැනි චෝදනාවක්ද ආගම් වෙත එල්ල කෙරෙයි. එම චෝදනාව ඉස්ලාමයට නොගැලපෙන්නේය. හේතුව ඉස්ලාමය පාපයට වඩා පව්සමාව ගැන බහුලව දේශනා කරයි.
ඉස්ලාමයේ මතය අනුව පාපය යනු මිනිසාගේ උත්පත්තියේ සිට ඔහු සමග වැඩෙන දෙයක් නොවේ. මුල්ම මිනිසාවූ ආදම්(අලෙයිහිස් සලාම්)තුමා කළ වැරැද්ද මුළු මහත් මානව වර්ගයාම වෙලාගත්තා නොවේ. ආදම් (අලෙයිහිස් සලාම්) තුමා වැරුද්දක් කළද එය පවක් බව දැනගත් වහාම පව් සමාව ඉල්ලා දෙවියන්ගෙන් ආයාචනා කළහ. අසීමිත දයාන්විතවූද අපරිමිත කරුණාවන්තවූද දෙවියන් වහන්සේ විසින් එතුමාට සමාව දෙන ලදී.
පසුව ආදම් (අලෙයිහිස් සලාම්) තම දෙවියන්ගෙන් වචන කීපයක් ඉගෙන ගත්තේය (ඔහු එම වචනවලින්ම ප්‍රාර්ථනා කරමින් කල් යැවීය) ඒ නිසා ඔහු(අල්ලාහ්) ඔහුට සමාව දුන්නේය…..˜ (අල්-කුර්ආන් 2:27).
ආදම් තුමාගේ පව් සමාව සිදුවූයේ කිසියම් සම්ප්‍රදායක් අනුව නොව අසීමිත දයාන්විතවූ අල්ලාහ්ගේ කාරුණිකත්වය මතය. ආදම් (අලෙයිහිස් සලාම්) තුමා තම වැරැද්ද ගැන පසුතැවිලිවී වැරැද්දෙන් මිදී, දෙවියන් ඉදිරියේ කන්නලව් කළ විට සමාව ලැබුනු අතර ඒ අයුරින්ම ආදම්තුමාගේ දරුපරම්පරාවවූ සමස්ථලෝක ප්‍රජාවද, තමන් කළ වැරදි ගැන පසුතැවිලි වී නැවත තමන් වැරදි නොකරන බවට පොරොන්දු වී සර්වබලධාරී හා මහා කාරුණිකවූ දෙවියන් ඉදිරියේ පව් සමාව අයැද සිටින්නේ නම් සත්‍යවශයෙන්ම සමාව ලබන්නෝමය.
මිනිසාගේ ස්වභාවය, ශක්තිය හා දුර්වලතා දෙවියන් වහන්සේ හොදින් දන්නේය. එහෙයින් ඔහුට ඉසිලිය නොහැකි කිසිම බරක් ඔහු මත පැටවීම දෙවියන් විසින් නොකරන්නේය.
අල්ලාහ් කිසිම ජීවියෙකුගෙන් ඔහුගේ හැකියාවට වැඩි යමක් බලා පොරොත්තු නොවෙයි.˜ (අල්-කුර්ආන් 2:286).
මිනිසුන් කා අතිනුත් වැරදි සිදුවිය හැක. මිනිසා වැරද්දට යොමුවීමේ ස්වභාවයෙන් යුක්තය. වැරදිකරන්නවුන්ගෙන් ශ්‍රේෂ්ඨයින් වන්නේ ඒ ගැන පසුතැවිල්ලෙන් තම වැරදිවලින් මිදී යහපත් අතට හැරෙන අයයි. යන්න දේවදූතයාණන්ගේ රුවන් වැකියකි.
මහා කාරුණිකවූ අල්ලාහ් තම කරුණාවේ මහිමය හා සමාව ලබාදීමේ උත්තරීතර ගූණය පිළිබඳව අල්-කුර්ආනයේ ඛෙහෝ තැන්වල සඳහන් කරයි. ඉන් සමහරක් මෙසේය.
නුඹේ පරමාධිපතිගේ සමාවටත් අහස් හා පොළොව තරම් විශාලවූ ස්වර්ගයටත් යුහුසුළුවන්න. එය බියබැතිමත් අය වෙනුවෙන් සූදානම් කර ලැබ ඇත.
ඔවුන් වස්තුව ඇති අවස්ථාවේත් නැති අවස්ථාවේත් දන් දෙති. කෝපය පාලනය කර ගනිති. මිනිසුන් අතින් සිදුවන වැරදිවලට සමාව දෙති. අල්ලාහ් (මෙවැනි) සුදනන්ව පි්‍රය කරයි.
ඔවූහු යම් ලැජ්ජා සහගත ක්‍රියාවක් කළ විටත්, කුමක් හෝ පාපයක් කිරීමෙන් තමන් විසින් තමන්ටම හානියක් කරගත් අවස්ථාවලදීත්, වහාම අල්ලාහ් ගැන සිතමින් තම පව්සමා කරන මෙන් අල්ලාහ්ගෙන් අයැද (කන්නලව් කර) සිටිති (අල්ලාහ්ද ඔවුන් හට සමාවදෙන්නේය) අල්ලාහ් හැර වෙන කවරෙකු ඔවුන්ගේ පව් කමා කරයිද? ඔවූහු කළ ක්‍රියාව වරදක් බව අවබෝධ කරගත්තේ නම් නැවත එම ක්‍රියාවෙහි නිරත නොවන්නෝය. වහාම එම ක්‍රියාවෙන් මිදෙන්නෝය. මෙවන් අයට ලැඛෙන ප්‍රතිඵලය නම් දෙවියන්ගේ සමාව හිමිවීමත්, සදාකාලිකව ජලධාරාවන් ගලා බසින ස්වර්ගය හිමිවීමත් වන්නේය. ඔවූහු සදාකාලකිව එහි රැෙඳන්නෝය. යහපත් ක්‍රියා කරන අයට් ප්‍රතිඵලයද යහපත් වන්නේය.
˜ (3:133-136).
මේ දේව වාක්‍ය වරක් අවධානයෙන් යුතුව බැලුවොත් දෙවියන් වහන්සේ කෙතරම් කරුණාවන්තදැයි තේරුම් ගත හැක. ඔහු පව් සමාකිරීම පමණක් නොව මිනිසුන්ව උත්තරීතර තත්ත්වයට පත් කරවන්නේය. මෙතරම් කාරුණිකවූ දෙවියන් ගැන හදවතට එකඟව අවබෝධ කරගත් පසු, එම හදවතේ ඔහු ගැන සැකයක් පහළ වෙයිද? මිනිසා කළ වැරැද්ද ගැන පසුතැවිලිවී එම වැරැද්ද නැවත නොකරන චේතනාවෙන් යුතුව පව් සමාව අයැද සිටීනම් ඒ මහා ශ්‍රේෂ්ඨයාණන් විසින් සමාව ලබා දෙන්නේය.
සත්‍යය මෙසේ තිබියදී එක් වරදක් මිනිසාව පරම්පරා ගණනාවක් තිස්සේ වෙලාගෙන තිඛෙන්නේ කෙසේද? පාපය යනු පරම්පරාවෙන් හිමිවන්නක් නොවන බව සනාථ කිරීම සඳහා වෙනත් හේතු සාධක පෙන්වීම අවශ්‍ය වන්නේ නැත. එහෙත් මුහම්මද්(සල්ලල්ලාහු අලෙයිහි වසල්ලම්)තුමාණන්ගේ රුවන්වැකිවලින් එකක් මතුකර පෙන්වීම සුදුසු යැයි හැෙඟ්.
—මාගේ ප්‍රාණය කවුරුන් අතේ තිඛෙන්නේද එම දෙවියන් මත දිවුරා කියමි. නුඹලා පාපය නොහදුනන (කිසිම පවක් නොකරන) පිරිසක්වූයේ නම් නුඹලා තුරන්කර පව්කරන වෙනත් පිරිසක් මෙහි එවන්නේය. ඒ අයට පව් සමාවද ලබා දෙන්නේය.˜
පව් කළ මිනිසා පව් සමාවේ යෙදීම දෙවියන්ට ප්‍රියමනාප ක්‍රියාවක් ලෙස සලකන බව මෙයින් පැහැදිළිව සනාථ වන්නේය.
—නුඹ (මෙසේ) අල්ලාහ් ගැන විශ්වාසකර ඔහුට ස්තූති කරමින් සිටින්නේ නම් නුඹලාට ද~ුවම් කිරීමෙන් ඇතිවෙන ලාභය කුමක්ද? අල්ලාහ් කළගුණ හොඳින් හදුනයි සියල්ල මැනවින් දනියි˜ (4:147).
ඔව්, දෙවියන් වහන්සේ ඔහුගේ අපරිමිත කරුණාවත්, පව් සමාවත් අපමණව ලබාදීමට සූදානම්ව සිටියදී, ජනතාවට දුක්දීමෙන් ඔහුට ඇති ප්‍රයෝජනය කුමක්ද?
අල්හම්දුලිල්ලාහ්. (සියලූ ප්‍රශංසා අල්ලාහ් සතුය.)
www.yayuthumaga.com

හිජාබ් -ෆර්දාව ඇඳීම ඔවුන්ගේ නිදහස පැහැරගැනීමක්ද?

අපගේ සමාජය තුළ කාන්තාවන් වෙන්කර, පිරිමින් මෙන් නිදහසේ සැරිසරන්න ඉඩ නොදී, ෆර්දා (හිජාබ්) නමැති ලෝගුව තුල වසා කාන්තාවන්ගේ නිදහස ඉස්ලාමය පැහැරගෙන ඇතැයි ඉස්ලාමය පිළිබඳ නිසි අවබෝධයක් නැති අය හා කාන්තා නිදහස ගැන කතා කරන අය ඉස්ලාමය වෙත චෝදනා කරති. මෙය නිවැරුදි ද? සත්‍ය වශයෙන්ම කාන්තාවන් මෙම ෆර්දාව ඇඳීම ඔවුන්ගේ නිදහස පැහැරගැනීමක්ද? එය ඔවුන්ගේ දියුණුවට බාධාවක් වන්නේද? යන්න සිතා බැලීම අපගේ යුතුකමක් වන්නේය.

හිජාබය තහනම් කිරීමට විරුද්ධව ප්‍ර0ශයේ මුස්ලිම් කාන්තාවන් උද්ඝෝශනය

හිජාබය තහනම් කිරීමට විරුද්ධව ප්‍ර0ශයේ මුස්ලිම් කාන්තාවන් උද්ඝෝශනය

හිජාබය තහනම් කිරීමට විරුද්ධව ප්‍ර0ශයේ මුස්ලිම් කාන්තාවන් උද්ඝෝශනය

ෆර්දා යන්නෙහි අරාබි වචනය හිජාබ් යන්නය. යම් දෙයකින් වසාගන්නේද එයට හිජාබ් යනුවෙන් හැඳින්වෙයි.

කාන්තාවන් ඇඟ පසඟ වැසෙන අන්දමේ ඇඳුමකින් තමන්ව වසාගත යුතු බව ඉස්ලාමය නියෝග කර ඇත.

ඕනෑම අවස්ථාවක යම් දෙයක් වසා තබන්නේ නම් එය සුරක්ෂිතව තිඛෙන්නේය. යම් දෙයක් ආරක්ෂාකර, එහි නිකැළැල් බව රැකගනු ලබන්නේද එම භාණ්ඩය (හෝ වස්තුව) උසස් දෙයක් ලෙස ජනයා පිළිගන්නේය. මේ ආකාරයෙන්ම කාන්තාවන්ගේ නිකැළැල් භාවය හා උසස්භාවය රැකගැනීමේ උත්තරීතර අරමුණින් ඉස්ලාමය කාන්තාවන්ට තමන්ව ආවරණය කරගන්නා ලෙස නියමකර ඇති බව පහත සදහන් කුර්ආන් පාඨය මඟින් තේරුම් ගත හැක.

නබිතුමනි,, ඔබ ඔබේ භාර්්‍යාවන්ටත්, ඔබේ ගැහැණු දරුවන්ටත් විශ්වාස වන්තයින්ගේ කාන්තාවන්ටත් ඔවුන්ගේ වස්ත්‍රයෙන් කය වසාගන්නා ලෙස පවසන්න. ඔවුන් අභිමානවත් අය ලෙස සලකා ඔවුන්ට බාහිර අතරවලට මුහුණ නොපා සිටීමට මෙය පහසු මඟක් වන්නේය. අල්ලාහ් අති ක්ෂමාශීලී, මහා කාරුණිකය.˜ (අල්-කුර්ආන් 33: 59).

hijab_2.jpg

ඉහත කුර්ආන් පාඨය ගැන ඉතා ගැඹුරින් අවධානය යොමුකර, අද කාන්තාවන්ට අත්වී තිඛෙන ඉරණම හා දුක් ගැහැට ගැන සිතුවොත් හිජාබයේ වැදගත්කම මනාව අවබෝධ වන්නේය. අද සමාජයේ කාන්තාවන් පිරිමින්ගේ කෙලි බඩුවක් හා ඔවුන්ගේ සමච්චලයට ලක්වූ පිරිසක් බවට පත්වී ඇති බව දකින්නෙමු. අසභ්‍ය කාව්‍යයන්, චිත්‍ර, ඡායාරූප හා සිනමාව මිනිසා තුල ඇති කාමුකත්වය අසාමාන්‍ය ලෙස වැඩි කිරීමට හේතුවන අතර ඔවුන්ගේ ගොදුර වන්නේ කාන්තාවයි.

කාන්තාවන් වැඩපල කිරීම, පොදු වාහනවල ගමන් බිමන් යාම පොදු ස්ථානවල රැස්වීම, අවශ්‍යතාවකට මහ මගේ ගමන් කිරීම යනාදිය කිසිවක් ඉස්ලාමය තහනම් කර නැත. එහෙත් අන්‍ය පිරිමින්, ගැවෙසෙන විටත්, ඇසුරු කිරීමට සිදුවේ නම් එවැනි අවස්ථාවල තමන්ගේ ආරක්ෂාව පිණිස හිජාබය සහිතව යායුතු බව ඉස්ලාමය කියයි. එසේ සහභාගිවීමෙන් (කටයුතු කිරීමෙන්) ඔවුන් වැදගත් පිරිසක්සේ සැළකෙන අතර වෙනත් අතවර හා හිරිහැර කිසිවක් සිදු නොවන්නේය. මේ කනගාටුදායක තත්ත්වයෙන් කාන්තාවන් මුදවා ගැනීම ඉස්ලාමයේ අරමුණ වන්නේය.

මෙපමණක් නොවේ අද කාන්තාවක් නිවසින් බැහැරවී පාරේ ගමන් කරන විටත් සේවාස්ථානවලත් බස්, දුම්රිය, ගුවන් ආදි නැවතුම් පළවලත් රැඳී සිටිනුයේ නිතර සිතේ චකිතයක් ඇතුවය. කා අතින් හෝ තමන්ට අතවරයක් සිදුවෙයි යන බිය ඈ තුල නිතර පවතියි. මෙය නිවසෙන් පිටව ගිය කාන්තාවට පමණක් නොව නිවසේ සිටින අයටද තම නිවසෙන් පිටව ගිය කාන්තාව ගැන බියක් පවතියි. මේ සියල්ලට හේතුවන්නේ ඇයගේ ඇඟ පසඟ වැසෙන පරිදි ඇඳුම් පැළඳුම් භාවිතා නොකිරීමයි.

ඉහත සදහන් කළ අදහස්වලට සවන් දෙන අය ආපසු අපෙන් මෙලෙස ප්‍රශ්න කරති. හිජාබ් වැස්ම ඇන්දවිටත් ඉහත දැක්වූ කරදර කිසිවකට මුහුණ පාන්නට සිදු නොවේ යැයි සහතිකව කිව හැකිද? නරක පුරුදු ඇති පුද්ගලයා හිජාබ් ඇන්දත් නැතත් කාන්තාවන්ට අතවර නොකරන්නේද?

අප ඔවුන්ට දෙන පිළිතුර ගැන අවධානයෙන් බලන්න. හිජාබ් අඳින්නේ නම් සත්‍ය වශයෙන්ම මේ තත්ත්වය උදා නොවේ යැයි සහතිකව කිවහැක. ඒත් එක් දෙයක් ගැන සැළකිල්ල යොමු කළ යුතුය. කාන්තාවගේ හැඟීම් හා පිරිමියාගේ හැඟීම් අතර වෙනසක් ඇත. කාන්තාවන් ස්පර්ශය තුලින් හැඟම්බර වන අතර පිරිමින් සිය දෑසට හමුවන ආකර්ශණීය දර්ශණ තුලින් හැඟම්බර වෙයි. මෙය විද්‍යාත්මකව සොයාගත් සත්‍යයකි.

සත්‍ය මෙසේ තිබියදී පිරිමියාගේ නෙත් සිත් ඇදගන්නා අයුරින් ඇඳ පැළඳ පිරිමින්ගේ හැඟීම් ඇවිස්සීමට සැළසීම ඇයගෙන් සිදුවන්නේය. නරක ගති පැවතුම් ඇති පුද්ගලයා හිජාබ් ඇන්දත් අතවර කරන්නේ යැයි ඇසූවොත් කවුරුන් නිසා ඔහු ඒ තත්ත්වයට පත්වුණේද යන්න සළකා බැලිය යුතුය. එය හිජාබ් නොඅඳින කාන්තාවන් නිසා ඇතිවී තිඛෙන තත්ත්වයකි. හිජාබ් නොඅඳින, ආකර්ශනීය ලෙස හැඳ පැළඳ යන කාන්තාවක් හමුවේ හැඟම්බර වුණු පුද්ගලයෙකු අතින් හිජාබ් අඳින කාන්තාවක් වුවද අතවරයට ලක්විය හැක. එයට මුල්වූයේ ඔහු කළින් ඇතිකර ගත් නරක පුරද්ද වන්නේය.

මෙතරම් දුරට පිරිමියෙකු පිරිහීමටත් ඔහුට යහපත් ජීවිතයක් අහිමි වීමටත් හේතුවූයේ තම ඇඟ පසඟ ප්‍රසිද්ධියේ පෙන්වමින් සැරිසරණ කාන්තාවන් බව නොරහසකි. එහෙයින් මේ ලොකයේ හැම කාන්තාවක්ම සංවරව තම ඇඳුම් පැළදුම් සකස්කර ගැනීමට උනන්දුවන්නේ නම් කාන්තාවන්ගේ ආරක්ෂාව තර වන අතර, අතවර හා දූෂණවලින් මිදී ගැහැණු පිරිමි දෙපාර්ශවයටම අභිමානයෙන් යුතුව ජීවත්වීමට මඟ පෑදෙන්නේය.

මෙසේ හිජාබ් ඇදුමෙන් සැරසී යන කාන්තාවන් සැළකිය යුතු තවත් වැදගත් කරුණක් ඇත. තමන් හිජාබය ඇදගෙන සුරක්ෂිතව ගමන් කරන බව පැවසුවත් සුවඳ විලවුන් හා තොල් නිය ආදියද ඇහිබැම්ද වර්ණවත් කරමින් යකඩ ඉදිරියෙන් කාන්දම් තබන්නාසේ සැරිසැරුවොත් හිජාබයේ අරමුණද සුනුවිසුනුවී යන්නේය. හිජාබය අඳින කාන්තාවට තම මුහුණ හා මැණික් කටුවෙන් පහල අත්දෙක පෙන්විය හැක. එහෙත් පිරිමින් ආකර්ශණය කරගන්නා දේවල්වලින් වැළකිය යුතුය. ඒ ගැන අල්-කුර්ආනය කරන ප්‍රකාශය කුමක්දැයි බලමු.

විශ්වාසවන්ත කාන්තාවන්ටත් මෙසේ කියන්න. ඔවුන් තම බැල්ම පහත් කරගත යුතුය. ඔවුන්ගේ රහසඟ (විලි)ද වසාගත යුතුය. පිටත පෙනෙන අංග හැර˜ (තමා සතු අනෙක් රූපාලංකාරයන් කිසිවක් නොපෙන්විය යුතුය) (අල්-කුර්ආන් 24:31).

හිජාබයට විරුද්ධත්වය දක්වන්නන් තවත් බොරු හේතුවක් දක්වමින්, වැඩ කරන කාන්තාවන්ට හිජාබය මහත් හිරිහැරයක් බව කියති. මොවුන් කියන ආකාරයට වැඩකරන කාන්තාවන්ට හිජාබය හිරිහැරයක් නම් ඉස්ලාමීය රාජ්‍යයන්හි කාන්තාවන් වැඩකරන්නේ කෙසේද? අපේ රටේ පවා බොහා් කාන්තාවන් වෙළඳීයන්, කම්කරුවන්, ගුරුවරියන්, ප්‍රචාරක වරියන්, ලේඛිකාවන්, පාලිකාවන්, වෛද්‍යවරියන් හා හෙදියන් වශයෙන්්ද තවත් විවිධ සේවාවන් හා වැඩවල යෙදෙන්නෝය. මොවුන් වැඩ කරන්නේ කෙසේද? ක්‍රිස්තියානි කාන්තාවන් කන්‍යා සොයුරියන් නමින් ජීවිත කාලය තුලම හිජාබය ඇඳගෙන සෑම වැඩක්ම (සේවාවන්හිම) යෙදෙන්නෝය. මේ හිජාබය ඔවුන්ට පහසු වන්නේ කෙසේද? වසර 1400 කට පෙර නබි(සල්ලල්ලාහු අලෙයිහි වසල්ලම්) තුමා හා මිත්‍රවරුන් සහභාගිවූ බොහෝ සටන්වලදී තුවාල ලැබූ සෙබලූන්ට ප්‍රථමාධාර හා ප්‍රතිකාර ලබාදීම සදහා එතුමාගේ භාර්යාවන් හා මිත්‍රවරුන්ගේ භාර්යාවන් සම්පූර්ණ හිජාබය ඇඳගෙන හෙදියන් වශයෙන් සේවයේ යෙදුන බව මෙහිදී විශේෂයෙන් මතක් කළ යුතුව ඇත.

වැසි කාලයට වැස්ස තදින් වසින විට තෙමීමෙන් නොයෙක් ලෙඩ රෝගවලට මුහුණ දීමෙන් ආරක්ෂාවීම සදහා අතේ කොතරම් බරට බඩු තිබුනත් කුඩයක් ඉහලාගෙන හැම දුෂ්කරතාවක්ම විඳ දරාගෙන තමා වැස්සෙන් ආරක්ෂා කරගන්න දරන උත්සාහය මෙන් හිජාබයත් බොහෝ පිරිමින්ගේ ඇස්වලින් තම අඟ පසඟ (නොපෙනී) වසාගෙන, භයානක රෝගයක්වූ දූෂණය හා අපචාරවලින් අපව ආරක්ෂා කරගන්නා පලිහක් ලෙස සළකා එය අපේ ජීවිතයට ළංකර ගන්නේ නම් සමාජයේ සදාචාරාත්මක පැවැත්මට මඟ පෑදෙන්නේය.

ලිංගික අපචාර හා බාල අපචාර පිළිබඳව කොතරම් යෝජනා හා අණපනත් පාර්ලිමේන්තුවේ සම්මත කළත් දිනපතා ඒවා වර්ධනය වීමක් හැර මර්ධනයක් හෝ අඩුවීමක් හෝ පෙනෙන්න නැත. කාන්තාවන් ඉස්ලාමය හඳුන්වා දෙන මෙම හිජාබය ඇඳ ගැනීමට පෙරට එන්නේ නම් මෙවැනි පිළිකුල් සහගත තත්ත්වයෙන් සම්පූර්ණයෙන් මිදීමට හැකිවන්නේය. අපරාධ ගැන බියෙන් තොරව කාන්තාවන්ට නිදහසේ තම වැඩ කටයුතු සඳහා නිවසින් පිටවිය හැකිය.

ඉස්ලාම් කාන්තාවට ලබා දී ඇති අයිතීන් -කෙතරම් දුරට කාන්තා අයිතීන් ආරක‍ෂා කර ඇත්තේද?

ඉස්ලාම් කාන්තාවට ලබා දී ඇති අයිතීන් පිළිබඳ කථා කිරීමට මත්තෙන් වෙනත් ශිෂ්ටාචාරයන්, සංස්කෘතින්, ආගම් කෙතරම් දුරට කාන්තා අයිතීන් ආරක‍ෂා කර ඇත්තේද යනු දැන ගැනීම වඩා උවිතය.

Salma Yaqoob features in the Muslim Women Power Listඅඥාන කාලය යනුවෙන් හඳුන්වන පුරාතන කාලය හෝ වේවා, තාක‍ෂණික යුගය යනුවෙන් හඳුන්වන වත්මන් කාලය හෝ වේවා මෙම සියළු සමයන්හි කාන්තාව පිරිමි ආධිපත්‍යට නතුව අවශ්‍ය විදිහට හසුරුවනු ලැබූහ, විකුණනු ලැබූහ, ලිංගික ආශාවන් ඉෂ්ට කර ගැනීමට පමණක් භාවිතා කරනු ලැබූහ, ගැහැණු දරුවන් සිටීම සෑම අතින්ම හිසරදයක් යැයි සිතා එම දරුවන් වැළලීමද සිදුවූහ.

රෝමානු ශිෂ්ටාචාරය තුළ කාන්තාවගේ චරිතය ඉතාමත් හෑල්ලූලවට ලක්විය. ඇයගේ විවාහයට පසු ඇයත්, ඇය සතු මිළ මුදල් සියල්ල ස්වාමි පුරුෂයාට හිමි විය. තවද ඇය ආත්මාවක් නොමැති සත්වයකු ලෙසින් සළකනු ලැබූහ.

ස්ලෝවෙනික් සමාජය තුළ කාන්තාවන් තමන්ගේ ගැහැණු දරුවන් ලිංගික අතවරයන්ට ලක්වීම බියවී පණ පිටින් ඝාතනය කළහ.

බැබිලෝනියානු ශිෂ්ටාචාරය තුළ කෙනෙකු තවත් කෙනෙකුගේ ගැහැණු දරුවෙකුට හිරි හැර කළේ නම් එකට එක කිරීමක් වශයෙන් ඔහුගේ ගැහැණු දරුවා වද හිංසාවන්ට ලක්විය.

චීන සමාජය තුළ තමන්ගේ සෞභාග්‍ය විනාශ කරන සෝදා පාලූවට ලක්වන ව්‍යාසනයක් සේ සැළකුහ.

භාරත සමාජය තුළ —සති පූජාව˜ (සැමියා නැසී ගිය විට සිය බිරිඳට එම චිතකයටම පැන සිය දිවි නසා ගැනීමට සිදු විය). ඔවුන් එය පුණ්‍ය ක්‍රියාවක් ලෙසද සැළකුහ. වත්මන් යුගයෙහිද මෙවැනි සිදුවීම් පිළිබඳ පුවත් විටින් විට භාරත සමාජය තුළින් වාර්තාවෙමින් පවති.

අරාබි අර්ධත් ද්වීපය තුළද තත්ත්වය මීට වෙනස් නොවූහ. ගැහැණු දරුවන් උපත ලැබීමද අගෞරවයක් ලෙස සැළකු එම සමාජය එම දරුවන් පණ පිටින් වැළලීමටද පසු බට නොවූහ. කාන්තාවගේ ජීවත් වීමේ අයිතිය පවා උදුරාගෙන තිබූ එම සමාජය තුළ කාන්තාවන්ගේ අයිතීන් වෙනුවෙන් හ~ නැගීමට කිසිදු බල වේගයක් නොවීය.

මෙම තත්ත්වය පසුබිම් කොටගෙන ඉස්ලාම් මීට ශත වර්ෂ 14 කට පෙර ලෝකයට හඳුන්වා දුන් කාන්තා අයිතීන් පිළිබඳ මධ්‍යස්තව විග්‍රහයක යෙදිය යුතුය.

ඒක දේව සංකල්පය ලෝකයට හඳුන්වා දෙමින්් එම සංකල්පය යටතේ සමාජය පෙළගැස්සු නබි (සල්) තුමන් එම සමාජය විසින් උදුරා ගනු ලැබු සියළු කාන්තා අයිතීන් දිනා දුන්හ. හය වැනි සියවසේ ජීවත් වූ නබි (සල්) තුමන් ප්‍රථමයෙන් එම අඥාන සමයේ කාන්තාවට එරෙහිව පනවා තිබු සියළු අගුළුවලින් ඇය නිදහස් කරමින් නොනැවතුනු එතුමන්, කාන්තාව මවක් වශයෙන් දියණියක් වශයෙන්, භාර්යාවක් වශයෙන් සමාජයෙහි ඇයට හිමිවිය යුතු සියළු අයිතිවාසිකම් සහ ගෞරවයන් දිනා දුන්හ.

ඉස්ලාම්හි මවක් වශයෙන් ඇගේ චරිතය: ශද්ධවූ අල්-කුර්ආනය මෙසේ පවසයි:

තම දෙමව්පියන්ට යුක්ති ගරුක වන ලෙස අපි මිනිසාට අණකළෙමු. ඔහුගේ මව දුබලත්වයට ඉහළින් දුබලත්වය විඳිමින් ඔහු ඉසුුලූවාය. ඔහුගේ කිරිවැරීම දෙ අවුරුද්දකි. මටද නුඹගේ දෙමාපියන්ටද ස්තුති කරව. මා වෙතටය ඔබගේ යළි පැමිණීම ඇත්තේ (ශ කුර්ආනය 31:14).

අල්ලාහ්ට හැර නැමඳුම් නොකරන ලෙසත්, දෙමාපියන් සමග සෙනෙහෙබරින් කටයුතු කරන ලෙසත්. ඔබගේ ස්වාමියා අණකර ඇත්තේය. ඒ දෙදෙනාගෙන් කෙනෙකු හෝ ඒ දෙදෙනාම වයෝවෘද්ධ වු විට, ඔවුන්ව (උෆ්) චී යන වචනයෙන් පවා නො අමතන්න. ඔවුන් ඔබගෙන් එලවා නොගන්න. තවද ඔවුන් සමග ගෞරවාන්විත ලෙස කථා කරන්න˜ (ශකුර්ආනය 17:23).

නබි (සල්) තුමන්ගෙන් කෙනෙකු මිනිසුන් අතර මිත්‍රත්වය පැවැත්වීමට වඩා සුදුස්සා කව්ද? යැයි ප්‍රශ්න කළ විට, —ඔබේ මව යැයි පිළිතුරු දුන්හ. පසුව කවරෙකුදැයි ඇසීය? ඔබගේ මව යැයි පිළිතුරු දුන්හ, පසුව කවරෙකුදැයි ඇසීය? එවිටත් ඔබගේ මව යැයි පිළිතුරු දුන්හ, පසුව කවිරුන්දැයි ඇසීය? ඔබේ පියා යැයි නබි (සල්) තුමන් පිළිතුරු දුන්හ˜ (මූලාශ්‍රයන්: බුහාරි, මුස්ලිම්).

ජාහිමා (රලි) නබි (සල්) වෙත පැමිණ ශාස්තෘවරයානනිæ මම ශද්ධවූ සටනෙහි නිරතවීමට කැමත්තෙන් පසුවෙන්නෙමියි කීවේය. එවිට නබි (සල්) තුමන් ඔබගේ මව ජීවතුන් අතර සිටින්නේදැයි? ප්‍රශ්ණ කළහ එම මිත්‍රයා එසේ යැයි පැවසු විට ඇයට ඇප උපස්ථාන කරන්න, —ඇයගේ පාමුල ස්වර්ගය තිඛෙන්නේය˜ යැයි නබි (සල්) තුමන් පැවසූහ. (මූලාශ්‍රයන්: අහ්මද්, නසායී).

හය වැනි ශත වර්ෂයේදීම මවගේ පාමුල ස්වර්ගය ඇතැයි ලෝකයට ගෙන හැර පාපු දහමක් ඇත්නම් එය ඉස්ලාම් පමණි. දියණිය වශයෙන්: —ගැහැණු දරුවෙකු උපත ලැබ ඇය පන පිටින් නොවළලා, ඇය අගෞරවයට පත් නොකර, ඇයට වඩා පිරිමි දරුවාට වැඩි සැළකිල්ලක් නොදක්වා ඇති දැඩි කරයිද ඔහුව අල්ලාහ් ස්වර්ගයට ඇතුල් කරන්නේය˜ යනුවෙන් නබි (සල්) ප්‍රකාශ කළහ. (මූලාශ්‍රය: අහ්මද්).

—කෙනෙකුට ගැහැණු දරුවන් පමණක් දායාදයක් වශයෙන් ලැබ, එම දරුවන් සංවර ලෙස හදා වඩා ඇති දැඩි කරයිද එවිට සිය දෙමාපියන්ව ඔවුන් නිරයේ සිට ආරක‍ෂා කරනු ඇත˜ යැයි නබි (සල්) තුමන් ප්‍රකාශ කළහ . (මූලාශ්‍රය: මුස්ලිම්).

දියණියන් තිදෙනෙකු සිට, ඔවුන්ව ඉවසීමෙන් හා කරුණාවෙන් තමන්ගේ හැකියාවට අනූකුලව ඔවුන් හදා වඩා ගත්තේ නම්, ඔවුන් ඔහුට අපාය ගින්නෙන් ආරක‍ෂාව සපයනු ඇත˜ යනුවෙන් නබි (සල්) තුමන් ප්‍රකාශ කළහ. (මූලාශ්‍රය: බුහාරි).

දූවරුන් දෙදෙනෙක් සිටින මුස්ලිම්වරයෙක්, ඒ දෙදෙනා කරුණාවෙන් හදා වඩා ගත් විට, ඔහුට ස්වර්ගයට ඇතුළුවන්නට ඒ දෙදෙනා මග සලස්වති˜ යැයි නබි (සල්) තුමන් පැවසූහ.

අධ්‍යාපනය ලබා දීම, යහපත් නමින් ඇමතිම, යොවුන් වියට පත්වූ විට විවාහ කර දීම සියළු පියවරුන්ට තමන්ගේ ගහැණු දරුවන් වෙනුවෙන් ඉටු කළ යුතු වගකීම් වෙයි˜ (මූලාශ්‍රය: බුහාරි).

ගැහැණු දරුවෙකු උපත ලැබීමද මදි පුංචිකමක් වශයෙන් සළකපු සමාජයක, නබි (සල්) තුමන්ගේ මෙවැනි දේශණයන් කාන්තාවගේ ආරක‍ෂාව හා ඇගේ ගෞරවය නගා සිටුවීමට ඉමහත් පිටුවහලක් විය.

උසස්තම දන් දීම කුමක්දැයි පවසන්නද? යනුවෙන් වරක් නබි (සල්) තුමා සුරාකා ඉබ්න් මාලික් (රලි) ගෙන් විමසීය. එසේය නබි තුමනි යැයි සුරාකා පිළිතුරු දුන් විට, ඔබේ දියණිය යැපීමට කිසිවෙක් නොමැතිව ඔබ වෙතට පැමිණෙන කල්හි, ඇය ආදරයෙන් රැක බලා ගැනීමයි˜ යනුවෙන් නබි (සල්) තුමන් පැවසූහ. (මූලාශ්‍රය: බුහාරි).

විවාහ කර දීමද ඇයගේ පූර්ණ මනාපය අනූව සිදුවිය යුතුයි. —වැන්දඹු කාන්තාවගේ අභිමතයද, කන්‍යාවියගේ කැමැත්තද නොලැඛෙන තෙක් විවාහයක් නොසිදුවිය යුතු යැයි නබි (සල්) තුමන් පැවසූ විට (ශාස්තෘවරයාණනි`) කන්‍යාවගෙන් කෙසේ අභිමතය ලබා ගන්නේද? යනු විමසූ විට ඇයගේ නිහ~තාවය අභිමතය˜ යැයි නබි (සල්) තුමන් පැවසූහ. (මූලාශ්‍රයන්: බුහාරි, මුස්ලිම්).

ඇයගේ අභිමතයෙන් තොරව විවාහයක් සිදුවී එම විවාහය ඇය ප්‍රතිෙක‍ෂ්ප කළේ නම් එම විවාහය වලංගු නොවේ. මෙය ඉස්ලාමීය ප්‍රතිපත්තියයි. ඉබ්නු අබ්බාස් (රලි) වාර්තා කරයි: —යුවතියෙකු නබි (සල්) තුමන් හමුවට පැමිණ මාගේ පියාණන් මා අකැමති කෙනෙකුට මා විවාහ කර දුන්නේය යනුවෙන් පැවසු විට. නබි (සල්) තුමන් ඇයට, ඉදිරියට කැමති නම් අඹු සැමි සම්බන්ධය පවත්වාගෙන යෑමටත්, අකමැති නම් එය ප්‍රතිෙක‍ෂ්ප කිරීමටත් අයිතිය ලබා දුන්හ.(මූලාශ්‍රයන්: අහ්මද්, අබූ දාවුද්, තිර්මිදි).

ඉස්ලාම් කාන්තා අයිතින් කප්පාදු කරයි යනුවෙන් පදනම් විරහිතව චෝදනා කරන යුදෙව්, කිතුවරුන්ගේ ආගමික ග්‍රන්ථයන් කාන්තා අයිතීන් පිළිබඳ පවසන්නේ කුමක්දැයි? මදකට සොයා බැලීම වඩා උචිතය. —යුදෙව්වරු තමන්ට අයිති ඉඩම් යළි තමන් සතු කරගැනීම සඳහා තමන්ගේ ගැහැණු දරුවන් උකසට තැබීමටද, වහලන් විකුණන වෙළඳ පොලවල විකිණීමටද බලය ලබා තිබ්බේය˜ ෙඛෙලයෙහි (නෙකමියා 5:5) සඳහන් වෙයි.කිතු දහමේ නිර්මාතෘ වරයා වශයෙන් සැළකෙන පාවුල්: —ඇය විවාහ කර දෙන්නා යහපතක් කරයි. විවාහ කර නොදෙන්නා වැඩි යහපතක් කරයි˜ යනුවෙන් පවසයි. (1 කොරින්තියා 7:38).

මෙම දේශණය පිළිගත් කිතු බැතිමතුන් තමන්ගේ දැරියන් කිතු පල්ලිවලට භාර කළහ. මෙම කන්‍යාවියන් තමන්ගේ ස්වභාවික හැඟීම් පවා කැපකර ජීවිතය පුරා දේවස්ථාන කර්තව්‍යන් කිරීමට නියෝග කරනු ලබයි. මෙම තත්ත්වය වෙනත් ආගමික සිද්ධාන්ත වලද දැක ගත හැක.

ඔෂපි ධෙ ෂබාස් පුවත් පතෙහි —රාම් ස්වරූප්˜ ලියූ වාර්තාවක එක් තැනක මෙසේ සඳහන් වෙයි, —රෝමයෙහි එක් කන්‍යා මඩමක මසුන් ඇති කරන තටාකයෙහි ජලය සිඳී යෑමත් සමග එහි ඇති ම~ ඉවත් කරන අවස්ථාවෙහිදි, එතුළ 6000 කට අධික බිළින්ධන්ගේ හිස් කැබලි හමුවිය. ආස්තිරියාවෙහි පිහිටා ඇති කන්‍යා මඩමේ ඇත්ත තත්ත්වය මෙයින් ලෝකයට හෙළිවිය. කාන්තාවන්ගේ ස්වභාවික ලිංගික ආශාවන් පවා මැඩ පවත්වන්නට මෙම ආගම් වෙර දැරීම තුළින් ඇතිවුනු අසංඛ්‍යාත පල විපාකවලින් එකක් පමණි ඉහත උදාරණය.

ඉස්ලාම් දහමේ මෙවැනි ප්‍රායෝගික නොවන එකදු නීතියක් හෝ ගෙන හැර පා හැකිද? ඉස්ලාම් කිසිසේත්ම විවාහ ජීවිතය මතු ලොව ජයග්‍රහණයට බාධාවක් යැයි නොපැවසුවේය. විවාහ ජීවිතය දුරාචාරය සමාජයෙන් තුරන් කිරීමේ ප්‍රධාන සාධකය වශයෙන් පවසා ඇත. නබි (සල්) තුමන් වරක් පවසන විට —කාර්්‍යයන් තුනක් ප්‍රමාද නොකරන්න.

එයින් එකක් නම් ගහැණු දරුවා නියම වියට පැමිණ ඇයට සුදුසු මනාලයාද ලැබුනු විට ඇයගේ විවාහය ප්‍රමාද නොකරන්න. තවත් අවස්ථාවක තරුණ පරපුර බලා මෙසේ ඇමතුහ: —තරුණයිනි ඔබලාගෙන් විවාහ කරගැනීමට ශක්තිය ඇති අය විවාහ කරගන්න. නියතයෙන්ම (ඔබ විවාහ කර ගැනීම) ඔබගේ දෑස් වැරදි දේ බැලීමෙන්ද, ඔබගේ ලිංගික අවයවන් වැරදී දේට පෙළඹවීමෙන්ද ඔබ ආරක‍ෂා කරයි˜ (මූලාශ්‍රය: බුහාරි).

විවාහය ස්වර්ගය කරා යන ගමනට බලවත් රුකුලක් වන බව සියවස් 14 කට පෙර ම නබි (සල්) තුමන් පැහැදිළි කළහ.ඇය බිරිඳ වශයෙන්: කාන්තාවගේ සිය කැමැත්තෙන් තොර විවාහය සිදුනොවිය යුතුයි, එසේ සිදුවූවේ නම් එය පිළිගැනීමේ හෝ ප්‍රතිෙක‍ෂ්ප කිරීමේ සම්පූර්ණ බලය ඉස්ලාම් ඇයට ලබා දී ඇත යන්නට සාධක ඉහත සඳහන් කළෙමු. තවද අල්ලාහ් මෙසේ පවසයි: —විශ්වාසවන්තයිනි. කාන්තාවන් බලහත් කාරයෙන් නතු කර ගැනීම අනුමත නොවේ˜.(ශ කුර්ආනය 4:19).

බිරිඳ හා ස්වාමි පුරුෂයා අතර සම්බන්ධය පිළිබඳ අල්කුර්ආනය මෙසේ සඳහන් කරයි: —ඇය ඔබටද ඔබ ඇයටද සළුවක් වන්නේය˜ (ශ.කුර්ආනය 2:187).

(සළුවක් ඇඟලූ විට ඔබට මනා පෞරුෂයෙකුත් අලංකාරයකුත් ඔබේ සුළු දොස් සඟවා බාහිර ඔපයකුත් ඔබට ලැඛෙන්නා සේ ඔඛෙන් ඔබේ බිරිඳටද ලැඛෙන්නේය).

තවද යුග දිවියේ දෙදෙනාටම වගකීම් පැවරී තිබීමද මෙයින් දැක ගත හැක. අල්කුර්ආනය පවසයි: —සැමියන්ට භාර්යාවන්ගෙන් හිමිවිය යුතු අයිතීන් තිඛෙන්නාසේම නිසි පරිදි ඔවුන්ගෙන්ද භාර්යාවන්ට ලැබිය යුතු යුතුකම් තිබේ˜ (ශ කුර්ආනය 2: 228).

මහර් දෑවැද්ද (පුරුෂයා විසින් ස්ත්‍රීයට ගෙවන) : විවාහය සිදුවන අවස්ථාවෙහි මනාලයා ඇය අපේක‍ෂා කරන මහර් (දෑවැද්ද) අනිවාර්ේ‍යන් දිය යුතුය. එය නොදීමෙන් ඇයත් සමග විවාහ දිවියට පිවිසීම සම්පූර්ණයෙන් තහනම්ය. —තවද ඔබලා ඔවුන් සමග ආදරයෙන් සහ යහපත්ව හැසිරෙන්න˜ (ශ.කුර්ආනය 4:19).

ඉන් පසුවද ඇයගේ සියළු අවශ්‍යතාවන්, කෑම බීම, ඇඳුම් පැළඳුම් සියල්ල ඇයට සැපයීමද ස්වාමි පුරුෂයා සතු වගකීම බව ඉස්ලාම් සඳහන් කරයි.

ඔබලා අතුරින් කව්රුන් හෝ කෙනෙකු ඔබගේ පවුල් සංස්ථාව තුළ ශ්‍රේෂ්ඨව වැජඹෙන්නේද ඔහු අන් අයටද ශ්‍රේෂ්ඨ වනු ඇත˜ යැයි නබි (සල්) තුමන් පැවසූහ. (මූලාශ්‍රය: තිර්මිදි).

දික්කසාද වීමේ අයිතිය: පවුල් ජීවිතයෙහි අර්බුදයන් හටගන්නා විට තමන්ගේ ස්වාමි පුරුෂයාගෙන් වෙන්වී ජීවත් වීමටද ඇයට සම්පූර්ණ අයිතිය ඇත. වැන්දඹු කාන්තාවට විවාහ කර ගැනීමේ අයිතිය: ස්වාමි පුරුෂයා මියගිය විට නැතහොත් ඔහුගෙන් දික්කසාද වූ විට තවත් විවාහයක් කර ගැනීමේ උරුමය ඇය සතුය. නබි (සල්) තුමන්, තමන්ගේ ප්‍රථම විවාහය වැන්දඹු කාන්තාවත් සමග කරගනිමින් ලෝකයට පූර්වා දර්ශයක් ලබා දුන්හ.

අධ්‍යාපනය ලබා ගැනීමේ හා අදහස් ප්‍රකාශ කිරීමේ අයිතිය: කාන්තා පිරිමි දෙපාර්ශ්වයටම අධ්‍යාපනය ලබා ගැනීම ඉස්ලාම් අනිවාර්්‍ය කරයි. ආයිෂා (රලි) තුමිය මෙසේ විස්තර කරයි: ශ්‍රේෂ්ඨ කාන්තාවන් වන්නේ මදීනාවට අයත් අන්සාරි කාන්තාවන්ය. මන්ද, ස්ත්‍රීය සතු උපන් ලැජ්ජා බය දැහැමි ඥානය ලබා ගැනීමට ඔවුන්ට බාධාවක් නොවුනේය. (මූලාශ්‍රය: බුහාරි).

කාන්තාවන් නබි (සල්) තුමන් වෙත පැමිණ පිරිමීන් ඔබගෙන් දැහැමි අධ්‍යාපනය ලබා ගැනීමෙහිලා අපට ඉදිරියෙන් සිටින්නෝය. එම හෙයින් අපටත් (අවවාද අනුශාසනා කරන්නට එක් දිනයක් වැය කරන්න යනුවෙන් පැවසූ විට එතුමන් කාන්තා පාර්ශ්වය වෙනුවෙන් දිනයක් වෙන්කර දැහැමි අධ්‍යාපනය ලබා දීමට කටයුතු කළහ.

වැඩි විස්තර

ඉස්ලාමයේ කාන්තා අයිතිවාසිකම්-එක සමානව අධ්‍යාපනය ලබාදීම සෑම දෙමව්පියකුගේම වගකීමකි

අධ්‍යාපනය සෑම මනුෂ්‍යයෙකුට අත්‍යවශ්‍ය දෙයක් සේම, ගැහැණු පිරිමි භේදයකින් තොරව සියලූ දෙනා සතු අයිතිවාසිකමකි. කාන්තාවක් අධ්‍යාපනය ලැබීම වැදගත් වන්නේ, මතු පරම්පරාව බුද්ධිමත්, සදාචාර සම්පන්න පිරිසක් බවට පත්කිරීමේ මහඟ= වගකීම ඇය සතු වන නිසාය. අරාබි ප්‍රස්ථා පිරුළක් ඇත. එනම් —අල්- උම්මු මදරසතුල් ඌලා˜ මව දරුවන්ගේ මුල්පාසලයි.

නබි(සල්ලල්ලාහු අලෙයිහි වසල්ලම්)තුමාණෝ මෙසේ පැවසූහ. —යමෙක් අධ්‍යාපනය සොයා ගමන් කරයි නම් ඔහුට ස්වර්ගයේ මාර්ගය අල්ලාහ් පහසු කරවන්නේය.˜
උත්තරීතර අල්ලාහ් මෙසේ කියයි. —ඔබලාගෙන් විශ්වාසවන්තයින්ට හා ශිල්ප ඥානය ලැබූවන්ටද අල්ලාහ් තත්ත්වන උසස් කර පිරිනමන්නේය.˜
ශු.ද්ධ අල්-කුර්ආනයේ පහළවූ මුල්ම වැකිය අධ්‍යාපනයේ වැදගත්කම පෙන්නුම් කරන්නේය.

ඔබව මැවූ පරමාධිපතිගේ නාමයෙන් කියවන්න. අලක් නමැති තත්ත්වයේ සිට මිනිසාට මවනු ලැබුවේ ඔහු විසින්ය.˜
මෙසේ සදාචාරයෙන් තොර අධ්‍යාපනය හැර අනෙක් හැම ශිල්ප සාස්ත්‍රයක්ම හැදෑරීමට ඉස්ලාමය පූර්ණ සහයෝගය ලබා දෙයි. සහබා කාන්තාවන් (මුහම්මද් නබි තුමන්ගේ සමකාලීන කාන්තාවෝ) අධ්‍යාපනය ලබා ගැනීමේදී ලැජ්ජා නොවූ බව පහත සඳහන් නබි වදන්වලින් සනාථ වන්නේය.
—කාන්තාවන්ගෙන් මදීනාවාසී කාන්තාවන් ඉතා ශ්‍රේෂ්ඨය. හේතුව ආගමික අධ්‍යාපනය ලැබීමෙහි ඔවුන් කිසිවිටක ලැජ්ජාවූයේ නැතැ˜යි ආයිෂා(රළියල්ලාහු අන්හා) තුමිය පැවසූවාය.
අන්සාරි කාන්තාවකු නබි(සල්ලල්ලාහු අලෙයිහි වසල්ලම්)තුමාණන් වෙත පැමිණ —මාසික ශුද්ධිය˜ නැවතුන පසු ස්නානය කරනුයේ කෙසේදැයි විමසුවාය. එවිට ස්නානය කිරීමේ විස්තර කර —කස්තූරි˜ තැවරූ පුළුන්වලින් පිරිසිදු කර ගන්නැයි කීවේය. එවිට ඇය ඒ කෙසේදැයි විමසුවාය. නැවත නබි තුමා එයින් පිරිසිදු කරගන්නැයි කීවේය. නැවතත් ඇය ඒ කෙසේදැයි විමසුවාය. එයින් පිරිසිදු කරගන්නැයි නබි තුමා කීහ. නැවතත් ඇය ඒ ප්‍රශ්නය ඇසූවිට නබි තුමා අහක බලාගත්තේය. එවිට ඇගේ අතින් අල්ලා පසෙකට කර පිරිසිදු කරන හැටි කියා දෙන්නෙමියි ආයිෂා තුමිය පැවසුවාය. (මූලාශ්‍රය: බුහාරි).
ස්වර්ගයේ මාවත පහසුකරවන අධ්‍යාපනය පිරිමින්ට පමණක් අනුමත කර ගැහැණුන්ට අනුමත නොකිරීම දෙවියන්ගෙන් හෝ දේව දූතයාණන්ගෙන් සිදුවූයේ නැත.
ලිප මොලවන ගැහැණුන්ට අධ්‍යාපනය කුමක් සඳහාද? යන සිද්ධාන්තය ඉගැන්වූයේ කවුද? එය දේව වාක්‍යයක්ද? නබි වදනක්ද? දෙවියන් විසින් ගැහැණුන්ට ලබාදුන් දැනුම ලබා ගැනීමට ඉඩනොදී ඔවුන්ගේ ජීවිත හොඳ තත්ත්වයකට ගෙන එන්නේ කෙසේද? තම දරුවන්ට ආගම හා ගුණ ධර්ම ඉගැන්වීමට නොහැකිව ඔවුන්ට ඉස්ලාමයේ සුලඟ පවා වැදෙන්නට නොදී, ඔවුන්ගේ මතු ජීවිතය අඳුරු කරවීමට හේතු විය හැක.

මගේ දුව මට අවශ්‍ය හැටියට හදා ගනිමි. අපට අවශ්‍ය අයුරින් ඇය විවාහ කර දෙන්නෙමු. යන හිතුවක්කාර අදහසින් දෙවියන් දායාද කළ අධ්‍යාපනය හැදෑරීමට ඇයට ඉඩ නොදී සිටීමට කිසිම දෙමව්පියෙකුට දෙවියන් අනුමැතිය දී නොමැත. ගැහැණු පිරිමි භේදයකින් තොරව තම දරුවන් හැමදෙනාටම එක සමානව අධ්‍යාපනය ලබාදීම සෑම දෙමව්පියකුගේම වගකීමකි. එසේ නොකළහොත් දෙවියන් ඉදිරියේ විශාල වරදක් කළ වරදකරුවන් ලෙස පෙනී සිටීමට සිදුවිය හැකි බව අප කවුරුත් තරයේ මතක තබා ගත යුතුය.
නබි(සල්ලල්ලාහු අලෙයිහි වසල්ලම්)තුමාණන් වෙත පැමිණි සහබා කාන්තාවන් ඔබතුමාගෙන් ආගමික දැනුම ලබාගැනීමේදී කාන්තාවන්ට වඩා පිරිමින් ඉදිරියෙන් සිටිති. එහෙයින් අපට උපදෙස් දීම සඳහා වෙනම දිනයක් වෙන්කර දෙනු මැනවයි ඉල්ලා සිටියහ. ඉන්පසු නබිතුමා කාන්තාවන් සඳහා වෙනම දිනයක් නියම කර එදින ඔවුනට ආගම ඉගැන්වූහ. අවශ්‍ය නීතිරීති කියා දුන්හ.
ඉහත සදහන් කරුණ ගැන අවධානය යොමු කීරීමෙන් නබි(සල්ලල්ලාහු අලෙයිහි වසල්ලම්) තුමාණන් කාන්තාවන්ට අධ්‍යාපනය ලබාදීමට කොතරම් දුරට වැදගත් කමකින් හා උනන්දුවකින් කටයුතු කළාද යන්න තේරුම් ගත හැක.

අභයවකාශයට ගිය ප්‍රථම මුස්ලිම් කාන්තාව -Anousheh Ansari

Anousheh Ansari

Ruqaya Al Ghasra, 26, an athlete for the 100 meter and 200 meter events, runs in her ”Hijab” while training for the Beijing Olympics

Muslim women: Mishal Husain

Mishal Husain, the main anchor for BBC World News, is one of the five most powerful women

Muslim women: Baroness Uddin

Baroness Uddin, chair of the government's taskforce championing minority women's participation in public life

Muslim women: Haleh Afshar (left)

Haleh Afshar (left), professor of politics and women studies, York University

Muslim women: Rushanara Ali

Rushanara Ali is a British Labour Party politician and Member of Parliament. She is also Associate Director of the Young Foundation

Muslim women: Salma Yaqoob

Salma Yaqoob is the leader of the Respect political party and a Birmingham city councillor

Muslim women: Yvonne Ridley

Yvonne Ridley is a journalist, author and broadcaster for Press TV

rashida tlaib, tlaib, muslim women

Rashida Tlaib, First Muslim Woman to Become a Michigan State Representative

Read More About Islam

ගැහැණු පිරිමි දෙපාර්ශවයම භේදයෙන් තොරව ඇසුරු කළ හැකිද?

ගැහැණු පිරිමි දෙපාර්ශවයම සෑම අවස්ථාවකම ළඟින් ඇසුරු කිරීම (ගැවසීම) ඉස්ලාමය ප්‍රතික්ෂේප කරයි. මෙය සාධකයක් කරගෙන ඉස්ලාම් ප්‍රතිගාමි දහමක් ලෙස ඇතැම් අය පවසති.

ප්‍රංශයේ පොදු ස්ථානවල කිසිදු බාධාවක් නොමැතිව අල්ලාප සල්ලාපයේ යෙදෙන ගැහැණු, පිරිමි, පොදු තැන්වල අසීලාචාරව හැසිරෙන පෙම්වතුන් සමාන්‍ය දර්ශන වී ඇත. ඉස්ලාමයට නිග්‍රහ කරන අය මෙවන් පිරිහුණු දෑ අඟය කරති.

තව වැඩිදෙනෙක් ඇමරිකාවේ පවතින සිරිත් විරිත් හා ගති පැවතුම් ගැන ඉතා ඉහලින් කථා කරති. ඇමරිකාවේ ජනතාව විවෘත හදවතක් ඇතිව ජීවත්වන පිරිසක් ලෙස දකිති. ඇමරිකාවේ ලිංගික ඇසුර යනු ස්වාභාවික ශරීර අවශ්‍යතාවක් ලෙස සලකා ඕනෑම තැනක සිතූ සේ ජීවත් වන්නට ඉඩදී ඇත.

හැම තරුණයෙකුට පෙම්වතියක් සිටියි. එමෙන්ම හැම තරුණියකටම පෙම්වතෙක් සිටියි. කිසිදු බාධාවකින් තොරව එකිනෙකා ඇසුරු කරන ඔවුනට කායික ඇසුර යනු සාමාන්‍ය දෙයකි. මෙවැනි නිදහස් ස්ත්‍රී පුරුෂ ඇසුරක් සහිත විනෝදගමන් බිමන් වලින් පසුව, ඔවුන්ගේ දෛනික වැඩ කටයුතුවල සම්පූර්ණයෙන් යෙදීමටත්, නිෂ්පාදනයේදී සම්පූර්ණ අවධානය යොමු කළ හැකි අතර ඒ මගින් රටේ දියුණුව ඉහළ තත්ත්වයට ගෙන යා හැකි බවත් ඔවුන්ගේ විශ්වාසයයි.

ඉහත අප සඳහන් කළේ ඇමරිකාවේ දක්නට ලැඛෙන ජන ජීවිතය අගයකරමින් ප්‍රසංශා කරමින් සිටින අයගේ තර්කයයි.

සත්‍යය දැක ගැනීමට නොහැකිව මොවුන් කොතරම් දුරට අන්ධවී සිටින්නේද යන්න පුදුම සහගතයි. ප්‍රසිද්ධ ස්ථානවල ගැහැණු පිරිමි දෙපාර්ශවයට නිදහසේ සැරිසරන්න ඉඩදී රටේ සංවර්ධනය ඇති කරන්නට සැළසුම් කළ ප්‍රංශය ජර්මනියෙන් එල්ලවූ එක් පහරකින් (එයට මුහුණ දිය නොහැකිව) බිඳ වැටුන බව මේ අයට අමතක වීද?

එදා ප්‍රංශය ජර්මනිය ඉදිරියේ දණ ගැසීමට හේතුවූයේ ප්‍රංශ හමුදාවට යුද පුහුණුවක් නොමැති අඩුපාඩුව පමණක් නොවේ. ඔවුන් අතර මව්රට පිළිබඳව අභිමානයෙක් හෝ හැඟීමක් නොවීමය. අල්ලස් හා දූෂණයේ ගිළී සිටියහ. හිතුනු විටක බීමතින් නිදා ගත්හ. ඔවුන්ගේ පාලනයක් නොමැති කාමුක හැසිරීම් නිසා ශක්තිය හීනවී සිටියහ.

එදා ප්‍රංශයේ එකම පරමාර්ථය වූයේ තමන්ගේ සල්ලාල ජීවිතය හා ඒවා පවත්වාගෙන ගිය නිකේතන කඩා නොවැටී ආරක්ෂා කර ගැනීමය. ඉස්ලාමය ගැන විවේචනය කරන පිරිස අපත් එවන් අරුතක් නැති ජීවිතයක් ගත කල යුතු යැයි සිතන්නේද?

ඇමරිකාව ගැන ලබාගත් සංඛ්‍යාලේඛන විස්තර කළහොත් සත්‍යය දැනගත හැකිය. එහි උසස් විද්‍යාලවල ඉගෙනුම ලබන ශිෂ්‍යාවන්ගෙන් සියයට 38ක්ම ගැබ්ගෙන සිටින බවට ඇති පළමුවන වාර්තාව කියවීමෙන්ම ඒ රටේ සදාචාරය හඳුනාගත හැක. විද්‍යාලවල ඉගෙනුම ලබන ශිෂ්‍යාවන්ට වඩා දේවස්ථානවල ඉගෙනුම ලබන ශිෂ්‍යාවන්ගේ තත්ත්වය ඉතා නරකය. හේතුව විද්‍යාලවල ඉගෙනුම ලබන ශිෂ්‍යාවන් උපත්පාලන ක්‍රම භාවිතය හොදින් දැන සිටීමය.

මිනිසාගේ මූලික අවශ්‍යතාවලින් එකක් වන කායික, මානසික තෘප්තිය සඳහා නිසි පිළිවෙත ඉස්ලාමය පෙන්වා දෙයි. මෙම අවශ්‍යතාවයන් සම්පූර්ණ නොවූවොත් දෛනික වැඩකටයුතු අතපසුවී රටේ නිෂ්පදනය, ආර්ථීකය අඩාල වනු ඇති බව ඉස්ලාමය දනියි.

එහෙත් සාධාරණවූත්, ස්වාභාවිකවූත් මෙම අවශ්‍යතාව ඉටුකර ගැනීමට ක්‍රමවත්වූද සදාචාරාත්මකවූද ක්‍රමවේදයක් අවශ්‍යය. තිරිසනුන් මෙන් ගැහැණු පිරිමි දෙපාර්ශවයම ප්‍රසිද්ධියේ හැසිරීම මෙයට පිළියමක් වන්නේ නැත. එයින් සිදුවන්නේ ප්‍රශ්නය තවක් උග්‍ර අතට හැරීම පමණය.

ඇමරිකාවේ දියුණුවට ඒ රටේ පවතින සදාචාරයෙන් තොර පැවැත්ම පාදක වී යැයි යමෙක් කියයිනම් ඔවුන්ට එකක් කිව යුතුය. දැනට ඇමරිකාවේ කෙරෙන නිෂ්පාදන ක්‍රියාවලිය මිනිසුන් විසින්ම කරන්න අවශ්‍ය නැත. එහි නුදුරු අනාගතයේදී පරිඝණක මිනිසුන් (රොබෝවරුන්) ලවා සියලු නිර්මාණ හා නිෂ්පාදන කටයුතු කරවා ගත හැක.

ඇමරිකානුවන්ගේ අධ්‍යාත්මික ජීවිතය කෙසේද යන්න වටහා ගන්නට ඔවුන් නීග්‍රෝ ජාතිකයින්ව වහලුන්වශයෙන් තබාගෙන ඔවුන්ට කායිකව හා මානසිකව දෙන වධහිංසා ගැන දැනගැනීම ප්‍රමාණවත්ය. නීග්‍රෝ ජාතිකයින්ට ඔවුන් ලබාදෙන වධහිංසා ඉතිහාසයේ කවදාවත් නොමැකෙන ලෙස සටහන් වී ඇත. යටත් විජිතවාදය යන නමින් සෙසු රටවල් ආක්‍රමණය කර බලය පවත්වගෙනයාමේ ක්‍රියාවලියට අද දක්වා ඇමරිකාවේ උදව් උපකාර ලැඛෙමින් පවතී.

තම ආශාවන්ට වහල්වී අනෙක් අය තම වහලුන් වශයෙන් සැළකීම ශීෂ්ඨාචාරයක් නිමාවකට පෙරනිමිතිය. මෙවැනි රටක සාරධර්ම ගුණධර්ම හා සංස්කෘතික වශයෙන් සංවර්ධනයක් බලාපොරොත්තු විය නොහැක.

සුරා මතින් යුත් සල්ලාල ජිවිතය අද බොහෝ දෙනෙක් ප්‍රිය කරති. විවිද ආහාර පාන කෙරෙහි සිත ඇදීයාම සමාන්‍ය දෙයකි. එහෙත් සුරාවෙන් මත්වීමත් ආහාරපාන රස විඳීමත් පමණක් ජීවිතයේ අරමුණද? කම්සැප පිරුණ සල්ලාල ජීවිතය මානව වර්ගයාට ඉතා ප්‍රියජනක දෙයක් බව එදා සිට අද දක්වා කවුරු හෝ ප්‍රතික්ෂේප නොකළ කරුණකි. මෙවන් ජීවින රටාවක් ගැන ලෝකයාට හදුන්වාදුන්නේ බටහිර ජාතීන්යැයි කාවිසින්වත් වරදවා තේරුම් නොගත යුතුය.

ග්‍රීක ජාතිකයින්, රෝමජාතිකයින් හා ඉරාන ජාතිකයින්ද මෙම ක්‍රියාවලියේ ඔවුන්ට ඉහළින් යාමට කිසිම ජගතෙක් නොමැති බව කලින්ම ඔප්පු කර පෙන්වා ඇත. කාමාශාවේ කෙළවර දකින්න උත්සාහ කරමින් සිටිය මොවුන්ට අවසානයේ තම රටත් පාවාදීමේ ඉරනමට මුහුණ දීමට හේතුවූයේ ඔවුන්ගේ කාමයෙන් මුලාවූ ජීවිතය බව බටහිර ජාතීන්ට කියාදීමේ වගකීමක් ඔවුන් සතුව ඇත.

ලෞකික වශයෙන් බලන විට බටහිර ජාතීන් අප්‍රමාණ සැපසම්පත්වලින් යුතුව සුඛෝපබෝගී ජීවිතයක් ගත කරති. විද්‍යාව හා තාක්ෂණය, නිෂ්පාදනය හා ආර්ථීක වර්ධනය පිළිබඳව මනා දක්ෂතාවයක් ඔවුන්ට තිබේ. එහෙත් ඔවුන් තුල පවතින අධික කාමුක බව හා ඒ සඳහා ලබාදී ඇති නිදහස නිසා ඔවූහු දිනෙන් දින පරිහානිය කරා ගමන් කරති.

පසුගිය ශත වර්ෂ දෙකක් තිස්සේ ඊජිප්තු වැසියන් වන අපට හිතකර පරිසරයක් නොතිබුණි. මේ තත්ත්වය යටතේ ශිෂ්ඨාචාරය හා සංවර්ධනයේ නාමයෙන් අපට එල්ල කරනු ලබන අගතිගාමීන් යන දෝෂාරෝපනයෙන් මිදීම සඳහා මනුෂ්‍යත්වයෙන් ගිලිහී තිරිසන් ගතිපැවැතුම්වලට අබ්බැහිවීමෙන් (ඊජිප්තුවැසියන්වන අපට) ඇතිවන ප්‍රයෝජනය කුමක්ද?

මුස්ලිම්වරුන් අමතා ඉස්ලාමය අත්හරින මෙන් අනුශාසනා කරන සියලුම ප්‍රගතිශීලීන් අධිරාජ්‍යවාදීන්ගේ අනුගාමිකයින්ය. අධිරාජ්‍යවාදීන් විසින් දිගුකලීනව උපක්‍රමශීලී වැඩසටහන් දියත්කරමින් සිටි. ඔවුන්ගේ යටත් විජිතවල සිටින ජනතාවට ස්වකීය නිදහස කෙරෙහි සිතන්නට ඉඩ නොතබා ඔවුන්ගේ මනස සතුටු කිරීමට අවශ්‍ය සියලුම දොරටු විවෘතකර දී ඇත. මත්ද්‍රව්‍ය, මත්පැන් හා ලිංගික අපාචාරවල ඇබ්බැහිවී මිනිස්කම හා සදාචාරය මුළුමනිනම් ගිලිහී ගිය, වල්මත්වූ ජන කොට්ඨාශයක් බවට ඔවුන්ව පත්කර, ඔවුන්ගේ (ජනතාව නොමඟ යැවීමේ) ඉලක්කය කරා ලඟා වූහ. බටහිර කාන්තාවන් දෙස මඳක් අවධානයෙන් යුතුව බලන්න. ඔවුන් කන්‍යාවන්ව සිට කාන්තාවන් බවට පත්වෙන්නේ කෙසේද? අද ඔවුන් සමාජයේ වැදගත් ස්ථානයක් ලබා ඇතැයි සමහරු ලිඛ්තව හා වාචිකව ප්‍රකාශ කරනු අප අසා ඇත. (ඒ් ගැන අවධානයෙන් සිටින්නෙමු.)

කාන්තාවක් සිය නිවෙස් නඩත්තු කරමින්, දරුවන් බලාකියා ගනිමින් පමණක් සිටි යුගය නිමාවී, තරඟකාරී සමාජයේ පිරිමින් හා එක්ව කටයුතු කරන්නට අද කාන්තාවෝ පෙළඹී සිටිති. එයින් ඔවුනට බොහෝ අත්දැකීම් ලැඛෙන බව පවසති. මෙසේ ලබාගත් අත්දැකීම් නිසා කාන්තාවක් සතු හැකියාවන් හා කුසලතාවල යම් වර්ධනයක් දකින්නට ඇත්ද? නිවස හා තම දරුවන් නඩත්තු කිරීමේ වගකීමෙන් ඈත්වී සිටීම හේතු කොට ගෙන ඔවුන් තුල (පෞද්ගලිකව යම්) යම් සංවර්ධනයක් ඇතිවී තිබේද? කාන්තාවන් තුල වර්තමානයේ ඇතිවූ මෙම වෙනස්කම් නිසා මිනිස් ජීවිතයේ යම් වෙනසක් ඇතිවුනාද මෙවැනි ප්‍රශ්න අප විසින් අසනවිට ඔවුන් නිරුක්තර වූහ.

බටහිර සමාජයේ ස්ත්‍රී පුරුෂ භේදයකින් තොරව හැසිරීම සාමාන්‍ය දෙයක් වී ඇත. අනියම් ඇසුර ඔවුන් වරදක් ලෙසින් දකින්නේ නැත. ඔවුන්ගේ පවුල් ජීවිත අඩපණය. හොඳ මවක්, හොඳ බිරිඳක් වීමට බොහෝ කාන්තාවන් අපොහොසත් වී ඇත. එම සමාජවලින් සාරධර්ම සමුගෙන ගොස්ය.

මෙම සත්‍යය තහවුරු කිරීම සඳහා සංඛ්‍යා ලේඛන බොහෝමයක් ඉදිරිපත් කළහැක. ඇමරිකාවේ දික්කසාද නඩු දිනෙන් දින ඉහළ යන බව අප කවුරුත් දන්නා සත්‍යයකි. අද එහි සිදුවන විවාහවලින් සියයට 40ක්ම බිඳී යයි. ඇමරිකාවට වඩා යුරෝපා රටවල දික්කසාද වීමේ ප්‍රතිශතය තරමක අඩුවූවත් එහි පිරිමියෙකුට ඇසුරු කළ හැකි කාන්තා සංඛ්‍යාව වැඩිය. (එක ගැහැණියක්) පිරිමින් වැඩි දෙනෙක් සමග ඇසුරු කිරීමද සුලභ සිදුවීමකි. ස්වාමියකුගේ බිරිදක් කියනවාට වඩා කාන්තාවන් විනෝද භාණ්ඩ ලෙස භාවිතා කිරීම අගය කරති.

බටහිර රටවල කාන්තාවන් තම හැඟීම්වලට පමණක් ඉඩ නොදී, තමන්ට නිසිතැන, තම වගකීම් යුතුකම් ගැන අවබෝධ කර ගත්තේ නම්, සත්‍යවශයෙන්ම ඔවුන් ගෞරවනීය බිරින්ඳන් හැටියට ජීවත්වී සමාජයේ උසස් තැනක් හිමිකර ගන්නෝය. උත්තරීතර මව්වරුන්වී මානව වර්ගයාගේ වැදගත්කම ආරක්ෂා කිරීමට ඉදිරිපත් වන්නෝය. පවුලේ වගකීමෙන් ඈත්වීමෙන් ඔවුන් වළකින අතර ඇමරිකාවේ මෙතරම් දුරට දික්කසාද වීමද සිදු නොවන්නේය. තවද යුරෝපයේ ගැහැණුන්ට අද මුහුණපාන්න සිදුවී ඇති කණගාටුදායක තත්ත්වයද උදා නොවන්නේය.

කාන්තාවන් කර්මාන්තශාලාවල හා කාර්යාලවල සේවයට යොදවා මුදල් ඉපයීමට සැලසීමෙන් ඔවූහු මවකගෙන් ඉටුවිය යුතු යුතුකම් සම්පූර්ණ අවධානයෙන් යුතුව ඉටු කිරීමට අසමත්වෙති. පවුල් ජීවිතයේ වැදගත්කම සුරැකෙන අයුරින් තම යුතුකම් ඉටුකිරීමට අවශය අත්දැකීම් ඔවුන්ට ලබාගත නොහැක. එයට අවශ්‍ය විවේකය හා අවස්ථාව ඔවුන්ට නොලැබී යන්නේය. මෙහි ප්‍රථීඵලයක් ලෙස පවුල් ජීවිත අඩපණවී සමාජයේ සමබරතාවය බිෙඳන අතර මනුෂ්‍යත්වය කෙමෙන් මිනිසාගෙන් සමුගෙන අමනුෂ්‍ය ගතිගුණ ඔහුව වැළඳ ගන්නේය.

සමස්තයක් වශයෙන් ගත්විට ලෝකයේ කාන්තාවක සුළු පිරිසකට හෝ ඔවුන්ගෙන් විසඳුමක් ලැබුනේද? කිවයුතු කිසිවක් නොමැත.

කාන්තාවන් සතු වැදගත්ම වගකීමක් වන්නේය. එනම් ඔවුන් විසින් ගුණයහපත් දරුවන් ඇති දැඩිකර උතුම් පුරවැසියන් බවට පත්කිරීමේ උත්තරීතර මෙහෙවරයි.

පාර්ලිමේන්තුවලදී සීනු හ~ පරදවන අයුරින් මියුරු හඩින් කථාකර ජනප්‍රිය විය හැකිය. වේදිකාවල හා මංසන්ධිවල තම චතුර කථීකත්වයෙන් දහස සංඛ්‍යාත ජනතාවගේ ආකර්ශනයට (සිත් ඇදගැනීමට) ලක්විය හැකිය. එහෙත් ඔවුන් මාතෘත්වයට හිමි වගකීමෙන් ඈත්වීම නිසා සිදුවී ඇති අලාභය කියා නිමකළ නොහැක. දරුවන්ට යහපත් ගුණධර්ම පුරුදු පුහුණුකර ප්‍රයෝජනවත් පුරවැසියන් බවට පත්කිරීමට මං සැළසීම, මිනිසාගේ හැඟීම් පෙලගස්වා යහපත් මාර්ගය කරා යාමට මඟපෙන්වීම, මිනිසාගේ අධ්‍යාත්මික දියුණුව වර්ධන කිරීම, ආදරය නමැති දර්ශනය ප්‍රයෝගිකව හා අත්දැකීම් තුළින් ඔවුන්ගේ ජීවිතවලට ලබාදීම යනාදී උතුම් මෙහෙවරවල් ඉටුකළ හැක්කේ මව්වරුන්ගේ සම්පූර්ණ අවධානය ඒ කෙරෙහි යොමු කිරීමෙන් පමණය.

කාන්තාව කෙරෙහි දැඩිව කටයුතු කිරීම (තහංචිපැනවීම) සාධාරණ නැති බව සත්‍යයකි. ජීවිතයේ සතුට අත් විඳීමේ නිදහස ඔවුන්ට අහිමි නොකළ යුතුය. ඔවුන්ද ප්‍රාණයක් හා ආත්මයක් ඇති උතුම් මැවීමක් බව ප්‍රතික්ෂේප කළ නොහැක. එහෙත් හිතුවක්කාර අන්දමින් (අත්තනෝමතිකව) ජීවත්වීම අනුමත කළ නොහැක. මෙය ගැහැණුන්ට පමණක් නොව පිරිමින්ටද පොදු න්‍යායකි. අපි අපේ ජීවිතය කොයි ආකාරයෙන් සැලසුම් කරගෙන සිටිමුද? එය අපේ මතු පරපුරට කෙලින්ම බලපාන්නේය. ලැජජා බියෙන් තොර ජීවිතයක් අපේ මතු පරපුරට දායාදය කරමු නම් එය ඔවුන්ගේ ජීවිත විනාශය කරා යොමු කිරීමකි. ඒ නිසාම අපේ ජීවිතය අපේ අත්තනෝමතික පැවැත්ම අනුමත නොකරයි. මෙවන් අශිෂ්ට ජීවිතයකින් ලද හැකි ඵලක් වේද? අනාගත පරපුරේ පිරිහීමට අප මඟ සැළසූවොත් ඔවුන් අපට ශාප නොකරාවිද?

ඉස්ලාම් වර්තමාන සමාජය ගැන පමණක් නොව අනාගත පරපුර ගැනද සිතා අද වගේම හෙටත් යහපත් සමාජයක් ගොඩනැගීමට අවශ්‍ය පරිදි ක්‍රියා කරයි. හේතුව මානව වර්ගයා ආරම්භයේ සිට ලෝක විනාශය දක්වා යහපත් ජීවිතයක් ගත කිරීම එහි අරමුණ වන නිසාය.

එම අරමුණ හේතුකොටගෙන ඉස්ලාම් ධර්මය දුර්වල යැයි කිව නොහැකිය. මිනිසාට අවශ්‍ය සැපසම්පත් හා ඒවා භුක්තිවිඳීම කිසියම් අයුරකින් හෝ තහනම් කරයිනම් එයට දොස් පැවරීම සාධාරණය. එහෙත් ඉස්ලාමය මිනිසාගේ සාධාරණවූ ආශාවන් හා අවශ්‍යතාවයන් නිසි අයුරින් සපුරා ගැනීම කිසිසේත් තහනම් නොකරයි.

ජීවිතයේ සෑම අංශයකින්ම දියුණුවීමට මිනිසාට මග පෙන්වනුයේ ඉස්ලාමය පමණි. මිනිසා තුල ඇති ස්වාභාවික ආශාවන් ශ=ද්ධ කුර්ආනය ප්‍රතික්ෂේප නොකරයි. මේ හැඟීම් මිනිසා තුල මුළුමනින්ම මතු නොවෙන ඒවා බවද නොකියයි. ඒවා පිළිකුල් සහගත හෝ පාපකර්ම ලෙස හෝ පවසා මිනිසා ඉන් බැහැර නොකරයි. එහෙත් මිනිසා ආශාවන්ට වහල්වී මිනිස්කම නැතිකර ගැනීම ඉස්ලාම් අනුමත නොකරයි. මිනිසා තිරිසනුන් බවට පත්වීම ඉස්ලාමය පිළි නොගනී.

මිනිසාගේ ආශාවන් ඉටු කර ගැනීම (පිරිමසා ගැනීම) පාපයක් ලෙස හදුන්වන දර්ශණයටත් ඉස්ලාමයටත් විශාල පරතරයක් ඇත. මිනිසාගේ උත්තරීතරභාවය ඉස්මතු කරවීම සඳහා ඔහුගේ ස්වභාවික ආශාවන් සියල්ල මැඩ පැවත්වා විලංගු දැමීමෙහි කිසිම සාධාරණත්වයක් නොමැත.

මිනිසාගේ අධ්‍යාත්මික ගුණවගාවත් සමග ඔහු සෑම අතින්ම උසස් ගති ගුණවලින් පෝෂණය කිරීම ඉස්ලාමයේ ඉලක්කය වන්නේය. මිනිසාගේ ස්වාභාවික හැඟීම් හා අවශ්‍යතා (ආශාවන්) තම අධ්‍යාත්මය පළුඳු නොවන අයුරින් සපුරා ගැනීම ඉස්ලාම් ගරු කරයි. ඒවා මැඩගැනීමට හෝ යටපත් කර ගැනීමට නොකියයි.

ශ්‍රිලoකවේ කාන්තා ස0ස්කෘතිය